فصلية وحب 2 💓

الحلقة ١٣

فصلية و حب 💗2

الحلقة ١٣ (غدر)

يچذبني
و اچذّبه
و بالعشگ نحلف
و فنَّه الگال احبك دون ما يرجف

ايهاب الظالمي

دانه :اكول أحمد ممكن طلب ؟

-أكيد تفضلي

-ممكن اشوف براء او اخذ رقمها

صفن احمد اخذ نفس و زفره
-ليش دانه ليش تردين رقم براء

-اريد اعتذر الها عن اخر لقاء صار بينا و شلون تعاملت وياها بوقتها

-واصل و مقبول

-بس اني اريدها هي تسامحني و اريد احجي وياها

-اعتذر منج دانه ما اكدر اخليج تحجين ويا براء

-هيج احمد لهدرجة صارت الثقة معدومه بينا

-لا ابد بس براء مرت بهوايه مواقف اذتها اخوتها توفى كدام عينها عمامها تعوبها و اهلي هم ما اريد ازيد عليها قهر 

يعني رجال يكول لمرته تعاي احجي ويا بنيه جانت حبيبتي شنو تتوقعين شعورها و انتِ بنيه وتعرفين و براء حامل ما اريد اي شي يأذيها

-فهمت عليك و اني اسفة

-اتمنى تتفهمين

-عادي احمد مو مشكلة

طلعت دانه و احمد حس بتأنيب لان عباله جرحها بس نسى كيد دانه وحب التملك عدها و من صفاتها ما تحب الشي الي بأيدها يروح لغيرها

ظلت تحاول و تحاول
كم مرة حاولت تتبعه بس خافت يلاحظها

المسؤولة بالموارد البشرية و شؤون الموظفين تعرفها دانه و جانت تعرف بالعلاقة البينهم لذلك اختارت دانه انو تلجأ الها
و تحاول تسحب منها معلومات احمد و تمثل كدامها انو بس رايده تكون علاقات وياهم و خلت الحب على جهة و تكون صداقات

للاسف استسلمت الها المسؤولة ناسيه شروط مهنتها السرية

اخذت دانه المعلومات و فرحتها ما تنطيها لاحد كأنما اخذت كاس بطولة

انتظرت لليل و راحت للعنوان باوعت للبيوت و عرفت البيت من خلال سيارة احمد

ابتسمت ابتسامة النصر و حست بأنجاز رجعت لبيتها و بليلتها نامت و هي تفكر شنو تحجي ويا براء حتى تأمن الها و ادخلها لبيتها

*الساعة التاسعة صباحاً

كعدت دانه من النوم و ابتسامه شاكه وجها كامت غسلت و تأنقت

و هي على يقين انو احمد هسه بالدوام لذلك توجهت لبيته

مرت على محل و اخذت علبة حلويات على اساس انو هي ذوق و ما يصير توفت على براء اول مرة و ايدها فارغة

وصلت للفرع سفطت سيارتها بمكان و نزلت توجهت للبيت و خطواتها خفيفة و ويا كل خطوة فرح عظيم و انتصار

دكت الجرس 
انتظرت ثواني رجعت دكته مره ثانيه

براء جانت توها طالعه من الحمام دتمشط شعرها و ملابسها يمها على القنفه

شافتها بالكاميرا بس ما عرفتها لان صورة مو واضحه و اساساً ماتذكر ملامح وجها

كل اللقاء الي صار  بينهم ساعات

براء للاسف امنت بما انو من طرف عائلتها او عائلة احمد قررت تفتح الباب بس ما جانت تدري رح تفتح بوابه من نار على نفسها

-منو

-اني ممكن تفتحين الباب

-صفنت براء حست نفسها تعرف هالشخص

فتحت الباب و رأساً انرسمت على وجها الصدمة

دانه خير ان شاء الله و اصلا شلون عرفتي بيتنا

-هلو براء شلونج اني جايه علمودج ممكن افوت و نحجي

براء بت ريف و معروفين اهل الريف بأكرام الضيف لو مهما كان و شنو كان

فوتتها و كعدتها

-البيت بيتج تفضلي بس خلي اجيب مي

-على راحتج گلبي

التفت دانه و شافت فرشة شعر براء كلها شعرها و ملابسها

فتشت بالملايس لگت بلوز داخلي و مدت ايدها على فرشة الشعر اخذتها منها الشعر و اخذت الملابس الداخلية مالت براء و حطتهن بجنطتها و اترسمت على وجها ضحكة المكر و الشر

يتبع ....

لا تنسون التصويت و ارائكم