Last Devoted ( Mafia // Mizo )

Last Devoted - 18

                     Chapter - 18

BY - GRAPESY

( MAFIA|| ROMANCE )

Kan unau ho chuan ka nu-te mutna lam pan chuan kan kal ťham ťham a, Amber chuan mak tih hmel fe in min thlek leh dauh dauh ťhin a, ka hmuh hmaih lui a Amelia pawn thil awmzia chu a man thiam khawp mai.

Room kawngkhar chu ka kik karh karh a " Lo lut rawh " Ka nu âw ngei mai chuan min rawn chhawn thuai a, zawi muangin kawngkhar chu ka hawng riai riai a. Hahdam hmel zetin ka nu chu khum ah chuan alo mu dar dar a, phone ah chuan mi a bia tih hriat takin a beng zawh ah chuan alo dah mek a, Anna erawh ka nu bulah chuan alo muhil sek sek a.

Zai zir in ka nu chuan kal hnai turin min ti a, kan unau chuan kan in zui lut dial a, khum ah chuan Anna tih harh hlau fahran in ka muthla zui a
" Kha I ťhiannu " ka nu chuan a ti a, phone chu min pe nghal a, ka beng ah ka chuktuah fel chiah maw tih chuan.

" Hmeli!!!! "

Chiara âw ngei mai chuan a rawn ti tuar a, speaker a dah ka nih avang chuan ka naute leh ka nu te chu an lo nui dar dar hlawm a, ka lawm bawk si chu ka thinphu te chu a rang deuh dut dut thei hial a ni.

" Chiara!!  "

Ka ťap deuh pur a, ka âw a lai rut bawk ka ťhian-i  hi ka ngai takzet a ni, hun rei tak hnu ah a àw ngei maiin vin zet a min ko leh te chu ka lawm hliah hliah a, ka ngai hle bawk.

" Ka ngaih zia che hi, mawli!!!  "

A rawn ti tuar a, ngawi teh a ťap nia henu zet hi chu aw " Eng vangin nge min rawn biak pawh i tum miahlo a? ka ngaihtuah zia che hi i hria em? Mawli, i mawl dan em em hi! " a ti a, Chiara chu âw rawl tawp tawpin a au a aťap nasa hle bawk.

Kan unau dang te chuan a ťap ri chu an lo ngaithla a, kei ngei pawh ka in sum zolo ťhelh a ni " Ka tihpalh, Chiara vawitam call che ka tum alawm kei pawn mahse chhanna a awm ngailo, message lah vawitam ka rawn thawn che a, ka message hnutchhiah te chu chhan an ni ngailo " ka ti a, ka mittui tla tur chu duhlo zetin ka vanva dak a.

Ka phone ken lai chu ka nu chuan a rawn la a " Chiara, Abigail pa vang vek alawm kei ni pawn a hack tih kan hre biklo. Khang kum kal ta chhung khan kei ni pawn vawikhat mah kan be tlang thei biklo, Abigail dwm veklo la a thiamloh a ni hauhlo a nia " ka nu chuan a ti dap dap a, chu tia ka pa in tumah ka biak theihloh na tur a ka phone alo hack chuan ka rilru a ti na hle a.

Min thah a tum pawh kha ka dem ta em em lo, min lo haw hle a alak ah chuan eng tham mah ka nilo tih ka chiang tawh hle a, ka pa chu thil thleng zawng zawng ah chuan amawh phur tu ber a ni a, khang kum kal ta a khan ka laina hnai tumah ka biak theihloh chhan pawh kha a mah ngei alo ni.

Min huat avangin min be duhlo emaw ka ti kha a nia, mahse alo ni hauhlo min biak theihloh avangin ka ťhiannu, ka nu leh ka unaute pawh an lo mangang ve reng chu niin. Ka pa chu la dam ngat sela chuan tunah pawh hian Chiara âw te, ka unaute ho leh ka nu te ngei pawh tuma mah an chanchin ka hrelo anga, ka hmu bawk heklo ang.

" Abigail, ka ngai takzet che "

Chiara chuan a ti a, ka bulah chuan awm ngat sela chuan thaw hlei theilo khawpin ka kuah anga a, engmah sawiloin ka kalsan tawh hauhlo ang.

" Kei pawn ka ngai che lawm Chiara "
ka ti a, ka àw te chu a lawi rut a ka ťhiani ka ngaihzia chu sawi fiah dan mai pawh ka hrelo.

" Italy chu a nuam em? " a ngawih vang vang hnu ah chuan a rawn ti a, a àw pawh a pangai tawh hle bawk " Nuam a ni mai, mahse maw Chiara Washington lam ngaihna a reh chuanglo " ka ti a, alo nui hak bawk.

" Chiara, Abigail chuan pasal a nei hot lutuk, Amelia pawn chhelo a ti "

Amber chuan ring lel lawl chuan a rawn ti a, chu tah rang zetin Amelia chuan Amber hmui chu a hup a, a zah hmel hle bawk. Ka nu leh Chiara te ho nen chuan kan nui hak hak hlawm a, hei lo renga hlimna hi a awm dawn chuang em ni?