Last Devoted ( Mafia // Mizo )

Last devoted - 5

                        Chapter - 5

BY - GRAPESY

( MAFIA|| ROMANCE )

Ka chhiar nawn leh a, ka rilru a na zual ting a, ťah ka in sum luat ah ka heh ka pet fan fan a, awmdan ka thiamlo a, pawm pawh harsa ka ti hle bawk.

" Kum khat chhung nghah chu a harsa viau a mi a? " âw lawi rat chuan ka ti a, ka âw aťang pawh chuan ťah ka in sum zia a hriat theih ang " Abigail, duh I thlang tawh " a ti a, ka pa chu dem vek thei ka ni bik bawk silo " Min man chhuak a nge? " ka ti leh a, ka ťah ti tih vang chuan ka zak rilru khawp mai.

" I sawi chhuak te nihloh chuan min hre chhuaklo ang, nangmah kha kum-20 mi ang tur a I khawsak ve a ngai tihna a ni mai " a ti leh chuan ka ťah nui hak a, mahni fanu ngei mai kum pawh la tlinglo leh nghal, kum-20 anga lem chan tir in pasal min neih luih tir an tum a nia, chu mi piah lamah inneihna satliah pawh nilo, dam chhung atan leh nghal, duh miahlo leh hmangaih miahlo bula cheng tur in....

Hreh zet chuan ka sign leh ta tho a, beidawn kan tum dawn chiah hian Amber leh Chiara ka hre chhuak a, an pahnih nunna chu ka kut a awm ang tlat a hriatna ka nei a, chan ka hlau ve ve bawk. Raphael ka hmin thei a nih ngat zawng in Chiara thlamuang tak in a awm thei a anga, Amber pawn nun nuam zawk a nei thei bawk ang.

" Eng ang mi nge ka neih dawn a? " ka zawhna chu, hre reng mahila ka pa chhanna ka hriat duh vang hrim hrim a zawt ka ni " Bussiness-man a nia, a hming chu ka hrilh tawh che kha, a lung I tih awi pauh leh I nuamsa ting a ni mai " a rawn tih chuan, ka pa chu ka en tlawk tlawk a, rapthlak ka ti hle bawk. Amelia tan pawh a him dawnlo tih ka hre thar bawk a, Raphael rilru ka hmin thei ngat a nih chuan ka unaute hi, he hremhmun aťang hian ka hruai chhuak ngei ang.

" In siam ang che, naktuk ah Italy ah I nu nen mo kawr tur in en dawn nia " ka pa chuan a ti leh a " Tinge Italy ah kher? " ka ti leh hram " Raphael nen pawh in la in hmel hriat hleihnem " ka pa chuan a ti leh a, ka ngaihdan erawh a nilo khawp mai.

" Min hmu duh a, min in hmel hriat tir duh anih chuan min rawn pan tur a ni, hmeichhia zawk in a pan te chu... " ka ti deuh halh a, ka pa hmel erawh a dur leh khup tawh " I ngaihdan mawl mang ve tak hi lo chhak chhuak ve hman ziah suh " ka pa chuan a ti leh a, a hmuh loh lamah chuan ka ner pah vak bawk.

" I chhuak thei tawh ang, chuan I pasal lung I ti awi hle tur a ni ang, in ťhen emaw I tum veih a nih teh chuan, lo haw leh chu ring buailo la, nangmah chauh nilo, I naute thleng in I sual man hi an tuar zel tih hre bawk ang che...."

Ka pa chuan a ti a, a thusawi mal tinte chu ka hriatloh hlau niawm tak in fiah leh chiang zet in min hrilh bawk.
" Leh lawk, vawiin zan hian in inneihna buaipui turin, chhungkaw ho kan in hmu khawm dawn a, buaina siam lo zawng a I khawsak ngei ka beisei " a rawn tih chuan chhang tawhlo chuan ka chhuak a, ka room ah tlan chho in ka in thlak nghal sawk sawk a, Chiara zawh tur leh hrilh tur ka ngah leh tawh khawp mai.

Kan chhungkaw ho inhmu khawmna a tel ai chuan, bar a hnathawh tlaivar pawh ka thlang zawk, rul awm khawm ti-ti duk dak lo tak tak ngaihthlak ai chuan bar a, an hla play ring zet zet pawh ngaihthlak ka thlang zawk.

Step a ka pen thla lam in, ka rin loh lutuk hmel ka hmuh deuh thut vang chuan ka ding deuh chawt a, hlauhna leh thinurna chuan ka ngaihtauhna chu a ti khat nghal mup a, theih ngat se zawng tunah ngei pawh hian ka in sualpui leh duh tawh ang.

" Abigail, I dam ťhin maw? " min nuih vur vur pah chuan a ti a, chhanglo a kal pel mai ka tum chu " Naupang chhia pawh I nih tawh hranloh hi mawle " ati leh hram vang chuan " Olivia, ngawila ka kawng lo dal hlek suh " ka ti chang bâwl a, rum lutuk in Olivia chu ka en bawk.

Ka-pa te thlah ho re re hi chu rul hlang ang an ni " Ila ťawngthei pang pang reuh hle mai maw, I pa sum-dawnna lah nitin in hniam lam a pan reng mai bawk si a, nang tal in pasal I neih a ngai tih te ka lo hria a, I pasal tur chu a hot hmel khawp mai " a tih chuan Olivia chu rum lutuk in ka en a, ka in sum zo lo ang tih ka hlau khawp mai.