فصلية وحب 2 💓

الحلقة ١٤

فصلية و حب 💗 2
الحلقة ١٤

هذا عمـري مكالب اويه الضيم
ما مــر الضحج مـرة اعله سني .

لـ عريان السيد خلف

جابت براء مي حطته كدام دانه و قدمت الها حلويات

-انتِ شلون عرفتي عوان بيتنا

-براء ممكن اطلب منج طلب
ترى احمد مايدري اني اجيت و لا يدري اني اعرف عوانكم ممكن ما تكليله

- ليش حتى ما اكله و اذا مايدري شلون عرفتي عنوانه

-مايدري صدكيني و اني العنوان اخذته من معلوماته الي بالدوام

-اها يعني انتِ ويا بالدوام

-اي صح

-اي زين

-بس صدكيني هو مديحجي ويايا و كتله قبل فترة يخليني اشوفج بس ما قبل
و اني ظلييت ادور إلى إن
لكيت هالفرصة
-زين شنو تردين مني

- اريد .. (صفنت شويه و عم الهدوء بالمكان .. رجعت حجت ويا دمعتين من دموع التماسيح )
اريد تسامحيني لان اول مرة شفتج بيها اذيتج هوايه و اني مو هيج طبعي و بسبب هالشي تأذت نفسيتي كل ما اتذكر اذيتي الج

اني و احمد حبينا بعض لفترة طويلة و جنا مخططين لكلشي و ناوين نتزوج بعد فترة قصيرة قبل هذاك الموضوع
فمن عرفت بيه اتزوج جان صعب عليه اتقبل و تأذيت من شفتج ويا ماخذه مكاني لهل السبب تصرفت وياج بهالقسوة

تأثرت براء للاسف و اقتنعت بكلامها و كذبها و سامحت براء و جرى بينهم اللقاء طبيعي الى ان راحت دانه و براء وعدتها ما رح تحجي لاحمد للاسف

بس هذا ما يغفر لاحمد و لا يبرر اله انو ضم عليها

رجع احمد من الدوام و حس براء باردة بتعاملها ويا مو نفس لهفتها عليه كل مرة و حتى من يحجي وياها ردودها بارده حس اكو شي

و من سألها نكرت

براء ما جانت تدري احمد حاط كاميرات يم باب البيت يفتحهن على تليفونه حتى يطمن عليها من يكون بالدوام
انتظرها تنام فتح التطبيق و رجع الوقت من جان بالدوام و انصعق من شاف دانه فاتت لبيته

ما حجه ويا براء حتى لا تكبر بينهم بس ظل يفكر شلون دانه عرفت عنوانهم

ما كدر يتحمل ينتظر لباجر ركب سيارته و راح لبيت دانه

دانه امها و ابوها منفصلين و عايشه ويا امها و اختها الاصغر منها

دك الباب بقوة فتحت اله امها

-هرجتنا شعندك جاي

-وين دانه خلي تجي

-شتريد من بتي مو عفتها انت

-خلي تجي دانه كلمتي بعد ما اثنيها نوب اتصرف غير تصرف

-شنو انت تهددني الم عليك المنطقة غير

دفعها احمد هي ظلت تعيط هاي عود انت شيخ و ابن شيوخ تتگوه على النسوان

فات احمد للمطبخ و شاف دانه جرها من ايدها

-شوداج لبيتي ليش رحتي لبراء

....

لج احجي شوداج شنو حجيتي وياها

-عوفني احمد ايدي

-شوفي لج هالمرة مارح اسويلج شي بس المرة الجايه اذا وصلتي لبيتي اكسر رجليج و قد اعذر من انذر

طلع من البيت و امها بعدها تعيط و هرجت الدنيا ..

بعد مرور ٣ ايام

العاشرة مساءً في بيت الدجال

نور : دانه ليش وصلتينا لهيج اماكن انتِ دارسه شلون توصلين لهيج مواصيل

- لج والله لاخليه يتوسل بيه و يبجي يم رجليه

-ليش ورطتيني وياج

-سكتي لج غير تجينين ويايا اني شلون ادبرها وحدي

- تندمت لان طاوعتج و اجيت لهيج مكان

-صمي حلكج

يلا انتن كومن دخلن للشيخ

فاتن دانه و نور كعدن كدامه

-تفضلن

دانه : اريد اسوي عمل لوحدة اريدها تذبل يوم بعد يوم و تمرض و ما تصحى

يتبع ....

الكاتبة :نور

لا تنسون التصويت ⭐️ وارائكم