لـ الروائية رحمة محمد
أدهم بهدوء: طيب اهدي، عندك الموبايل بتاعي قدامك أهو، اكتبي رقمك ورني كد ولو حد غير إخواتك هاتي أشوف مع مين
والفعل أمسكت جوهرة هاتف أدهم وسألته: الباسورد إيه
أدهم ببسمة هادئة: تاريخ أول يوم شفتك فيه
جوهرة باستغراب: منا مش عارفة
أدهم ببسمة: ولا يهمك، 2512024
جوهرة تماسكت وكتبت الباسورد ورن الهاتف وجاء رد صوت رجل غريب، فأخذ أدهم الهاتف منها وقال: السلام عليكم، الموبايل دا بتاع خطيبتي،ووقع منها نقدر نقابلك فين وناخده لو سمحت.
أجاب الرجل: حضرتك أنا عندي كافيه في............. تقريبا هيا نسيت الموبايل وقتها فا تقدر تيجي في العنوان ودا وتكلم حد من العمال وأنا أجيلك.
أدهم ببسمة: تسلم جدا الله يكرمك، وأغلق الخط..
وهنا تنفست بهدوء وقالت: آه الحمدلله تسلم يا أدهم بجد
أدهم ببسمة وهو يغير طريق سيره في اتجاه الكافيه: سلمت من كل شر وسوء يارب
ـــــــــــــــــــــــــــــــــــــــــــــــ
حازم وهو يشرف علي العاملين بالچيم، رن هاتفه من صديقه حسام شقيق ليلي وليالي فرد عليه بشوق: أهلا يا أبو نسب
رد عليه حسام ضاحكا: فعلا ان شاء الله أبو نسب بابا يا سيدي بيقولك البنات وافقوا ممكن تيجوا بكره كد نقرأ الفاتحة.
حازم ببسمة واسعة: الله حلو أوي كد باذن الله يا أبو نسب الله يسعدك ويجوزك يا شيخ الله يسترك والله
كان يضحك حسام عليه وبعدها اغلق الخط، أما خالد كان يضحك علي شقيقه حازم و فرحته سعيد به، وسرعان ما تذكر أن بقي هو ويوسف العذاب وباقي أشقائهم سيتزوجون فقال: يارب أنا ويوسف نلاقي بنات الحلال يارب
ضحك حازم عليه، وبعدها أكمل عمله....
ـــــــــــــــــــــــــــــــــــــــــــــــــــ
كان يوسف بالشركة يقوم بالعمل المطلوب منه، كان يفكر في كيف ستبتعد جوهرة عنه هكذا فجأة هو يحب أدهم ويثق به ولكنه سيشتاق لشقيقته وتوأمه وفراقها؛ سيؤلمه بشدة .
كان هيثم يقوم بمتابعة الحالات،
ويفكر بأمر أدهم، وجوهرة، وكيف ستسير أمورهم..
ولكنه متيقن خيرا، وأن علي أي حال من الأحوال خيرا باذن الله المولي عز وجل.
وها قد وصل أدهم وجوهرة للكافيه، وسأل أدهم علي مالكه، وبالفعل جاء وأعطا لهم الهاتف، ولكن قال له أدهم: عاوزك بس ثواني، جوهرة استني هنا لحظة لو سمحتي.
أومأت له جوهرة وجلست تنتظره وهي تتفحص هاتفها، لتعرف من هاتفها أو راسلها وهو ليس معها....
وعلي بعد منها كان جلس أدهم مع مالك الكافيه وقال ببسمة: هو مش من حقي أقولك كد، وانت يمكن حر بس مهانش عليا أشوف أخ من اخواتي المسلمين بيعمل حاجه ممكن تاذيه وأفضل ساكت
نظر له المالك وقال: قلقتني يا أستاذ في إيه؟
هتف أدهم وهو ينظر له: الرسول صلى الله عليه وسلم قال *:" من رأي منكم منكرا فليغيره بيده، وإن لم يستطيع فبلسانه، وإن لم يستطع فبقلبه وذلك أضعف الإيمان " رواه مسلم*
فا أنا شفت إن فيه مشروبات مقاطعة وكد هنا فا صدقني دا أمر خطير دلوقتي خاف وانت بتشتري منتجاتهم أن تُصيبك دعوة *(يارب وكل من عاونهم)*.
الموضوع مش سهل أبدا ومش بس ندعي لهم، لا مطلوب مننا ندعي ليهم وكمان نقاطع الناس دي ومنتجاتها وكد كد في منتجات محلية كويسه جدا.
أنت تقرأ
"خُطوه تَغْيِير"
Aventuraخُطوة الأمر كله يبدأ بخطوة إما أن تأخذنا نحو الأمام، نتقرب بها إلي الله تعالي أكثر وتكن سببا في دخولنا الفردوس الأعلي ، وإما أن نخطو خطوة واحدة تكن سببا في بعدنا عن طريق الله تعالي، طريق الحق وتجعلنا نسقط قاع جهنم، فاحذر أن تخطو وتبتعد وتسقط بالقاع...
