فصلية وحب 2 💓

الحلقة ٩

فصلية و حب 💗2

وعَلى غيّرك چِذب ماترهُم الروُح
ومنو غَيرك يسَد حاجة نضَرنا ؟
يـَ أبن الناس غيَرك ماكو موضُوع
وهَـلبِت بالچذب شخَصك ذِكرنا
نسولِف بيك لأخر لحَظة بـَالليل
وتِرد مـِن الصُبح تشغُل فِكرنا

جبار رشيد

احمد : مر اسبوع على مكالمتي ويا براء و كل ما اتصل عليها الكاها مغلق

بكل لحظة اشتاق الها

مغربية شتاء و برد واكف بباب البيت و الجكارة بيدي و نسمات الهواء الباردة اداعب وجهي

وكل نفس اسحبه من الجكارة ازفره بقهر و تعب اتمنى اطلع بيه الحركة البصدري

ليلة جمعة الجامع الي كبالنا مخلين دعاء كميل (إلهي وَرَبّي مَن لي غَيرُكَ أسألَهُ كَشفَ ضُرّي وَالنَّظَرَ في أمري)

اخذت نفس و ذبيت حسرة ما توسعها الدنيا و كتله يا رب فرج همي

تعبت من التفكير و كل تفكيري شلون ارجع براء بدون ما يتأذه احد شلون اضمن سلامتها و سلامة ابن

قاطع تفكيري صوت رنة التليفون

شفت اسم المتصل براء تبادرت بوجهي ابتسامة لطيفة هدمت كل ملامح الحزن

-الو ها يبعدهم كلهم

-احمد الحكني عمي صارله خمس ايام يتعارك ويايا و ضربني و يريدني اطلك منك و حتى لو انت رفضت احرك دعوة ضدك و اكول انتو ضربتوني و اتهمكم بقتل اخويا

- يضربج و انتِ على ذمتي لج والله اليوم اسويها دموم

فات احمد للبيت سحب تفكه من المخزن و ركب سيارته لبيت عم براء

من شافوه زلام العشيرة ماخذ سلاح تبعوه

وصل و رمه ٥ طلقات بالجو طلعوله ولده عمها مسلحين

- العم : ها يبن العشاير شنهي السالفة جاي علينا بالمغربية

-اطوني براء لا اكلب عاليها واطيها هسه

-و شنهي هي فالتو لو وكاله من غير بواب شنهي تاخذ براء

-شوف روحي براس خشمي اذا ما تنطوني براء هسه اصفيكم كلكم و اخذها

-ها و هسه شني مطلوب من عدنا نخاف و نسلمك البت

- والله ثم والله اذاما تطلع براء خلال دقيقتين اطشركم

جاسم : خايب انت ياهو و تهدد دمش منا ما الك بت عدنا البت اطلكها لا اكسر ضهرك هسه

سمعه احمد لو تخبل رأساً سحب اقسام و و وجهه عليه براء جانت تراقب من وره الباب

رأساً طلعت و ذبت روحها كدامه

-لا احمد ابوس ايدك لا فجعتونا بواحد لا تفجعونا بثاني روح مو وكته

-شو اخذج و اكسر خشومهم امشي جدامي

جاسم : دخلي جوه ولج انتِ شطلع

كام احمد ضربه بوكس و تكاومو

-تكول لمرتي ولج كوا.... ساق...

ظلو يتضاربون و براء تصرخ و ادك و تلطم و ابوها و عمها يفاككون بيهم و ازلام الشيخ فزعوا كلوله

الشيخ و سمع ابن اخوه يتعارك بيها فصول و كعدت عشاير دك ايدك بالكاع و كوم اخذ تفگتك و افزع لابن اخيك

-شوفو تنطوني براء غصباً ما عليكم لو اروح اجيب الحكومة و ابلغ عليكم و اسويها محاكم و اطلع القضى و المضى

براء مرتي بالقانون و اخذها اخذها

بهالاثناء وصل الشيخ و ظلو يرمون عشوائي على بيت عم براء

العم اخذ ابنه و اخوه و دخلهم جوه غزوان ظل يصيح على بته حتى تدخل بس احمد لكفها للسيارة و شطح بالسيارة

-نزلني احمد نزلني  عمك رح يكتل اهلي

-لا ما يكتلهم

-ابوس ايدك نزلني اريد اموت ويا اهلي

ظلت براء تصرخ و تبجي و تبوس بايد احمد علمود ينزلها و هو و لا يمه و مستمر يمشي  يريد يوصل لابعد نقطه ما بيها احد بس هو و حبيبته ...

يتبع ...

لا تنسون التصويت و ارائكم ⭐️

نور ❤️