عشقتك دائما وابدا (طور التنزيل )

part10

بسمة ناعمة
البارت 10: ربعات يديها مكمشة الطوموبيل كانت سخونة... وبررا كاين لبرد... وقف حدااها كايلبس فالمونطوو: ندخلو من لبرد...
حركات راسها وطلعو مع دريجاات قلاال ودخلو مع بااب كبيرة كاان أوطييل زوين بززااف لا من الدااخل ولا من بررا... غير دخلو تعرضلهووم واحد السيد: تفضلوو... السي غيت...  السي كريم كايستنااك فالمطعم...
حرك راسو وتبعوه هو وأزهااار.. ضار شاف فيهاا ووقف حتى وصلات لعندو: استمتعي وحااولي تنسااي كلشي هااد النهاار...
نطقاات بصوت مهموس: ننسا أي حااجة وفأي وقت إلا هاد النهاار وفهااد النهاار...
عض على لساانو وشااف قداامو... دازو من جهة لابيسين والجردة ودخلو للمطعم للجهة الأخرى... وقف السي كرييم مبتااسم مللي شافهوم داخليين.. مدلو يدو: السلااام السي غيت... مرحبا بيك عندناا زاارتنا البرااكة...
غيت: شكرا السي كريم إن شاء الله مجيتنا عندك تكون جاايبة الخيير...
السي كريم: أكيد خير إن شاء الله....
يالله مد يدو لأزهار يسلم عليها سبقو غيت شدو عااود من يدو مخنزر: عياانة ألسي كرييم عياانة وماقادرااش تسلم...
شاف فيه بصدمة ورجع شاف فيها ولكن غيت وقف بينو وبينها جرلها كرسي حداه وهو كايشوف فكريم شوفات حادة.. جلساات وجر كرسي آخور جلس حتى هو.. ونطق بجدية: السي كريم نبدااو فالخدمة؟؟
كريم: آه... نتغدااو بعداا...
غيت برفض: لااا... (شاف فالساعة): أصلا باقي الوقت على لغداا... خللينا نساليو دغياا...
كريم: لا مايمكنش.. مايمكنش تجي حتى لهنا وتخرج بلا ماتاكل فلوطيل ديالي..
غيت: كون هاني... غانتغدااو هناا... ولكن مااشي فنفس الطبلة... (ابتااسم جنب): ماديرهاش مني قلة الصواب.. ولكن بغيت نجلس هناا شوية بووحدي نتمعن فهاد لوطيل ونستمتع بيه...
كريم بابتساامة: آه معلووم... ههههه... مرحبا نهار كبير هذاا...
بدااو بالخدمة وهي مرفوعة كاع ماكاينااش معاهوم... وخدمتها للي هي تسجيل الملاحظاات كاايديرها غيت برااسو... وماباغيش يديرونجيها.. وهي متكية على الكرسي كااتشووف فنقطة وحدة
سالاو وناضو جلسو فطبلة بوحدهووم... ختار هو شنو يااكلو وهي كاع مادوااتش... وبقا سااكت كاايبقشش فالتيلي وعينو عليهاا...
غيت: ازهاار فطرتي؟؟
شافت فيه مستغربة... تنهداات: لاا... ماافطرتش...
غيت: أممم... هي غايكون فيك الجوع...
حركاات رااسها: لاا... مافيااش...
غيت: غايحطو دابا لغداا... وغاتاكلي وااخاا..؟؟
أزهار بلا مبالاة: لاا... مافيااش...
يالله غايهضر سبقااتو: غااناااكل شوية... الجو هنا كايفتح الشهية..
ابتااسم من قلبو خرجاات... جابولهوم المااكلة بداو كايحطو وهي بقاات مصدوومة دااك الشي كاامل للي كاايعجبهاا جابووه... وهي ماختاارت والوو... شافت فيه.. وهو نطق فااهم فاش كاتفكر: طلبت داك الشي للي كاايعجبني... سمحيليا إلى ماكانتش شي حااجة كاتعجبك نتي مابغيتيش تختااري...
نطقاات بتعجب: لاا.. بالعكس.. كلشي كاايعجبني....
بداو كايااكلو... هو كاايااكل السلااطة وحاضيها هي كااتنقب من هنا ومن هناا.... ماشي شي مااكلة ولكن المهم دااقت... مابغااش يحكر علييهاا على الأقل اليوم خرجاات...
أزهاار: واش نمشيو؟؟ ساليتي الخدمة؟؟
غيت: آه ساليت... نمشيو لواحد لبلااصة هنا... ممكن؟؟
أزهاار: آه... واخا...
