Last Devoted ( Mafia // Mizo )

Last Devoted - 9

                       Chapter - 9

BY - GRAPESY

( MAFIA|| ROMANCE )

Ka ngaihtuah let zawng ringawt pawh chuan ka ťah chu a chhuak hlur a, ka zak em em bawk, kitchen ah chuan lut in tui chu ka in khawlh khawlh a, ka thinphu pawh ala pangai theilo.

Bang a lem ka hmuh aťang te khan chhut thiam tur ka ni a sin le, ka zah em vang chuan ka per leh tet tet ťhin a, khawkhar a thil inziak ka mitthla let phei chuan ka sa pup pup a, ka â thei hial dawn in ka hria, reilo te a bul a ka chen chhung ringawt pawh hian zahna leh thil mak ka tawng ngun mawlh mawlh khawp mai.

" Dinner chu kan ei chhuak ang, siam buai vak duh suh " a rawn ti thum dut a, engtik laiin nge alo thlen tih reng ka hrelo, thawm a neihloh piah lamah a awm tih pawh  a ťawng vang chauh a hria ka ni.

" Siam rawh pawh ti la ka siam peih teuhlo " run luih chakna a khat ka nih vang chuan kan ti leh hram pek a, min chhanglo in a kalsawn hmak a " Khawnge naupang libary chu? Puitling thawnthu lo zawk " ngei awm fe chuan ka ti zui leh hram a, a kal lai pawh chu a tawp chat bawk.

Rawn in her in min en ngur a " Sawi vat mai la " ka tih leh chuan " Min lo zui rawh " a ti thum dut a, a ťawngkam chu a bul nghet nghut khawp mai, a hnung ah chuan ka zui ve hnek hnek a, a pen hlawk mai sia, um ti tih a ngai hial ťhin.

Kawngkhar pakhat chu a hawng a, lehkha bu tam tak ka hmu rual chuan ka âng phuau a, tiang em em a library lian hi ka la hmulo, in chunglam library ai daih in a lian a, a felfai hle bawk " Naupang library chu a nih hi " ngeiawm zet a tih pah chuan a kalsawn a.

Ka chhang letlo, a chhan pawh tun a ka thil hmuh te vang a ni, lehkha bu chu chhiar zawh theih rualloh khawp a tam a ni a, chair leh dawhkan te nen, duhthusam a ni.

Lehkha bu chhiar tur ka zawng a, tam hle mahse duh erawh thlan mai a har a ni. A tawp a tawp ah chuan pakhat ka thlang chhuak a, chair ah chuan ťhu thla in ngun zet chuan ka chhiar a.

Ka rilru zawng zawng nen ka chhiar a, a tak rama kan tawn ve tur a kan lo beisei loh thil tamtak, a chhe lam leh a hlimawm lam chenin chu suangtuahna khawvel ah chuan a thleng a, chu khawvel ah chuan cham hlen theih sela ka ti ngei mai.

Ka lo duhthusam zawng zawng te, chu khawvel ah chuan kan ti hlawhtling a,
ka awh leh duh ngawih ngawih te kan nei a, mahse ka harh chhuah rual in engkim mai chu abo zo a, kan suangtuahna ram a kan lo neih leh chhek khawl zawng zawng te pawh, a bo zo a, engmah lo mai an ni leh ťhin. Ka teh khin thiam dan ber chuan, thli na tak in thawk leh khat a, ala bo vek ang mai hi a ni.

Kan harh chian pauh leh rilru a na thar a, ngaihtuahna hman tam pauh leh a tak ram ai a, suangtuahna ram nawm zia ka hre thar bawk.

Thil tih tur ka zawng kual a, lehkha bu lah ka chhiar rei hlei theilo a, love story chu tlem te tak tak chauh a ni, a sawi ang tak tak in naupang thawnthu an ni a ' Hmanlai hian ' tih a tam hlur a, naute awih mut nan a chhiar awm chi tak a ni.

Naupang thawnthu a kawl ťeuh chu mak tih na tham a ni, a chhan pawh he mantion lian zet ah hian naupang an chenloh piahlam ah amah hian a chhiar dawnlo hrim hrim bawk.

Balcony ah chuan ding in iatly khawpui chu ka thlir a, thli in ka sam a rawn chhem thaw heuh heuh reng a, ka chhungte ka ngai thar kher mai Chiara pawh ka ngaihtuah chawllo a, haw leh tawhlo tur a ka in ngaihtuah phei chuan ťah a chhuat tet tet bawk.

Ni a tla a, zan lam in rorel an ťan a, arsi chu van zau tak ah chuan an pe un a, thla lah chu lunglen ti zual tur ting a êng em em a, ka ťah a chhuak hle bawk, khawpui pawh a eng uar a, ka thil hmuh theih engkim mai chuan ka lung an len vel vek mai a ni.