فصلية وحب 2 💓

الحلقة ١

فصلية و حب💓2

يافشلة حمد والريل
لادگ اگهوه ولاهيل
لاظلت سنابل للگطه امخضره وشجاكم
مو فضحني الليل
چا بيّه اشيسوي لو طلع فجره
وتانيكم
شتانيكم

كاظم العطشان

بغداد العامرية / من قصر حب براء و احمد

براء : رفعت راسي شفت أحمد بصفي نايم ابتسمت و مرت كل الذكريات الفاتت براسي و كلشي سيء مريت بيه يم اهله

بدينا حياتنا الجديدة ببيتنا الصغير صح ما يشبه هذا القصر بس جنة بعيوني

كمت حتى اسوي ريوك اليوم لازم نروح حتى نعقد محكمة فتت للمطبخ فتحت الشباك جان الجو يجنن بارد و غيوم و بنفس الوقت خيوط اشعة الشمس تنساب من بين الغيم اخذت نفس عميق

فتحت الثلاجة طلعت بيض و طماطة اكلة احمد المفضلة مخلمة بيض

بينما داشتغل فات احمد للمطبخ باسني
- صباح الخير برو

-صباح النور يا رويحتي خوما ازعجتك

- لا حبيبي بس هو المفروض اكعد حتى احضر ملابسي و المعاملات

- حضرتلك كلش اني

- فدوة لمرتي النادرة

- فدوة لعمرك
صفنت بعدين كتله احمد عندي سؤال بس لا تضوج

- حسب السؤال اذا يضوجني اضوج

- انت متأكد تريد هالشي نعقد و تعوف عائلتك و المشيخة و ولايتك علمودي

- اي براء متأكد تعبت من كلشي من المشكل و الحمل و المسؤولية لج ابسط شي العشيرة تريدني اكتل اخوج و اذا صار هالشي رح اخسرج و اني ما اكدر اني حبيتج و مستحيل افرط بيج

- منو يصدك الشيخ احمد الي اخذني فصيلة يعوف كلشي علمودي

- بساطتج و طيبتج خلتني اذوب بيج بهالسرعة

- احبك والله انت صرتلي عزوة و سندو اهل بس هم خايفة خايفة من اهلك و عشيرتك مستحيل يتركونا

- اي و اني خراعة خضرة و تخافين

- هههههه لا حبيبي انت رجالي و شيخي و تاج راسي بس اعرف العواقب

- اني عفت الدنيا و اختاريتج و مستعد اضحي بروحي علمودج

يلا اخذنا الوكت كومي برو بدلي رح نتأخر

لملمت السفرةو كمت و اني احس السعادة ماليه گلبي اطمنت لكل كلمة كالها احمد و ما فكرت بعد بالي ممكن يصير و العواقب

بدلت لبست فستان ابيض و حجات ابيض و حذاء و ذهب و مكياج خفيف طلعت عبالك عروس

- شنو هالعروس الحلوة هاي

- انت الاحلى حبيبي

- الله يقدرني و اسويلج العرس الي تحلمين بيه

- ياروحي اني والله كلشي ما اريد بس تكون ويايا و مرتاحين

و اكول شي بس لا تضوج و اتمنى هم اشوف اهلي

عقد حواجبه و كال يلا امشي تأخرنا طلع و طلعت وراه و اني الضحكة اختفت من وجهي مرت سنة على الحادثة و احمد حبني و تعلق بيه بس ابد ما نسى الشي الي صار

وصلنا بالبداية استلمنا تحليل الدم و اخذنا رحنا للمحكمة فتنا للقاضي عقد النا و كملنا كل الاجراءات و اني احس كلبي رح يطير من مكانه صرت مرته بالشرع و القانون صرت مسجله بأسمه رسمياً

من طرف اخر : سيارة بباب المحكمة اثنين اشخاص متنكرين

الو 📞: شيخنا هذول عقدوا شنو هسه نسوي ...

لا تنسون التصويت احتى استمر 🥹❤️ و كتبوا تعليقاتكم و شنو تتوقعون