ركبو فالطوموبيل وتمشاا مساافة قليلة شوية... حتى خرج فوااحد الغاابة.. وهي غير كااتشووف... شافت فيه: السي غيت فين حناا؟؟
شاف فيها كاايحايد فحزام السلاامة: واش ماتايقااش فياا؟؟
عضاات على شنافتها مفكرة نهار تقرب منهاا وهو ابتااسم: ماتخافيش... أنا إنساان والإنساان كاايغلط...
أزهاار: أحمم... علاش جينا لهناا؟؟
غيت: هبطي وغاتعرفي... (شاف فيها): سدي المونطو ديالك كاين البرد..
هبط وخلاها ساهية.. ابتاسمات بلا ماتشعر وهبطات تابعااه... زااد وهي من ورااه.. تمشااو شوية حتى لقاات رااسها وااقفة عند رااس الجبل.. كانت غاادية حتى جبدها عندو حيت كانت غاطيح من الحاافة...
غيت مخرج عينيه: أزهاار واش ماكاتشوفيش؟؟ كنتي غادي طيحي
نطقاات مخلووعة: مااشفتش... (حركاات رااسها طالقة البكية للي كانت حابسااها): كنت غاادي نطيح... لوكان غير خلليتني نطيح... على الأقل ماغانموتش منتااحرة...
شدها من كتاافها طالعلو الدم: آش كااتخربقي؟؟؟ وااش حيااتك رخيصة لهااد الدرجة...؟؟ ندمتيني علااش جبتك هناا... جبتك لهااد لبلااصة باش تخوي همك وتبردي على قلبك مااشي بااش تحااولي تمووتي...
انهاارت بين يديه طاايحة فالأرض كااتغوت بالجهد: بغييت نمووت اناا آه بغيييت نمووت... بغييت نتبعهووم... بلا بيهووم أنا حيااتي ظلاااام...
جلس على ركابيه مقابل معاها... وهي بلا شعور شداات فمونطوه كااتبكي: تقتلوو قداام عينياا... قتلهووم وأنا كاانشوف بلا رحمة وبلاا شفقة.. (طلعاات رااسها كااتشوف فيه مصممة): مااتبردش الناار للي شاعلة الدااخل حتى نقتلوو... نقتلو ونقتل عائلتو كلهاا.. (غوتاات): ولاادو مراتو خووتو... نقتلهوم كلهووم عااد نبرد.. كاانكرهو وكاانكره أي وااحد عندو علااقة بييه
بلع ريقو الدم هاارب من وجهو ماابقاش قادر يتنفس... لاح الكااشكول من على عنقو حااس بالخنقة وحط يدوو على رااسو كاايمسح بعنف...
كاان جاالس فوق التلة... وهي متكية على صدروو... ماكانتش فوعيهاا... بااغة غير ترتااح... وهناا فين رتااحت هي... رتااحت على صدرو السخون.. وعلى دقات قلبو السريعة.. بحاليلا مولااها كان كايجري فشي ماراطون... أما هو حااس وعاارف آش كااين... حااس باللحظة وعارف بقيمتهاا... حبيبتو متكية على قلبووو... ودقااتو للي كايتساارعو رااه بسبااب قربهاا منوو... حاس بيه غايخرج من بلااصتوو... تنهد مطول حاط يدو على شعرهاا كاايمشيها فووقوو... غايستااغل ادق تفااصيل هااد الفرصة.. ولوكان لقا الوقت يتوقف عندو وعندها ويبقا هااكا حيااتو كااملة ماعندوش مشكل.... يمكن هي تصبح نااسية ولا ناادمة ماايهمووش هو.. المهم دابا هي معاه وبين يديه ولأول مرة فهاد السينين للي داازت تخرج من صمتها وعزلتها فهااد النهار خرجاات لعندو ومعااه... قاطعاتو بصوت هاادئ كاايرجف ويقطع فاالقلب... كاتدوي وتشوف قداامها سااهية: مااشي غير هااد النهاار للي كاانتعذب فيه... وماشي غير هااد النهاار للي كانتفكر فيه واليدياا... لااا.. (سكتات شوية ونطقاات): كل نهار مللي كاانحل عينياا ونفيق فالصبااح اول حاجة وأول وحدين كانفكر فيهووم هماا بابا ومااما... ولكن كاانبتااسم بحزن ونكمل نهااري عاادي.. كاانتفكرهووم فالعيد... (ابتااسماات بحزن)؛ وكاندوزو حتى هو عادي بابتساامة عريضة زعماا أنا فرحاانة... (تنهداات): كاانتفكرهووم فنهاار الجمعة.. مللي كانشوف النااس غاديين جهة القبور هاازين التمر ودااك الشي باش يزورو حبابهووم ويتصدقو عليهووم... ولكن كاانشوف قدامي وندووز زعماا أنا ماعندي حد تماا... (زيراات بيدها على يدو للي كانت محطووطة فووق ركبتو الحركة للي جابت آخرتو): كل نهار وفكل دقيقة وفكل ثاانية هااد النار للي فقلبي كاتكون شااعلة... وجامي طفاات لمدة سبع سنين... (حركاات كتاافها): يمكن بسباب كثرة الأطباء النفسيين ويمكن ولفت صاافي نتعاايش ونخبي فالدااخل دياالي... ولكن... مللي كايوصل هااد النهاار ماكانبقااش قادرة... كلشي كاايخرج على بررا... مللي كانشوف هاد التاريخ قداامي كلشي كاايبقا يتعااود حدااياا... بحاليلا يالله دااز... لا الأطبااء ولا الولف قدرو يخلليوني نخبي الداخل ديالي فهاد النهاار بالضبط..
