Last Devoted ( Mafia // Mizo )

Last Devoted - 17

                       Chapter - 17

BY - GRAPESY

( MAFIA|| ROMANCE )

" Chicago outfit te nen chuan thawk ho sela a ťhat dawn chu, Ndrangheta chuan an tlawm a ni tih pawh chu an la pawm duh lo ta cheu em ni? Nge ni a, kan chet chhuah leh hun an nghak leh kher zawk? "

Raphael chuan a ti rum ul a akhauh hle bawk, rin loh lutukin Salvatore nen an titi lai chu ka ngaithla ru leh kur tawh a, ka duh vang a ngaithla erawh ka ni hauhlo thung, kitchen ah chuan ka awm ve a ni tih hrelo lek in an titi dun a, an phun dun hlak hlak bawk.

" Chu lam zawng ai chuan Charles hi engtin nge ni dawn Raphael? "

Salvatore chuan a ti a, ka pa hming an lam ri leh ta khauh a, ka beng ka chhing rang hle bawk " Company kan enkawl tir kha ka la let a...... " Raphael in a tih laiin Salvatore chuan alo pawt chat nghal thuai a " A thi tawh a, amah nilo in a fate leh a nupui te i tih hrehawm zawklo maw Raphael? I ngaihtuah chiang re re em i thil tih hi? " Salvatore chuan a ti a.

Ka lo ngaihtuah dan chiah a ni, ka pa a boral tak ah chuan ka chhungte chan tur chu chhe tak a ni.

" Ka ti hrehawm phal hauhlo Salvatore, ka nupui nu leh unau te an ni vang hrim hrim pawh in. "

Raphael chuan a ti nghet churh a, a nupui ti a min sawi vang hrim hrim pawh chuan lawm lohin ka nui var var a, ka nu leh unaute a ngaihtuah zia ka hriat chuan nuam ka ti hle a, a ngaihtuah chikim ka ti hle a, an sawi ang tak tak in Raphael chu rem hre tak, fing tak leh ropui tak a ni ngei a ni.

" A nih chuan engtin nge sum an lak luh tak ang? " Salvatore chuan a ti leh zel a, Salvatore chuan kei ai aiin thil alo ngaihtuah chikim a, ka rilru a awm pha velo thlengin " I lungngai em ni Salvatore? Amelia hi hmeichhe â zek zawk tak a ni hauhlo ania. A pa in min phatsan a ni tih a hriat rual khan a ni chuan fel fai takin Cosa Nostra ah member nihna a dil fel thlap tawh alawm? "

Chu thu ka hriat rual chuan ka nui lai chu ka tawp hmak a, Amelia chu ka kiang ah awm ngat sela chuan ka beng hawi sawk duh ngei ang, ka rilru in Amelia chu ka hua chiam a, ka awm hmun ah chuan ka lo thinur ťun bawk a. Ka in hum ruh a, Amelia chu ka hau ru mawlh mawlh a, ka rilru a ti na hle bawk.

" A à ta em ni a?!! "

Salvatore chu a vin deuh hluk a, hei pui hian eng thil chiah nge a hriat ni.

" Salvatore, i lungngai a nih kha ka remti lo tih hi sawi kher a ngai em? " Raphael chuan a ti a, a nau chu a fiam kual mai mai ni hian ka hre tawh.

" Raphael, nang leh Abigail lak a thil thleng ang kha thleng ve turin ka duhlo, kei chuan ka hmeichhe duh tak chauh ka nei dawn "

Salvatore chuan a ti a, a luhlul zia chu hai rual a nilo. An sawi dan kal hmang ah chuan thil awmzia chu ka man thawi thuak thuak tawh a, ka nau chu ka ngaihtuah hle a, kei anga vannei a nihloh phei chuan... Eng tin nge ni ang, aw ka nau khawngaih thlak.

" A bul ťanna ah kha chuan ti khan ka ti ngei alawm kei pawn Salvatore, mahse ngaihtuah teh. Hmeichhe tereuh te, luhlul leh lunglian zet hian ti khawp hian min ti danglam tawh a ni hi. "

Raphael chuan a ti a, Salvatore thaw hawk ri chu ka hre chiang hle a Raphael in min sawi dan vang chuan ka khi suk a, ka thinur na te chu an bo leh duak tawh.

Ka awm hmun ah chuan a chang leh ka lo ťang ťung a, a chang leh ka han hlim viau a, a chang leh ka thinur ťun a, mood chu a in thlak reng ka tilo theilo.

" Mahse Raphael, nang te chu i vannei alawm, Abigail te chu a hmelťha a, nupui ka nei dawn a nih chuan amah ang a hmeichhe tuar chhel leh luhlul hi ka duh, ila hria em Raphael? Washington a chhuansan dawn ťum a apa in kha ti khawp a atih chung pawh khan a mittui far khat pawh a far loh kha, Ornella nen in mu dun lai a phawk ťum che pawh khan, a mittui kha ka hmuh lai in a tla hauhlo, a ni chu i lak ah adanglam bik alawm Raphael, amah ka duh tihna chu a ni chuang hauhlo a nia, amah anga hmeichhe tuar chhel leh mipa pakhat a lungawi ang hi ka duh. "