عشقتك دائما وابدا (طور التنزيل )

part11

بسمة ناعمة
البارت 11: عينيه ناار وهو كاايسوق مخنزر بسرعة مفرطة... سااق لمدة ساعة ونص تقرييبا.... حتى وصل لوااحد لبلااصة تقريبا خااوية وكااتباان محظوورة... دخل مع وااحد البااب كبيرة هلى شكل قوس.. كاايحللوه جوج دالنااس كل وااحدة من جهة... وزااد مساافة كبيرة شوية كاانت فيرمة كبيرة وكلها خضرة وعامرة بالشجر والورد... وشي نااس كايخدمو فوسطهاا... داازهوم بااين عليه معصب... حتى دخل مع بااب أخرى صغر شوية من هااديك حتى هي حللوها جوج دالنااس... ودخل تمشا بالطوموبيل شوية ووقف... هبط منها وجاا وااحد بلبااس الكارد كور ركب فبلااصتو ودااها لبلااصتها... وهو دخل مع بااب الفيلا لكبيرة وتعرضلو وااحد من الخدم لاابس رسمي وكان لبااسهوم موحد... مرجع يديه اللور ومهبط راسو كنوع من التحية: مرحبا بيك السي غيت... وااش سيادتكوم غااتعشاا هنا نقولهووم يوجدوليك....
قاطعو كاايتمشاا: ماايوجدو واالوو... غانهبط لتحت... (دارلو إشارة بيديو): أي اتصاال جااني... أناا مااكاينش... غيت مااكاينش فهمتيي؟؟؟!!
حرك رااسو: أمرك...
هبط مع الدرووج بالزربة... كاانت بناية تحت الأرض... على شكل خزيين... حل لبااب لكبييرة ودخل... كانو بيباان بززاف كل وااحد فيه سااروتو... من غير الساروت لكبيرة للي كاانت عند غيت فجيبو يعني حتى حد ماايقدر يدخل من غيروو لتماا... حل البااب الوسطااني ودخل... كاان مظلم... بقاا واقف فالوسط كاايشوف يمين وشماال... ومد يدوو شعل الضو كاان خفيف شوية ولكن كاايبين... تحرك لوااحد الصندووقة محطووطة فالأرض بااين بللي قدييمة... حلهاا... وتحناا قفاازي حدااها... كاايحرك فدوك لورااق للي كانو فيها بااين بللي قدااام ويعلم الله شحال دااز عليهووم.... هز شب حااجة من تماا... وتحرك شوية جهة وااحد الكرسي هزااز كااين تماا... جلس عليه كاايمشي ويجي فيه... وتنهد مغمض عينيه... حرك يديه قبلها مع عينوو... وحلها مع حلتهووم مع حقد كبيير هاابط على ديك الصوورة.. كاايشوف فيييها بكره كبيير... وصدرو كاايطلع ويهبط ويدو لوخرى مزير بيها على جنب الكرسي حتى رجعاات حمرة غاتجرح....
كاانت صورة لرااجل خمسيني وااقف مبتااسم بشر... لابس كوومبلي وواقف هااز سيكاار فيدو واليد لوخرى فيها عكاااز...
بسمة ناعمة
البارت 32: بقا كايشوف فالصورة مطول... بطريقة مخيفة... حتى عض على لساانو ونطق بنبرة حزينة: من نهاار خلاقيت فهااد الدنياا ونتاا كاادمر فياا... من نهاار شافت عيني الضوو ونتاا معذبني فحيااتي... وكل مرة خاالقلي مشكل جديد... مااعشت لا طفولة لا مرااهقة ولاا شبااب بحاال النااس... من ديماا محطم... بسباابك... وااخا هااكاك... كنت وااقف جبل... كاتحطمني وكانعااود نوقف وترجع تحطمني ونعااود نوقف... حتى ثلت تهنيت منك وخرجتي من حيااتي... وتهنييت من كماارتك ومن مصاايبك... (ابتااسم بحزن): ولكن براافو... فحيااتك كااملة كاان كل همك تشووفني طاايح للأرض ومحطم وماامشيتي حتى درتييهاا.... شنو درتي نتاا؟؟ (قرب الصورة لوجهو كثر بحاليلا كاايدوي معااه مبااشرة وتابع كلاامو): مشييتي لقلبي لروووحي... ووسختيلها قلبها من جهتي.... مشيتي للنبض للنور لأي حاجة زوينة فحيااتي ودرتي فعلتك للي غاتخلليها تكرهني... شفتي نتاا.. (غوت ببحة رجولية): نتاا حياتك كااملة ونتاا بااغي تحطمني... وداابا أناا جيت كاانجري لعندك غير بااش نبشرك بللي رااك وأخيرا حطمتيني بطريقة مااعمرني غاانوقف بييهاا.. (ضرب بيدو على الكرسي): هي غاتكرهني مللي تعرفني أناا شكوون... وغااتمقتني... وأنا غااندير بالمستحيل وغاانخلليهاا ترجع لعندي... ويلاا مابغااتش.. (سكت شوية): غانقتلهاا... هههه... هاد الشي إلى مااقتلااتنيش هي... حيت إلى مافرااسكش... حبييبة قلبي كااتمنى تقتلني... هذا هو حلمهاا هو تقتلني... تخاايل... للي انا على عاايش على قبلها.. ههههه... هي عايشة على قبل باش تقتلني... ههههه... (غمض عينيه مرجع راسو اللور): أححح والموت من يديها كيف غااتكوون؟؟ حلوة... كلشي فيها حلوو...
