فصلية وحب 2 💓

الحلقة ٧

فصلية و حب 💗2

يَا ونيس الشوف
وينَك ؟
شنهَي ماهزك حَنيني
ولا حَنينك ؟
ولا سنيني السطرتهَن
مِثل أرقام المساطر
حودَبت خلگي إعله حِزنك
وآنهَ شاعر

عريان السيد خلف
براء : من بعد ما سمعت حجي عمي و ابوي روحي احتامت على احمد وينه اليجيبلي اخباره لو يوصله اخباري ما اريد غيره ما اتحمل مدنكه و دموعي تهمل و فكرة تجيبني و فكرة توديني

دخلت عليه امي

- ها يمه براء شمالج بشني مشدوه بالج

-يمه ما اريد ما اريد اعرس

-ليش يمه شوفة عينج ابن عمج خوش زلمة

-يمه انتِ من كل عقلج
يمه اني متزوجه بعدني على ذمته و احبه

-يااااا ولج يمه تخبلتي هذول چتالين اخوج احمد گطنه و شيليها من ذانج
نجوم السما اقربلج من احمد

- يمه والله حرام الكاعد يصير بيه يعني زوجتونا غصب علمود تقاليدكم

نوب هسه اهله كتلو اخوي و هسه حرمتونا من بعض

ظليت ابجي و محتاره بزماني امي عافتني و كامت باوعت شفت اختي الصغيرة تباوعلي و تبجي على بجاي

داورتها ببالي جبتها حطيتها
كتلها
- ولج لويله ما ترحين تشوفيلي احمد و تكليله اريده ضروري بس لا تحجيله شي

-خوش بس و اذا حس ابوي

-انتِ بس صيري سباعية مايحس

كضت الدرب لويله و ظلت واكفه قريب المضيف تنتظر الي ان طلع احمد اشرت اله

ابتسم و اجاها مسرع

-هلا بهالمرسال بس كليلي براء دزتج

-اي هي ظاله بس تبجي و تريد بس تحجي وياك

-تمام روحي هسه و تعاليلي باجر هيج وكت هنا

رجعت و بشرت براء
و براء ظلت باجر ساعة ساعة

نفس الوكت دزت اختها و راحت لويله وكفت بنفس المكان
احمد طلع و ظل يباوع و تأكد محد يتبعه و لا يشوفه

راح يمها و انطاها  تليفون كلها تضمه بهدومها و لو وصلت براء تنطيه الها بالسر بدون محد يحس

ضمه و راحت ركض اول ما وصلت لكت براء كاعده ويا امها

ظلن وحده تباوع للثانيه و يتهامسن بالعيون

-ها شكو شنهي بينج

-لايمه ماكو شي

-خايبه براء جا انتِ مو كتيلي احفظج المحفوظة من تجين

-اي اي صح يلا كومي

ظلت امهن تراقبهن لحد ما كامن و هي تهز بأيدها

راحت لويله وره البيت و براء تبعتها و فهمتها الحجي الي كاله احمد و براء فرحت اخذت التليفون و ضمته و ظلت تنتظر شوكت تفرغ حتى تخابر احمد

بالليل و العالم نامت و ما بقى احد و البيت صار هادئ كامت براء صعدت للسطح و اتصلت

-الو

-يا يابه هلا بهالصوت لو تدرين شكد مشتاكلج و كلبي طاك عليج

-احمد اني طايحه بمشكلة جبيرة

-تحسر احمد كولي شنو المشكلة

-اهلي يردون يطلكوني منك و يزوجوني ابن عمي

-ما اطلكج لو تنكلب الدنيا

-اني خايفه تتكاتلون

-لا تنسين انتِ مرتي بالقانون ارفع عليهم قضية و اخذج غصب اني ساكت لحد هسه لان عمي مهددني لو سويتها يكتلون واحد من اهلج

-وشنو الحل حتى اهلي مايخلوني ارجعلك

-لازم افكر و الكه حل بعد ماكدر على فراكج

-بعد اكو شي

-كولي

-اني حامل

يتبع ......

لا تنسون التصويت ⭐️ و ارائكم

الكاتبة نور