عشقتك دائما وابدا (طور التنزيل )

part8

بسمة ناعمة
البارت 8: رجعات لبلااصتها مرفوعة بحال ديماا... راه هضرات غير تحت نيفهاا بنبرة تقدر تسمعها غير هي... ولكن حتى هو سمع... لا ومااشي غير هااد الشي.. راه سمع وجااوب... قالها نقتلك إلى مالقيتكش هناا شنو كاايعني هااد الشي؟؟ آش كاايقصد...؟؟ قررات تحبس التفكير عارفة راسها ماغاتوصل لحتى نتيجة... ياك العقد فيه غير شهر... غاتساليه وتمشي وتما يدير للي بغاا... ولكن الشهر بااقي بعييد... هزات التيلي تشووف شحال دااز.. قبحاات وجهها اليوم ثلاتة فالشهر... اليوم ثلاتة فشهر مارس وغدا ربعة... غدا ربعة... على ذكر هاد التاريخ بقاات جاالسة مزيرة على يديهاا والعرق كاايهبط من جبهتهاا... مزيرة على التيلي فيديها... غدا ربعة مارس... غير هاد الجملة للي بقااا كااضور فدماااغهاا... يااريت هااد التااريخ يتمسح من دمااغهاا ومايبقااش يدوز فحيااتها... ياريت هااد النهار مللي يوصل تبقا تدخل فغيبووبة ولاا تفقد ذاكرتها حتى يدووز.. حطات يدها على رااسها كرهات علاش شافت للتاريخ وعلااش شعلاات التيلي... مابقالهاش الجهد تزيد خطوة هناا... سمعاات للتيلي للي حداها كايصوني... هزاتو مجااوبة بعيااء... حتى جااها صوتو: أزهاار...
تقادات فجلستها مخلوعة مقفزها وزايدها بأزهار حاافية بلاا آنسة ولا مادموزيل...
وهو تابع كلامو بهدوء: تقدري تمشي داابا ترتااحي حتى لغداا...
استغرباات للمرة الألف... النهاار يالله دااز منو النص وقالها سيري ترتااحي علاااش زعماا..؟؟ باش عرفها خاصها الرااحة؟؟ ضربات على جبهتها بعنف وناضت هازة صاكها خرجاات....
اما هو غير حط التيلي دخلات سعاد من بعد ماعطاها الإذن: السي غيت يالله تلاقيت مع السي كرييم فالقهوة للي لتحت... باغي غير إمتا يتلااقا بييك؟؟ وماكرهش يشووفك فلوطيل دياالو للي غاتدويو عليه...
حرك راسو: وااخاا.. (تنهد): غدا ربعة فالشهر...
سعااد: آه...!! (تفكراات): آه غداا هو اول نهاار شفتي فيه أزهاار (ابتااسماات): غدا عندك فيه ذكرى زوينة بززاف ومميزة...
ابتااسم بحزن: أنا عندي فيه ذكرى مميزة... وهي عندها فيه أبشع ذكرى... انا ونتي بجوحناا عارفين كيف كايدوز نهاار غداا عليهاا...
تنهداات: آه عندك الحق.. (شافت فيه): عطيها غدا عطلة...
غيت كايخمم: السينين كلها للي دازت كانت كادوز هاد النهاار فالدار كاتبكي... شنو كاتستاافد؟؟
سعاد بتساؤل: وشنو المعموول؟؟
سكت شوية كاايفكر ورجع شاف فيها: قلتي السي كريم بغا يشوفني فلوطيل ديالو؟؟
سعاد: آه وماكرهش فأقرب وقت...
غيت: غداا... هضري معاه وقوليليه غدا غاانمشي لعندوو لتماا...
سعاد محركة رااسها: وااخاا...؟؟ وازهار شنو ندير معاها؟؟ نقولها ماتجيش؟؟
ناض مقااطعها: لاا خليها تجي وأكدي عليها باش تجي...
هز لافيست ديالو خاارج: الشركة بلاا بيها رجعات كاتخنقني...

