Last Devoted ( Mafia // Mizo )

Last Devoted - 16

                       Chapter - 16

BY - GRAPESY

( MAFIA|| ROMANCE )

Ka mit chu thei leh theilo ka han meng a, ka thil hmuh varvo vang chuan damdawiin a ni tih chu hrilh chawp ka ngai hauhlo. Ka kut nghet taka chelh tu an awm tih hriat takin a lum vung vung a, ka han en nak chuan Raphael alo ni.

Ka kut a chelh chung chuan khum ah chuan a bawk a, a chau dawn tih chu hai rual a nilo, thil ka ngaihtuah chhuah rualin ka lu a hai hle a, Raphael lak ah ka in thiamlo hle bawk.

Chet sawn deuh ka han tum chu ka dar chu a rawn thip nghal hlar a, ka ner nghal sak a kan en nak chuan an lo tuam bur a, ka nghawng thleng in a sil ťhum a, hawi pawh ala nuam zanlo a, ka lu lah chu a na leh ut ut ťhin a, Raphael lakah ka in thiamlo hle a, sawi fiah dan mai pawh ka hrelo hial zawk.

Engtia han tih tur nge tih lah ka hre derlo a, ka pa ka ngaihtuah chhuah zawng lah in hrehawm ka ti hle a, a thi ngei a ni tih lah ka hai hauh bawk silo. Ka hma ngei ah ka mit hmuh lai ngeiin, ka nau te ho lah ka ngai thar hle a, ka pa a awmlo chu ka hlim pui rualin an din hmun a chhe zual dawn tih lah ka hai hauhlo.

Ka pa ngeiin inremna a tih chah miau vangin a buai nuaih dawn ngei a, engtin tak ka nau te ho chu awm ve ang maw?

Raphael tui tak a amuhil lai chu ka thlir leh vang vang a, ka thaw leh hap ťhin, tiang em em hian Raphael hian min lo ngaihtuah ka ring hauhlo a, tiang reng hian min lo ngaih pawimawh ka ring ngai hauhlo bawk.

A muhil lai chu ka thlir ning thei mawlhlo, a thaw sek sek a, a hmel ah lah chuan sawi sel leh tur chuang ka hrelo hauhlo. Hmeichhia in an mipa duh ang an sawi ang zawng zawng hi a amah ah hian a kim vek a ni mai hian ka hria, ka phulo hle a, ka ta chauh a ni thei mai te hi mak ka ti leh rum rum ťhin. Kei hmeichhe tlak tlai lo zet leh chhuan tur reng neilo hian, a ni ang mipa famkim lutuk hi chu ka phulo chhia va a ni.

Ka thlir reng lai chuan a rawn rum ťuah ťuah a, a rawn meng rual a min hmuh nghal vang chuan chawp leh chilh in a nui nghal a, chu te mai mai chuan min ti lawm a, amah ka duhna a ti zual a, amah ka ngaihzia leh ka thlakhleh zia ka hre chhuak thar bawk Raphael chu kuah vawng vawng ka chak a, a rem mawlh silo.

" I lo harh tawh elaw? " ka beisei aia dam chuan alo ti var a, a âw mawlh chuan a zun ah min uai tir a, chung a thu sawi mal tin te lah chuan ka ťah an ti chhuak hlur a, amah ka ngaihna an ti zual a, ka kiang ah awm reng mahsela amah ka ngaihna a reh tak tak chuang hauhlo.

Ka biang ah chuan a rawn dawm a, ka chhan lawk loh vang chu nge ni " I ťha maw, Naupangte? " a rawn ti a, a âw dam zet chuan min hnem lo.theilo, zawi muangin ka lu chu ka bu a. Ka nghawng leh dar bul vel erawh a kham ťun a, a na hle bawk.

" A na viau em? "

Ka dar chu a rawn thlek zauh a ' A na takzet ' ti a chhan chu ka chak takzet.

" Na lo e " ka nui lui a, min let ve suk bawk, ka dar ai mah chuan ka rilru mawlh chu a ni na chu. Aawi fiah dan ka thiamlo a, ka àwm ah hian a in hnawh tup tup a, a puak keh ang tih chu ka hlauh ber a ni.

" Ilo thlenna a rei tawh em? "

Ka tih chuan lu a bu nghut a. Raphael chu ka thlir a, a laka ta ka mit chu ka la sawn phal mawlhlo a tih theih ang. A hmelťha zet chu ka thlir a, ka pasal a ni mai te hi mak ka tilo theilo.

" Abigail "

A rawn ti leh pawh chuan ka chhang thei leh lawk ta lo, ka kâ chu phuar tu nei ang mai a ni, alak aťang lah ka mit ka la sawn thei chuanglo a, ka thlir ngawih ngawih a, amah chu ka kham thei mawlhlo " Ka naute, enge awmzia? " a rawn ti a, chiang kel kawl in ka mit ah chuan a en leh a.