Last Devoted ( Mafia // Mizo )

Last devoted - 8

                        Chapter - 8

BY - GRAPESY

( MAFIA|| ROMANCE )

" Ka nupui hual tih velte a sawi in ka hria, ka hre chiang neih nuaih lo " awlsam zet a, a rawn tih chuan " Avan ho mai mai tak " ka ti a, ho erawh ka ti miahlo.

" Ornella hi chu a hman ve ngawt mai " Salvatore chuan a rawn ti teh daih a, kan hriat duh tak erawh a ni tlat thung " I ngaina viau emaw ka tia " ka tih chuan, a rawn nui hak a, sawi sual ka nei emaw ka ti hman hial a ni " Nel a?? Ka hne lutuk zawk mawle, ka pa ťhianpa fanu phei chu nilo sela chuan kut ka thlak duh tawh hial ang mawle " a ti vin hlur a, a ngei zawng chu hmeichhia ang tho in a pe na.

" Raphael nen hian an in ngaizawng a mi a? " ka tih chuan a rawn nui leh huk a, he pa em em hi chu aw, tih ngaihna pawh ka hre tawhlo e ah
" Ornella hian Raphael hi a ngaizawng alawm, ka pa leh Ornella pa hi ka pa ťhianťha ber a nia, awmlo la chuan an fate hi an in neih tir ngei ngei ang, mahse ilo awm hlauh a, tih zia tak a ni ui-hur lak ata Raphael I chhanhim ah in ngai rawh " a ti deuh duah a, Ornella chu chhuah chhe tak a ni.

" Nih Raphael in a duh hrim hrim em? " ka tih leh chuan " A duh em em hranlo, ka sawi chu Ornella hi chu ui-hur alawm, a zei sia Raphael pawh a in sum zolo ťhin alawm, a pa lah hian an duat mai sia maw, a mize dik tak phei hi chu hria sela chuan a rek nawk nawk duh ang " a ti leh zawt zawt a, kawm lah chu ala nuam phian zui.

" I ťang viau a ngai ang, Raphael hian hmei a nei thei reng tih hria la, nang pawh alak ah in phal zau ang che " a ti leh hram a, kei erawh ka ner nâng thung, hmei an sawi sek pawh chu ka hne tawh khawp mai " Anih, I duh ber nupui ah nei ta la, I rinawmloh san phal angem? " tiin zawhna chu ka zawt a.

" Ka duh tak ka la tawnglo " a ti leh a " Lo tawng ta la? " vin zet chuan ka ti a leh a, min melh khui khui pah hian " I va thinchhe reuh e aw, Raphael chuan sakeibaknei nupui ah a nei dawn a ni ringawt alawm mawle " a ti leh a, he pa em em hi chu mi tih mawh tak a ni.

" Mi chhang vat teh? " ka tih chuan " Enge zawhna kha? " a ti leh a, tih ngaihna tak pawh ka hre tawhlo. A thlauk lah chu ala chaklo em em zui leh nghal a, ka zawhna te chu kan hrilh nawn leh a, a ngawih vang vang hnu ah.

" Mipa in duh tak kan tawng tawh chuan, kan rinawm a, an tan chuan sum tam tak pawh kan seng huam ťhin, an lak ah ui kan neilo a, kan neih theih nan eng pawh tih kan huam ťhin, hmeichhe tam tak pian nalh leh it awm tak tak pawh kan hma ah awm hnur mahse, hmeichhe pakhat hmangaih kan neih tawh chuan chung hmeichhe tam tak te chu engmah tham an nilo. Rose par sen tam tak zing a Rose par var pakhat ang a ni. "

A ti a, a thu sawi tawh zawng a ťha ber a ni ngei ang, ngaihtuah zui vang vang theih thil a ni a, Raphael in Ornella a duhlo ringawt pawh chu ka hlim leh veng veng tawh

" Tiang deuh chu a ni mai alawm, Raphael pawh hian min duh ve tak tak a nih ngai chuan hmei a nei ngailo ang " ka ti a, Salvatore erawh a ner nâng thung.

" Ka hriat tawh a, ka nu lo hmeichhe hmangaih ala neilo " a ti a, beisei erawh atla hniam leh duai tawh. Awlsam tak a Raphael thinlung hneh tum chu a thil theihloh hul hual ang a ni.

A thinlung a hmun pawimawh ber chan ka tum a, a harsa lam mah a ni, mahse ala reilo em a, hun te lo kal zel sela, a thinlung pawh ka la hneh thei mahna, ka mipa duh zawng tak a nilo ka tih chuan dawt sawi ka ni ngei ang.

Kan tlan zel a, a tawp a tawp ah chuan gate lian zet ah hian kan tlan lut nawlh a, kawngkhar ka hawn rual a ka thil hmuh vang chuan ka âng phuau a, a ropui takzet tihloh chu sawi theih ka neilo. Mansion lian tak mai chu ka thlir a, ka mansion hmuh tawh zawng a ropui leh changkang ber ala ni ngei ang.

Hotel ka hriat tam tak ai a lian a ni, thing lian pui pui a sir tawn tawn ah chuan a awm a, chung ringawt pawh chuan an ti pui tawh.

" Raphael in penthouse lam a chen a duhlo a, he lam a in awm a ngaih rih hmel, mahse a nuam zawk " Salvatore chuan a rawn ti a, a kal liam hnu pawn kei erawh chuan vanva dak meuh in ka la thlir reng thung.