(جمع ابتساامتو... وكمش الصورة بين يديه كاايشوف فالسما مخنزر): بفضلك ماقدرتش نفرح بأول نهار تقرب مني فيه وطيح الحواجز للي بيناتناا... حييت فنفس النهاار قاالت شنو كااتمنى... والحقد كان بااين فعينيهاا...
بقا مدة جاالس مكمش الصورة فيدو.. حتى على غفلة منو نااض بالزربة رجع الصورة للصندوق وسد عليهاا برجلو: مللي سمعت بموتك وأناا كاانجري باش نمسح سميتك وصورتك من حيااتي... هههه... حتى لقيتك لااصق فأهم جزء منهااا...
ضرب داك الصندوق برجلوو وخرج مم تما جاابد التيلي من جيبوو كاايدوز اتصاال مامسوقش للخادم للي كايعيط من وراه طلع فالطوموبيل حاطو على وذنو غير سمع الحوااب ابتااسم بحاليلا ماشي هو للي كان دابا فالمخزن ونطق بهدوء: لابااس علييك؟؟ كيف بقيتي؟؟
كانت جالسة فبيتها يالله خرجات من الحماام كااتنشف فشعرهاا: السي غيت... أناا لاباس الحمدلله...
غيت مغمض عينيه منتااعش فصووتها: غير غيت بووحدها.. مابغيتش أنا هاديك السي
صغرات عينيها مستغربة يالله غاتدوي سبقها: قبايلة كنتي كاتقوليلي غير غيت... وعجبااتني...
عضات على شناافتها حشماانة وهو تابع كلامو: من صوتك باين مزياانة... نخلليك ترتااحي نتلاقاو غدا فالشركة...
قطع معاها وديمارا مرتااح كايباان
فالصباح الموالي... كاان داخل للشركة كيف العاادة... بخطوات موثوقة.. تعرضاتليه نفس الموظفة للي موالفة كاتلقاليه وكاتعطيه المواعيد للي عندو.. حتى وصل حدا لاسانسور ووقف ضار لعندها: الإجتماع للي عندي فالعشية أجليه...
حركات راسها: واخا السي غيت شي اوامر أخرى؟؟
غيت: غاتمشي لعند آنسة أزهار... وكليها بهاد المهام... من دابا هي تكلف بالمواعيد للي عندي وبكاع الإتصالات...
الموظفة: و.. واش أزهاار السطااجير؟؟
غيت بحدة: آنسة أزهااار... وماغاتبقااش سطااجير عندها غير هاد الشهر...
بلعات ريقها مستغربة: ولكن... واش نكلفها بهااد الشي قبل ماايسالي السطااج؟؟
نطق مزير على الحرووف: دااابااا... غااتمشي من هنا لعندهاا... أناا باغيها هي تكلف بأي حاجة كاتخصني فهااد الشركة... ونتي قابلي خدمتك لوخرى...
حركات رااسها وهو عطاها بالظهر داخل لاسانسور... وهي مشاات لعند أزهاار مصدومة... غيت مااشي شي واحد للي مستااهن... كايختاار الموظفين ديالو بعنااية... وماكايقبلش بللي كاان... مستوى دراسي وشوااهد وتجاارب كبييرة... كاع الموظفين للي كااينين هناا شي حااجة واغلبهوم قراو وخدمو على بررااا... خصوصا المسااعدة دياالو... مادام سعااد راااه كانت خداامة فأكبر شركة مغربية فلندن... وبداات مع غيت من اللول... وكانت خدامة فالشركة ديال بااه.. وقارية سبعة اللغاات... واخا هاكاك مامكلفهااش بكاع مهام المسااعدة.... وفارق بينها وبين هادي...
مافاقت حتى لقات راسها عند راس ازهار للي كانت مشغوولة فاابيسي...
أزهاار: أحمممم..
شافت فيها مرفوعة: أمم... آنسة ازهاار... خااصني ندوي معاك...
أزهار: أهاااه... مرحباا...
الموظفة: إلى تقدري اجي معايا للبيرو ديالي...
أزهاار: وااخاا.. (ناضت وتمشات معاها حتى وصلو للبيرو دخلو وسداات البااب... زادت جلسات فالكرسي ديالها ودارتلها إشارة باش تجلس... جلسات مقابلة معااها): آنسة أزهاار... السي غيت بغاك من اليوم نتي للي تكلفي بالمهام للي كانتكلفو بيهوم أنا ومادام سعااد... غاتكلفي بالمواعيد ديالو وغااتستقبلي الإتصالات... وتسجلي كلشي... ومللي يجي دااخل نتي للي غاتلقايليه وتعطيه كاع داك الشي للي عندو فالنهاار...
أزهار بصدمة: أناا...؟؟!! أناا رااني سطاجير هناا... يعني انا بااقة متدربة...
الموظفة: هادو أوامر السي غيت إلى كان عندك شي تساؤل هو للي غايقدر يجاوبك...
حركات راسها وناضت: وااخاا... شكراا...
وقفاتها: آنسة غايخصني نعطيك الورااق والملفاات...
أزهار وهي كاتحل البااب: من بعد أختي داابا غاانمشي...
قبل ماتجااوبهاا خرجات وسدات الباب متوجهة لاسانسور... مااوقفاات حتى لعند لبيرو دياال غيت.. مالقااتش سعاد فبلااصتها... تنهداات ودقاات فالباب... سمعات صوتو وحلاات لبااب... غير شافها ابتااسم بجنب: آنسة أزهاار لاابااس؟؟
أزهار: لاابااس... (سكتاات شوية وعاود هضراات): أحمم... بغيت نشكرك على لباارح...
طلع حااجبو: ماالو لباارح؟؟