الخيط الرفيع

•لــن يُــشــفــى•

• #الــخـيـط_الــرفـيـع
•11•
🔏𝘚𝘢𝘧𝘪𝘺𝘢 𝘕𝘢𝘨𝘢𝘵 "𝓘𝓻𝓲𝓼"

خرجات تنهيدة حارة من صدرها وهي كاتهضر، دموعها ما بغاوش يحبسو، ومع ذلك محافظة على هدوءها ورزانتها !
دورات عينيها وسط منهم كانو كلهم مصدومين وما عارفين ما يقول، والصدمة الكبيرة كانت من نايا لي جبدات الموضوع من الاساس وحرقات قلبها، كيتها كانت كبر وهي لي خلاتها تكبر الموضوع لهاد الدرجة، متأكدين مية فالمية انو لو الموضوع تفتح ورا الزواج ما كانش غادي يوصلهم للطلاق ...

هيزل : ما متقبلاش الفكرة ديال انو علاقتنا تبنات من ورا مخاطرة، المشاعر كانو حقيقين ولكن الساس راشي ...

ماتيلدا : ودابا رتاحيتي ؟ منين سمحتي فيه وخليتيه فأسعد لحظة فحياتكم ! برد قلبك ؟ تبدلات شي حاجة ؟

نفات براسها وهي مقهورة على راسها :
- توء، ما حسيتش براحة، ما فرحتش، وبالعكس عاد زاد الحمل ثقلني، في انتقامي ليه عقاب ليا، انا كانبغيه، ومتيقنة بلي حتى هو كايبغيني، وثايقة فداكشي لي قال، واخا كانت ثقتي فنايا اكبر، ولكن (خدات نفس) كيفاش بغيتيني نشرح ليك، هي عمرها كانت معاي، انا لي كنت معاها، انا لي كنت واخدة بخاطرها، انا لي ضحيت باش بقات علاقتنا مطولة ...

كيم : كنتي متعاطفة معاها !

هزهزات راسها وقالت : - كنت حاسة بشنو كاتحس، قلت زعما عندنا نفس النقص، حتى انا ماما ماتت فاش كنت صغيرة الفرق لي بيناتنا هو كان عندي فضاء ما مخلينيش نحس بالفراغ، وهي لا ... داكشي علاش ما كنتش كانبغي نخسر ليها خاطرها ولا نقلقها باركة غير الدنيا قسات عليه وانا هي الملجأ ديالها فين تخرج ديك الاعصاب ...

عضات على لسانها وهي كاترعد مسترجعة كاع ذكراياتها معاها، ضحكو مرات وبكاتها اضعافهم ... نزلات دمعة مقهورة على حالها وكملات بنرة مرعودة ...

هيزل : ولكن "جو" غير، ثلث سنين باش عرفتو، عمري نعقل على شي نهار احتاجيتو وما لقيتوش، كان معاي فالحلوة والمرة، وقت ما طحت كانلقاه، وقت ما بكيت هو كايسمح دموعي وديما مسبق راحتي على راحتو ! كان "شخصي المميز" الراجل لي حياتي كاملة وانا كانحلم بيه !

ماتيلدا : وباقي !

شافت فيها ما فاهماش اش قصدات وهي تزيد تشرح ليها ..

ماتيلدا : قلتي كان، ولكن هو باقي شخصك المميز ...
بثني : هو باقي خطيبك، خاتمو باقي فيديك، مزال عندكم فرصة تصلحي لي تهدم !

هزات كتافها بوهن ونطقات :
- ما عرفتش، ما عرفتش واش نقدرو نعاودو نبنيو الثقة لي ضاعت بيناتنا، واش نقدرو نفتحو صفحة جديدة وننساو لي فات خصوصا ورا شنو درت، هو كان قال لي باش نلغيو العرس نحبسو كلشي ولكن انا جريت الخيط بلا قياس ... ما عرفتش واش باقي عندو نفس الهضرة ولا صافي لي تهرس ما كايتصلحش ! والجرح عمرو يبرا

كيم : ونايا ؟

شافو فيها البنات مستغربين، هاد السؤال ما خاصوش يتطرح ولكن هي اكثر وحدة كانت كاتتعاطف معاها من ورا هيزل ...

هيزل : علاقتنا كان غادي يجي واحد الوقت وتكمل، وجات على هذه ..
بثني : بالصح نقولو هو ما يسواش وياله عرفتيه، هي شنو العذر ديالها!
هيزل : وكانت مستعدة تضحي بيا على قبلو، باغا تعترف ليه قالك، شنو زعما اختارني انا وماشي هي ؟ ولي حبس ليا دماغي هو المرافقين لي جابت نهار الحفلة كانو باش تلصق ليا تهمة الخـ ـيـانة !

فتحو فمهم مصدومين من مستوى الوقاحة والحقارة لي وصلات ليهم ... بينما هي كملات كلامها موضحة ليهم منين عرفات الخطة ...

هيزل : جات عندي لبارح وهي سكرانة كملات على خيرها !

#𝑇𝑜_𝑏𝑒_𝑐𝑜𝑛𝑡𝑖𝑛𝑢𝑒𝑑

اراؤكن ❤️