Last Devoted ( Mafia // Mizo )

Last devoted - 3

                       Chapter - 3

BY - GRAPESY

( MAFIA|| ROMANCE )

Karkhat lek mah nise, chhungkaw kim a dawhkan khat a chaw kan han kil ho leh thei chu, chhungril tak ah hian ka hlim veng veng a, Chiara laka chen kha nuamlo ka tih na lam nilo in, thisen a in zawmna hi chuan a dek dan a dang zar vang a ni.

" Pa! "

ka-pa chu rawn hawi chhuak in min rawn en nghal zat a, ka thu sawi duh ka sawi hma in ka âw te chu kan han thian leh kharh kharh phawt a, ka chetdan mak lutuk vang chuan ka naute chuan min en rulh rulh a, ka nu ngei pawh a bang chuanglo.

" Enge I duh a? "

Ka pa âw chu bul ťha nghet nghut tak a ni " Pa, Amber hian eng natna nge a vei I hria em? " ka ti thawr a, Amelia chuan dawhkan hnuai aťang min rawn tlawh sawk nghe nghe, ka nu pawn âw a rawn thian kharh a, ngai pawimawh lo lui in

" Pa, Amber hi damdawi în-ah hruai a ngai " ka tih chuan, Amelia in min rawn tlawh leh sawk a, min rawn sik pah vak vak bawk, min sih nat em vang chuan kan nghawk leh sawk phawt a chu tah ka pa chuan " Eng vang chuan maw? " a rawn ti a, a zawhna chu ka helh lek lek a ni.

" Amber hi damdawi in-ah kan hruai vatlo nih chuan...." ka thusawi chu ka pa chuan a rawn pawt chat vat a " Kar khat chhung I thang bo a.. " a chawl det a, chiang em em mai hian min en pah bawk " Kha mi hun chhung khan I nau chanchin vawikhat te pawh i rawn ngaih ven em ni? " a rawn ti a, kei a thil dil hian ka ti khawlo leh vek dawn e.

" Ka ngaihtuah vang a damdawi in-a hruai ka tum ka ni reng alawm " ka tih leh chuan, ka pa chuan rum theih tawp chuan min melh a " I pa ka nih hi Abigail! " ka pa chuan a ti vin leh tuar a, ka unau dang te chuan ka pa chet dan vang chuan an hlau thawng tih ka hria, a reh ťhup a mahse keh erawh chuan tlawm ka tumlo.

" Ka hria pa, chuan kei pawh hi I fanu ka ni " ka ti leh chuan, Amelia chu alo thaw hak a, kan boruak ťang ru zet chu thup theih rual a nilo, ka pa chuan in sum âw zet chuan " Ilo haw ve chhun ah, Amber hi ngaihtuah ber awm zia zang in ťawngkam chhak chhuak tawh hlek suh " a ti chuan ka nui chhuak hawk nghe nghe. A mi sawi dan mai mai chu!

" Hlawh ka nei alawm, kei man ka tum vek dawn " ka tih chuan ka pa chuan zawhna ngah tak mitmeng hian min en a, amah chauh nilo ka unau dangte leh ka nu thleng pawh in, a chhan pawh keimah ngei pawh in ka hlawh ka khamloh bakah ka naute tan vawikhat mah ka sum ka la sen loh vang a tin ni.

" Amber damdawi man chu ka tum thei! " ka tih chuan ka-pa chu a rawn nui chhuak hawk a, a phal ve mai dawn emaw tih laiin a khawsak dan chu ka man hauhlo.

" Bar ah I thawk a, chu tah pawh part time leh nghal in mawle " a ti a, min nuih sawh nasa kher mai " I hlawh nângmah pawh a I khamloh kha, I nau enkawl na senso atan chuan I ti ve ngei sia maw " a ti leh a, a nui pah vak vak bawk.

Ka unau dangte chu kan enkual vel a, a bik in amber chuan nuamlo a tih hmel bik khawp mai, hawi pawh hawi chhuak ngamlo in an chaw thleng chu an bih ngur hlawm a, Anna thleng in ka pa awmdan chu hlaulo an awmlo.

" Amelia, I u hian thluak a nei ve lo em ni a? " ka-pa chuan an ti leh kher a, Amelia kan en chuan alo nui tawi tak ringawt, ka pa thu hnial a hreh em vanga nui der ve mai mai a ni tih chu, kei tluk a chiang an awm kherlo ang, Amber ka en chuan beidawn hmel zetin minlo melh ve chiah a. Ka in thiamlo in ka zak hle bawk, a hming a ' u ' tih hming pu ve mai chauh ka ni.

Ka naute tan in nghah tlak leh rin ngam ka nilo a, beiseina thar siam sak aiin an beiseina tlem lo neih ve chhun ti mit tu ang lek ka ni.

" Ka private office ah min rawn hmu ang che, Abigail " ka pa chuan a ti a, a ťhutna aťang a tho chhuak in akal sawn zui zat bawk. Amber beiseina neih ve chhun pawh ka tih mit sak mai chu a ni sia, ka in thiamlo hle tih bak sawi belh tur ka hrelo a, ka zak hle bawk.