فصلية وحب 2 💓

الحلقة ٨

فصلية و حب 💗 2

وعَلى غيّرك چِذب ماترهُم الروُح
ومنو غَيرك يسَد حاجة نضَرنا ؟
يـَ أبن الناس غيَرك ماكو موضُوع
وهَـلبِت بالچذب شخَصك ذِكرنا
نسولِف بيك لأخر لحَظة بـَالليل
وتِرد مـِن الصُبح تشغُل فِكرنا

جبار رشيد

براء : اني حامل

صفن احمد شويه حاول يستوعب الي سمعه

-متأكدة

-والله عرفت باليوم الي كتلتو بيه اخويا

صفن احمد ومن بعد حسرة جبيرة حجه
-زين ليش ما حجيتي من البداية

- خفت احمد و ادري مستحيل يبقى هذا الطفل لو الكل عرف

-خلي احد يتكرب يمج لو يم ابني و شوفي شسوي والله اسويها دموم
كافي لحد هسه صابر علمود عيونج بس بعد ما اتحمل

- شنسوي احمد بعد ما بيه راح مني اخويا شياخذون مني بعد والله رح اطك و اموت

-اسم الله عليج يا گلبي لا تحجين هيج من تحجين هيج تحركين افادي والله بأشارة منج اخذج و نروح لابعد مكان

-ما يخلونا احمد يجون ورانا مثل ما اجو هالمرة

-براء حافظي على التليفون زين و لاحد يشوفه بين ما ارتب الوضع و احله

-خوش بس لا تتأخر عليه بطني خاف تكبر وهيج هيج يبين عليه الحمل

- شكد صارلج حامل

-شهرين

-تحسر احمد وردف ماشي حبيبتي رح ادبر الوضع بأسرع وقت انتبهي على نفسج و ابقي ضامه الموضوع لاحد يدري بيج حامل

سد احمد التليفون من براء و تجمعت بعيونه دموع الغيظ و القهر و الحزن

حسرته و حركته يوم عن يوم تكبر بعده عن حبيبته و هسه عرف جايه طفل و مايدري اذا رح يكدر يشوفه لو لا

جان يتمنى هسه هو يمها و يضمها و يحسسها شكد هو فرحان بخبر حملها

بس للاسف ما جان اكو للفرح مكان

من براء : راح احمد و اني افكر و الف فكرة براسي و كل تفكيري شلون احافظ على ابني و شلون ارفض هذا الزواج

ولو صار و احمد ما يكدر يوفي بوعوده شنو ممكن يصيرلي

كل تفكيري بالمجهول

قاطع صفنتي صوت القران يمهد لأذان صلاة الفجر

بسم الله الرحمن الرحيم (وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدُيرٌ )

صفنت للاية و حسيتها اجت مرهم لگلبي و رسالة من رب العالمين الي

الله سبحانه هو القادر على كلشي و ما يكتب بس الخير النا

يا رب فرج همي و اكشف كربي و و افتحها بوجهي

استجمعت قوتي و كمت طفيت التليفون و ضميته بهدومي و نزلت

لكيت ابن عمي واكف يم الحوض يريد يتوضى

جاسم : ها براء وين جنتي شعدج بالسطح

-ها خويه صباح الخير ماكو شي هيج ردت اشم هوا

-خوش .. سمعتي بطلت ابوي من ابوج

-ها اي سمعت

- و شرايج ؟

-الله كريم و هالحجي مو وكته انا هسا على ذمة رجال

- رجال اهله چتالين اخوج ما ضنتي ترجعيله

-مو احمد الكتل اخوي

-و تدافعين عليه جدامي ولج انتِ بدون حيا

-حدك مو اني الي ينكالي هذا الحجي فهمت لو لا

-احترمي نفسج و احجي عدل و حشمي

-الما محشم نفسه و ما حاط الها كدر هذا اليجراله

قطع عركنا صوت المؤذن هو تعوذ من الشيطان و كال نكمل حجينا باجر

انا عفته و مشيت كلت اتوضى بالحوض مال المطبخ

رحت اتوضيت و صليت و ناجيت ربي و قسمت عليه بالنبي و اهل بيته يسهل الي موضوعي و يفرجها عليه

يتبع ....
لا تنسون التصويت و رأيكم ⭐️

نور♥️