زادت عقدات حجبانها ما مستوعباش شنو كاتسمع ... رمشات لوهلة ومدات يديها وهي كاترعد حطاتها على خدها، هازة وجهها باش يتقابلو عينيهم ...
هيزل : نايا هادشي ما كايضحكش، بلا والو مقلقة منك، واعصابي تالفة ما عنديش لين نزيد !
نفات نايا براسها وكملات كلامها كاتشرح ليها شنو داير بيها وشنو خباو عليها : - انا و جوزيف كنا كانعرفو بعضياتنا قبل ما تلاقاو نتوما، كنا شهر مصاحبين وشهر مفارقين، علاقتنا كانت طوكسيك (سامة) بلا قياس، انا باغا حريتي وهو مغيار عزيز عليه يتحكم فيا ... وانت عارفة علاقات بحال هادو ما كانعاودش ليك عليهم حيت ما كايعحبكش هاد الطبع فيا، داكشي علاش ما عرفتيش بيه ... اخر مرة خدينا "break" (باقيين مصاحبين ولكن فنفس الوقت ما كايهضروش، وكلها كايدير شنو ما بغا) كان يمكن لينا نتلاقاو ونخرجو معامن ما بغينا، تماك فين هو تلاقاك !
نزلو دموعها على خذها، الدنيا كاتدور بيها، بلعات ريقها وقالت وهي كاتغوت بعصبية : - ايوا ؟! ومن بعد ؟ نقولو هو كان غريب ولكن انت كيفاش عطاتك خاطرك انا راني صاحبتك (وقفات غصة فحلقها) كيفاش قدرتي تخاطري معاه، شنو قال ليك راسك ممكن يوقع ؟
هزات كتافها ودموعها على خذها بقلة حيلة : - ما عرفتش ... (بصوت عالي) ما عرفتش ! وما قدرتش نبقى ساكتة !
قاطعاتها هيزل ثاني ونطقات : - حتى لدابا، من ورا عماين وحنا مصاحبين، من ورا ست اشهر وحنا مخطوبين، ما بقى للعرس غير سيمانة ... عاد ما بقيتيش قادرة تسكتي ؟ حتى لدابا عاد حسيتي بتأنيب الضمير ؟ فين كنتي منين كنت كانبني ونعلي فعالم غوز معاك، شاركتك، احلامي، طموحاتي، شحال بغيت ديال الولاد، سميات الكليبات لي غادي نربيو، ما خليت حتى تفصيل ... انا
سكتات فشلانة ما عارفة ما تقول اساسا كلشي داز على عينيها، ما عندها ما تزيد ....
وهي تنطق نايا : - حاولت معاه باش نصارحوك بجوجنا، ماشي حتى لدابا، فاش قلتيو بلي ولتيو كوبل ! ولكن هو ما بغاش، ساعتها قالي المخاطرة لي بيناتنا تلغات حيت ولا كايبغيك ! (عضات على شفتها وقالت بأسى) طيحيتيه !
عم الصمت ثاني، الهضرة تقطعات وغير حس النفس لي كاتطلع وتنزل فصدرهم لي مسموع ...
قالت هيزل فسرها : [ - هو كايبغيني، يعني موضوع المخاطرة ما داخلش ففكرة زواجنا ؟ منين الموضوع بحال هاكا علاش بداتو من هاديك النقطة ؟]
هيزل : كاتبغي جوزيف ؟
ردات عليها بدون تردد : - اه !
حلات عينيها مصدومة من طريقة ردها، وكاع الخيوط بداو يلصقو ببعضياتهم قدام عينيها ...
نايا : اه، كانبغيه، منين شفت كيفاش ولا زدت بغيتو وتعلقت بيه ! هيزل : وهو عارف بمشاعرك ؟ نايا : لا، ولكن باغا نعتارف ليه ... حاولت ندير شحال من حاجة تخليك تتنازلي عليه بلا ما تخسر علاقتنا ولكن انت عندك مبادئ وخاطر واسع ! ساليت كاع الحيل لي عندي ... وغادي نجيه وجها لوجه هاد المرة .
🎞️#عودة🎞️
هيزل : فديك اللقطة، خرجت من الدار ! بثنني : (باندهاش) خرجتي وصافي ؟
هزهزات راسها وهي كاتمسح دموعها : - اه، ما كانتش عندي الطاقة، حتى باش نصرفقها، ما كنتش قادرة نهز يدي .. حسيت براسي لعبة بين اكثر جوج اشخاص كانتيق فيهم فحياتي، صاحبتي ديال 11 لعام، وخطيبي لي كان غادي يكون راجلي وكانعرفو علاين ثلث سنين هذه ... صاحبتي وهو ردوني بيدق فلعبة حامضة بيناتهم ...
كيم : وما واجهتيش "جو" (Joe = Joseph)
#𝑇𝑜_𝑏𝑒_𝑐𝑜𝑛𝑡𝑖𝑛𝑢𝑒𝑑 اراؤكن
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
