အခန်း (၇)
ရှချင်းထန်း၏ ပါးစပ်ထဲတွင် သွေးဟောင်းများဖြင့် တစ်ဆို့နေပြီး ခုံးလျန်ချောင်၏ ညစ်ညမ်းသော မျက်နှာကို သူမ စိုက်ကြည့်ကာ သူ့ကို နောက်တစ်ကြိမ် တွန်းလှန်ရန် စိတ်အားထက်သန်လာခဲ့သည်။
တစ်ချိန်က မမြင်နိုင်ခဲ့ပေ။ သို့သော် အခု ကြုံလိုက်ရသည့်အခါ၌ ရှချင်းထန်းသည် ခုံးလျန်ချောင်ကို မြင်ရသောအခါတွင် မအီမသာပင် ဖြစ်မိလေသည်။ သူမ၏ ခန္ဓာကိုယ်မှ မွှေးညင်းပေါက်တစ်ခုချင်းစီကအစ ထိုသူ့အား နှင်ထုတ်ရန် တောင့်တနေပြီး သူ့ရှေ့ရှိ မသန့်ရှင်းသောလေကို ရှူရှိုက်ရန်ပင် ဆန္ဒမရှိပေ။ ထိုအခြင်းအရာကြောင့် အသက်ရှူကျပ်ခြင်းက သူမကို လွှမ်းခြုံထားလေသည်။
အတိတ်က ဝေဒနာတွေကို သတိရမိတိုင်း သူမစိတ်ထဲတွင် ထိုအရာများနှင့် လွှမ်းခြုံသွားလေသည်။ ခုံးလျန်ချောင်၏ ဖောက်ပြန်မှု ဖြစ်ရပ်တိုင်း သူမ၏ မှတ်ဉာဏ်ထဲသို့ တိုးဝင်လာပြီးနောက်... သူမအကြည့်များက အထင်အမြင်သေးပြီး ဆုံးဖြတ်နိုင်မှုတို့နှင့် ပြည့်နေလေသည်။
ချမ်းသာသော နောက်ခံနှင့် ဂုဏ်သိက္ခာရှိသော အလုပ်ရှိသောကြောင့် သူ၏သာလွန်မှုအပေါ် ယုံကြည်ချက် ပြင်းထန်လေသည်။ ထို့ကြောင့်အထင်အမြင်သေးမှုမှာ ရှထျင်းထန်၏ သိမ်ငယ်မှုကို ဆန့်ကျင်လျက် ပေါင်းစပ်ထားသလိုပင်။
သူ၏ဆုံးဖြတ်ချက်သည် ရှချင်းထန်းမှာ သူနှင့်ကွာရှင်းရန် မဝံ့ရဲကြောင်း သိလာရခြင်း ဖြစ်သည်။ သူမသည် ကံဆိုးမိုးမှောင်ကျသူဖြစ်ပြီး ခုံးမိသားစုအား စားဝတ်နေရေးအတွက်ဖြစ်ဖြစ် မြင့်မြတ်သော အဆင့်အတန်းကို စွဲကိုင်ထားနိုင်လေသည်။
ဒါတောင်မှ မြင့်မားတဲ့ဘဝဆိုတာကဘာလဲ။ ခမ်းနားထည်ဝါသော အပေါ်ယံမျက်နှာစာမျှသာဖြစ်ကာ ပိတ်ထားသောတံခါးနောက်တွင် ခင်ပွန်း၏မိသားစုအတွက် ကျွန်ခံခြင်း၏ ကြမ်းတမ်းသောအဖြစ်မှန်ကို ဖုံးအုပ်ထားသည်။ ကောင်းကောင်းမွန်မွန် အလုပ်မလုပ်ပါက အရိုက်ခံရခြင်း၊ အော်ဟစ်ခြင်းနှင့် ဆဲရေးခြင်းများကို ခံရပေလိမ့်မည်ပင်။
YOU ARE READING
ရွှေကိုင်းခက်ပေါ်ဝယ် ခိုနားမယ်
Romanceမိတ်ဆက် သူမ ယခင်ဘဝ၌ ရှချင်းထန်း၏ ဘဝသည် အတက်အကျ များစွာ ပြည့်နှက်နေခဲ့သည်။ သူမသည် ယာယီရွှေ့ပြောင်းရာ အိမ်ယာရှိသည့် မြို့လေး၌ ကြီးပြင်းလာခဲ့ပြီး သူဌေးမိသားစုထဲ လက်ထပ်ပြီး ဝင်ရောက်ခဲ့ကာ စာကလေးမှ ဖီးနစ်အဖြစ် ပြောင်းလဲခဲ့လေ၏။ သို့သော် သူမသည် ရက်အနည်းငယ်မ...
