Last Devoted ( Mafia // Mizo )

Last devoted - 4

                      Chapter - 4

BY - GRAPESY

( MAFIA|| ROMANCE )

Ka chhiat ber laite, ťanpui kan ngaih ber laite, ka chaklo ber lai pawh a min phatsan ve ngailo tu Chiara vang a, ka muttui chu dang theilo ka ni.

" Chiara.... " ka kuah a, thu dang reng ka sawi chhunzawm thei ta hauhlo, ka kâ chuan hup tu nei ang mai hi a ni, sawi chhuah tur a nghah a, sawi chhuak tur erawh chuan chakna a neilo thung, ngaithla tu leh lo dawngsawng tu a mamawh hle bawk.

Ka hnungzang ah chuan a chul hliau hliau a, ka ťah chhung zawng chuan eng zawhna mah min zawtlo a, a phun heklo a, âw rawl chhuah meuh in ka ťap a, Chiara pawh chuan a ngaithla ve reng bawk. Rei tawk fang ka ťah hnu chuan khum ah zâwi hnawk in ka mu thla a, ka chau hluah hluah bawk.

Chiara kawngkhar kalh rik rawk rawk ri chu ka ngaithla reng a, chung lam chu kan han thlir ťhin, ka ngaihtuahna lah chu a tawi tuk mai a. Nunna pahnih ka kut ah a awm tih ka hre ran a, chu nunna ka kut a awm te chu Amber leh keima nunna ngei a ni, ka ti sual hlauh a nih teh chuan an pahnih in ka chan ve ve thei a, ka ti fuh hlauh a nih chuan nunna pahnih chu an him thei bawk.

Chu thil thleng tur chuan thil mak thlen a ngai thung, Amber damna tur chuan keiin pasal ka neih a ngai a, pasal ka nei duhlo a nih teh chuan Amber nunna in tawrh a ngai thung. Amelia lah ka-pa sum-dawnna ah mi pawimawh tak a nih piah lamah, ka pa company la rochun mai tur a ni a, Anna lah naute mai ala ni bawk si....

Ka thaw leh hak ťhin a, ka thuthlukna siam hian Amber nunna pawh sei sak se ka ti ngei mai....

Chiara chu ka bulah rawn mu in, min rawn kuah nghal a, kei pawh chuan ka lo kuah let nghal vat a, rei tawk fang kan ngawih dun hnu chuan
" Abigail..." a rawn ti a " Umm.. " tih zawng chu ka chhanna a ni " Le, I ťah chhan chu min hrilh tawh rawhle, tu in nge ka ťhianťha ber hi lo vel ťap? " min thlem ti tih chuan an ti a, ka chhan hma chuan kan thaw hak phawt a, ka zeplo ka zam a kâ hlauthawng bawk.

" Chiara, pasal ka nei dawn .. " ka tih chuan, a rawn tho kang nghal zat a. A chet dan teh thut vang chuan kei pawh ka phu zawk nghe nghe " I uang tiraw? " nui hawk pah chuan a rawn ti a, mahse a nuih zat bikloh zia ka hria, kan in en ran ni-dang zawng a ťawng hmasak in chuh ťhin kha, vawiin ni zet zawng a dan a dang a ni.

" Tu nge I neih dawn? " a tawp a tawp ah chuan a rawn ti ta a, rawn mu thla leh in, a mutdan rawn siam rem in min rawn kuah zui nghal thak bawk   " Hmuh pawh kala hmulo " ka tih chuan a thaw zui hawk a " A hming tal pawh I hrelo em ni? " a rawn tih tak ah chuan " Raphael a nia,
American chu a nihloh hmel " ka tih chuan min rawn en deuh ha a.

" Eng vang in nge I chhungte chuan pasal nei tur a, an duh che? " Chiara chu a lungawilo viau tih pawh a hriat theih, hrilh vek ka duh viau a mahse, a rem tlat silo " Chiara, ka duh thlanna alawm " ka tih chuan, a meng buai nak a, hriat thiamloh hmel fe chuan min en bawk.

" Nang hi, kum pawh ila tling re re hleihnem, chulo bakah ngaihzawng pawh ila nei hleihnem " a tih chuan, ka chhang tawhlo ka duhthlanna a nih miau vang in, in chhir ka duh tawhlo a, lo in chhir viau pawh ni mahila, a thleng tur chu a thleng tawh a, sut leh theih rual an ni tawhlo. Ngaihzawng awmzia leh hmangaih neih awmzia ka hrelo a, ka hriat thiam chhun chu unau in hmangaihna leh ťhianťha in kar a induhsakna leh inhmangaih na hi a ni, hmangaihna ka hriat thiam awm chhun chu.

Mipa leh hmeichhe in-kar a, in hip tawnna hi ka hre thiamlo a, ťha tih zawng leh ka mit la tu an awm tih mai loh chu, heng hmangaihna ang ah hian tawn hriat leh tem ka la neilo a, mipa ah pawh ka-pa hi ka nel ber a ni ngei ang. Ni e, ka pa hi a chang chuan ka haw ťhin ngei mai, mahse thisen a Inzawmna alo awm tawh a nih chuan, huat reng an harsat piah lamah, en san hi an har ťhin.