سكتاات مدة كاتشوف قداامهاا ورجعاات نطقاات: شي مراات كانلووم رااسي علاااش ماادخلتش دااك النهاار (رفعات راسها شافت فيه): هو مااشافنيش.. كنت مخبية من ورا البااب... ياريتني دخلت أكيد كان غايقتلني... (زير على يدها حتى غمضات عينيها بألم ونطق): ماكانش هذااك قدرك... قدرك هو ماتموتيش... وهو تكوني فهاد اللحظة هناا حدااياا (تجنى لعند وذنيها وهمس بطريقة بورشااتها): وااش سمعتيني؟؟
حركاات رااسهاا: هههه... تخاايل كان مصمم يقتل أي حد من عاائلتي كيف ما أنا مصممة دابا نفتل أي حد من عائلتو...
قبل مايدير حتى ردة فعل قفزاات وجات جاالسة مقابلة معاه كااتدوي بطريقة غريبة شاداليه فيديه: غيت... نتاا عندك معاارف.. وقاادر يااك قاادر؟؟
صغر عينيه يالله كان سااهي فسميتو كيف خرجاات من فمها بلا ديك السي وزادت بهاد السؤال الغريب: شنو بغيتي؟؟
بلعات ريقها كااتفكر: ب.. بغيت تعرفلي شكوون هو؟؟ وشكون عائلتو؟؟ سمعت بللي ماات محرووق ولا مااعرفتش... ولكن انا مااشفتش... أناا بغييت نعرف عائلتو شكوون هماا...؟؟
غمض عينيه مزير على قبضة يديه ورجع حلهوم كاايشوف فيها وعينيه نقطة حمرة: أزهاار واش عارفة راسك آش كاتقوولي؟؟ آش غاديري بعائلته غاتقتليهووم؟؟ وااش نتي قتاالة؟؟ غاتقتلي نااس أبريااء؟؟
ابتااسمات باستهزاء: هههه... ابربااء؟؟ غايكونو قتالة بحالو ولاا كثر...
نااض كايغزز فسناانو وحايد يدو من يديهاا: ازهاار خااصناا نمشيو...
شاافت فيه باستغرااب ونااضت كااتنفض فحواايجها من الترااب هزاات صااكها وتبعااتو...
الطريق كااملة وهماا ساكتين هي متكية على الكرسي وهو كاايشوف فالطريق بحدة باين معصب... حتى دخل مع الحي ديالها الشي للي انتابهااتلو هي... شاافت فيه: هذا الحي دياالي؟؟ كيفااش عرفتيه؟
حرك راسو: السيفي ديالك فيه العنواان...
أزهاار: وبقيتي عااقل؟؟ هه.. داكرتك قوية..
غيت: قوية فداك الشي للي كايهمني...
صغرات عينيها يالله غاتسولو شنو قصد حتى حبس الطوموبيل... ضارت لقات راسها حدا باب العمارة... رجعات شافت فيه: شكراا... وسمحلي عذبتك...
ابتااسم: أنا للي عذبتك... كنتي عياانة وخدمتك معاايا...
ابتااسمات حتى هي: بالعكس درتي فيا خير كبير...
توادعاات معاه ونزلات وهو متبعهاا تنهد ورجع ديماارا