فبيتها مظلماه ومهبطة الريدواات جامعة رجليهاا عندهاا مزيرة عليهوم بيديها كااتبكي وترعد... وكااتفكر فدااك النهاار المشؤووم... داك النهاار للي كانت فيه فعمر الربعطااش... جاالسة مع واليديهاا كاايضحكو ونااشطين فالداار ديالهوم للي يالله جهزووها حتى صافطووها بااش تجييب شي سخرة من الحاانوت... ماادازت حتى خمسة ديال الدقاايق مللي مشاات ورجعاات لقاات كلشي مقلووب وحتى حاجة من حيااتها ماابقاات كيف كاانت...
#فلاش_باك: كانت واقفة هي وماماها فالكوزينة... ماماها كااتوجد لغدا وهي كاتقطع فالتفااح والبانان...
أزهار: وبعدا كاين لحليب ولا هاد العصير غانديرو بالمااا؟؟
ماماها مفكرة: هاااه... والله ماكاين نسيت كااع...
يالله غاتجاوبها حتى تحل الباب ودخل باباها بحواايج الخدمة للي باين منهوم بللي بوليسي: الزيووناات...؟؟
ازهار غير شافتو مشاات لعندو سلماات عليه... وهو حايد صبااطو وداز للكوزينة عند مرااتو بااسها فحنكهاا: ريحة المرقة عااطية من الزنقة...
ضحكاات: هههه... وااش سهلتي حداكتي؟؟
ازهاار: الحادكة نساات بللي ماكاينش لحليب اباابا... ارا إلى كااين شي صرف نجييبوو...
باباها: وماماك هادي أول مرة تنسى فيها؟؟ هانا نمشي نبدل حوايجي ونعطيك بااش تجيبي
دخل للبيت بدل حوايجو وخرج يالله مدلهاا الصرف حتى نطقات مراتو عااود: ويلييي حااي...
ازهار: آش نسيتي عاود؟؟
نطقات حشمانة: ماكاينش الخبز.. ماعجنتش ونسييت...
ازهار: أويلي اماما راه خاصك تشوفي الطبيب بززاف على هاد النسياان...
باباها: هذاك الحب ديالي ليها هو للي مخليها تنساا... سيري أبنتي رااه الصرف عندك زايد جيبي معاك حتى الخبز إلى لقيتيه... انا نمشي نتوضا ونصللي يكون لغدا وجد... (شاف فمراتو ضااحك): عنداك تنسااي البوطة شاعلة عااود...
..........
كانت راجعة من الحانوت بالزربة تعطلات شوية حيت لقات الزحاام.. ودابا باباها غايكون توضا وصلا وحتى لغدا غايكون وجد.. يالله وصلاات حدا البااب لقااتو محلول نص حلة... صغرات عينيها مستغربة عقلاات هي بللي سداتو... حركات كتافها ممكن يكون باباها خرج للجاامع... دفعاتو شوية بااش تدخل... وتما كاانت الصدمة... رجليها مابقااوش هازينها وهي كااتشووف فدارهوم للي يالله خلاتها دار نقية ضااحكة ومنورة رجعاات بحال شي بيت ديال الرعب كلهاا دم كاانت مجزرة... وباها ومهاا غااطسين فدمهووم... والوحش للي ماعمرها تنسااه ولا تنساا صورتوو وااقف عند رااسهووم حااس السلااح باش قتلهووم كاايضحك.... ويضور على الجثت دياالهووم... بقاات وااقفة لمدة غاايبة على العاالم الخاارجي حااطة يدها على فمهاا كااترعد... حتى وبلا وعي منهاا عطاات بالظهر كااتجري بكل جهدهاا كااتجري وماتشووفش وراااها وماعارفااش رااسها لفين غاادة... وهو من وراا مامشاات خرج بررا وشعل الداار كلها تحرقاات بيهاا بواليديهاا... ماخلالهااش الفرصة حتى فين تعنقهووم ولا تدفنهووم... مااخلالهاش الحق حتى بااش تزوور قبرهووم
فيقهاا صوت البااب... كانت خالتها للي كاادق عليهاا عاارفة حالتها كيف غاتكون وحتى هي بحال غيت كااتخااف من هااد النهاار: أزهاار... ازهاار حللي علياا أبنتي...
ماجاوبااتهااش وهي مشات جابت الضوبل داالسواارت حلاات بيهوم كاتخااف تخلليها بوحدها... هذا غير نهاار قبل اما نهار غدا يعلم الله آش دير فيه.. ديما كاتفقد فيه الوعي ولا تضرب رااسهاا... كان ديما كاايهزها بين يديه من وسط بيتها بلاا ماترد خالتها الباال... كان كاايتنكر بحواايج الإسعاف... وجامي خلا شي حد غيرو يهزها...
حلات عليها ودخلاات شعلاات الضو وزادت لعندها عي للي كانت بااقة على حاالتها.. جلساات حداها شادالها فيديها: الله يهديك أبنتي واش كل عام غادي تبقااي ديري نفس الحاالة؟؟ الله يهديك ترحمي عليهووم و...
قاطعااتها: و.. وشنو أخاالتي شنووو... (ضرباات بيدها على رااسها): ونمشي نزورهوم فقبرهوم يااك؟؟ رااه حرقهووم حرقهووم أخاالتي وااخا مااعرفت آش يكونو داارو فييه مايديرلهومش هااكاا...
تنهدات خالتها: آش غايديرو فييه؟؟ باباك كان شاد عليه شي ادلة بللي كاايبيع شي حااجة ماشي قانونية ومللي مابغااش يشد عليه الرشوة نااض هو قتلهوم... (شداتها من كتاافهاا): الحمدلله كنتي خرجتي ماهو كان غايقتلك معاهوم...
أزهاار: لووكاان غير قتلني... يااريتو قتلني معااهووم... أعععععععع  (شداتلها فيدها كااترعد): عندي أمنية وحدة فهااد الدنياا أمنية وحدة هي نقتلو بيدياا....
خاالتها: لهلاا يوصلك لهااد الشي... أصلا هو رااه مابقااش بان من داك الوقت يكوون ماات...
شافت فيها بكره وضربات بيدها على صدرها: عرفتي الناار للي هنا أخاالتي مااتطفاا حتى نعذبو ولا نعذب مراتو ولا ولاادو ولاا شي حد من تريكتوو
تنهداات: وجهو مااعمرني ننسااه عااقلة علييه بحاال شي حلم خاايب بقاا مرسخ فدمااغي...
عنقااتها عندهاا: كاانت ماماك ديما كاتقولي راه وااحد السيد غير تاابع ساالم بغا يرشيه وباباك ماكانش كايشد الرشوة وكان ديما كاايشدلو الكاميوات للي كان كايدوز...