فصلية و حب 💗2
يافشلة حمد والريل
لادگ اگهوه ولاهيل
لاظلت سنابل للگطه امخضره وشجاكم
مو فضحني الليل
چا بيّه اشيسوي لو طلع فجره
وتانيكم
شتانيكمكاظم العطشان
قطع صوت عياطهم صوت الطلقة و هي تخترق راس علي
براء غمضت عيونها بكل قوتها حتى ما تشوف المنظر تمنت يوقف بيها الزمن بهالنقطة
تمنت تنشك الارض و تبلعها بهاللحظة احلامها و كل شي حلو فكرت بيه تبده و الجاي اصعب من كل لحظة عاشتها قبل
فرح الشيخ و صاح بيض الله وجهك بيضت وجهنا روح هسه و بعدين ادبر لك كلشي
التفت لأحمد و هو يبارك له بس أحمد من الصدمة ما كدر ينطق كلمة صافن على المنظر و حاط ايديه على راسه
ام براء و ابوها انهاروا و هم حاضنين جثة ابنهم و يمسحون بدمه و مو مستوعبين الصار
براء فقدت الوعي ركض الها احمد و هو يحاول يصحيها بس ماكو
انتشر الخبر بالسلف انو الشيخ اخذ ثاره
و جوي عشيرة غزوان يطالبون بيه هو و عائلته بس ما يكدرون يسوون شي لان علي مهدور دمه
براء بعد ما تكدر تبقى ويا احمد لان بالاصل هي فصلية
- عم غزوان رمه بالجو و صاح : اخذتوا بثاركم و رايتكم بيضه لجن انطونه ابو علي و عايلته
طلعهم الشيخ و خلوهم كدامهم بس احمد ما قبل براء تروح قاومهم الصوبين بس ما كدر لان ازلام الشيخ قيدوه
و براء ما ابدت اي رد فعل بس ساكته و راحت ويا اهلها...
أحمد : ليش سويت كل هذا عمي مو حرام عليك
-لا مو حرام النقس بالنفس و هذا قصاص
- والله يكول العفو عند المقدرة عمي و لو نرجع للحگ اخوي دايس كاعهم و راد ياخذها غصب
-ولك يردي تحجي على اخيك علمود واحد مايسوى
-ما يهمني هذا الحجي كله براء مرتي بالشرع و القانون و لازم ترجعلي
- تردلك و اهلك جتالين اخوها ماضن
- يعني انت تشمت اذا ما رجعت براء اسويها محاكم و اشتكي عليكم كلكم و اسويها كامت كعدت
ضربه عمه راشدي و احمد فقد اعصابه و ضل يصيح شلون اطكني والله اليوم اكلب الدنيا عليكم
امر الشيخ زلامه ياخذون احمد و يحبسوه حتى يتربى ..
نزلون لمخزن جوه الكاع ظل يلوب بمكانه يفكر ببراء و بحالها و شلون رح يكدر يرجعها و هلى يا ترى رح تسامحهبراء : وصلت لعمامي و اني احس اذني مثل البيها صفير من وره صوت الطلقة ماكدر استوعب اتمنى كله حلم
اسمع صريخ امي و نوح ابوي و لوم احمد الي بقى يرن براسي و ادمغ عمامي عليه لحد هسه ما بدرت مني اي ردة فعل امي طكتني راشي حتى تروح مني الصدمة و شكت ثوبي عدنا بالريف البنيه الي ما تشگ ثوبها على اخيها عيب
براء : يمه عليوي مات احجي بدون وعي
- اي يمه خذو مني كتلو ابني يمه شلون بيه
هنا انهاريت بجيت بكل قوتي صرخت و لطمت و زلغت وجهي خلص براء حياتها انتهت شلون رح اعيش و اني حامله ذنب اخوي و بدون حبيبي
بجيت الى ان فقدت و اخذوني للمستشفى الدكتور شافني و طلب تحاليل
و هنا جانت المصيبهكلولي انتِ حامل ...
يتبع ...
لا تنسون التصويت ⭐️
أنت تقرأ
فصلية وحب 2 💓
Romanceتحدث الفصل الاول عن معاناة براء و طريقها الطويل لجعل أحمد يتقبلها الفصل الثاني من القصة سيكون عن معاناة الثنائي و فصل جديد من حبهم ♥️