Last Devoted ( Mafia // Mizo )

Last Devoted - 15

Chapter - 15

BY - GRAPESY

( MAFIA|| ROMANCE )

Motor kawngkhar a in hawn rualin Lorenzo leh mi pakhat hi an rawn pen chhuak nghal zat a, ka lo en reng a min awmpui tur in Raphael chuan ti mahsela ka thla a muang chuang hauhlo. Mafia dang kut tuar in a thi mai ang tih chu ka hlau hle a, chan ka hlauh zia chu sawi fiah dan mai ka thiamlo zawk.

" Raphael leh Salvatore vang phiang sen in ka kal ve theilo a, mahse lungngai suh aw Abigail ka awmpui ang che " Ka bul a arawn ding rual chuan a rawn ti nghal zung zung a. Ka hlauhthawn zia hria in min rawn hnem ve te pawh a ni mahna le.

" Dennis i let thei tawh ang " Rawn thlah tupa en pah chuan Lorenzo chuan a ti a " Hawh, Abigail lut ila " a ti nghal zung zung a, ka rilru hah ang chuan a hah ve lemlo a nih hmel e.

Dennis tlan chhuah hnu lawk ah kan in zui lut a, ka ngui bur bawk living ah chuan kan lut a " Raphael i ngai a ni maw? " ka ťhut thlak rual chuan a rawn ti fiamthu deuh hlut a, a mangang ve miahlo te chu ka mak tih a tling hial a ni.

" Ngai ve e mawle, engmah ala eilo zui " ka ti a, Raphael chu ka ngaihtuah hle bawk " Abigail, lungngai suh Raphael chu a ngaihtuah awmloh " a rawn ti a, chu erawh chuan min hnem teh chiam chuanglo " Len chhuah i tum em ni? " mi rilru hah lai lai chuan a rawn ti a " Teuhlo mai " ka lo ti vin hlar thung.

" Chhuak tur I ang em a " tiin a phone chu a bih zui daih a, duhdah zet in a ťhu nghal zat bawk " Dinner ei turin kan chhuak dawn a, ti khan thil kha a thleng ta phut sia " ka ti a, a ni pawh chuan " Tak a rawn ei in tum tiraw? " a ti leh hnuhnawh a, a mizia chu Salvatore nen danglam na pakhat mah a awmlo.

" Tum e mawle, ka phur ve teh lul nen " ka ti a, rilru hah zet in ka hui leh pap bawk. Lorenzo chuan min en run run hnu ah " I rilru ti hah suh, Raphael hi a tlawm ve ngailo a rawn let leh dawn tih kha ring tawp rawh " a ti leh a, a thil sawi te chu ring em em lo mahila tlem chuan ka awm a ti nuam ve deuh hlek tawh a, mahse ka chan ang tih hlauhna in ka la khat tho thung.

" Tun a an in beihna hi enge awmzia? " ka ti deuh ha a " Mawl vang anih hi mawl vang " awlsam zet chuan a ti a, a zial zuk lai chu a pak pah ham ham bawk " Tu te mawl vang maw? " ka tih chuan " De Martino thih hnu khan buaina a awm chho char char a, tum ai hma in war a chhuak dawn a nih hi, Russian ho mawl vang mawle an boss kan that sak kha an rilru na nih kha " a ti a, ngaih sam zet chuan a phone a khawih a, ankhat tawk in a zial chu a zu leh ham ham ťhin bawk.

" I kal ve chak viaulo maw? " ka tih chuan a rawn ťhu chhuak deuh hluai a " Chak teh reng e mawle, war ka hmachhawn vawikhatna tur a ni a, vanduaithlak takin kan God-Father nupui ven a ngai miau sia, ral beih na a ahma tawng a awm ťang tur berin Raphael nupui ka awm daih a, ka lungawi lemlo. " a ti a, Raphael tel ai tel thei sela ka ti ngawt mai.

" Thi an tam ťhin viaulo maw? " ka tih chuan " Tam ťhin e, mahse ka unaute erawh a vanduai pawl ah an la ťanglo hram a, an vannei lel lawl khawp mai " pangai deuh chuan a rawn ti ve leh a, a ti ti tui hle bawk.

" Tun ťum war ah hian kan pawl ho in hnehna an chang ngat a nih chuan Raphael hi De Martino a thlan a ni dawn a, mahse war tawp hun tur erawh ka la chianglo. A rei ber ah kum- 4 emaw kum- 5 a ni, a reilo ber ah kum-1 te " atih chuan " A nih chuan Raphael chu kum chuang teh meuh a rawn haw dawn lo tihna em ni? " ka ti ha a, ka hlauthawng hle bawk.

" Nilo e, I thluak avan chak lo reuh tak. Zan in te chu a ťan tir chauh alawm ala nih, an ťhu khawm anga tha rum emaw silai tu ber in emaw an thawh a nih leh an in bei nghal anga, zan in kher chuan an in beih ka ring chiahlo. Mahse an in bei dawnlo tih erawh ka chiang chuanglo, Mafia pawl hrang hrang ho hi aťhen chu an in thurual chawk a, mahse an daih rei ngailo. Lal na in chuh an nih miau avang in mal ťan a ťha ber. Tilo chu phatsan na leh buaina a tam a, thisen a chhuak nasa bawk "