فصلية وحب 2 💓

الحلقة ١٠

فصلية و حب 💗2

يزين الضيعت زينك
تذل ومن الثريا تطيح
واحنا رموشنا تشيلك
حلم واكرى الجفن والعين من عزك تلوليك
ولو ماعادتي أشكيلك
انا الناي البچى على بچاك والغنّى بمواويلك

عريان السيد خلف

براء : من بعد مشي طول ساعات و اني ابجي و اترجى احمد و اعيط عليه يرجعني لأهلي حتى صوتي طبگ غفيت بدون ما احس

حسيت بيه طبگ فتحت عيوني

-يلا نزلي

-وين احنا احمد شنو هذا المكان

-نزلي براء

-ما انزل رجعني لأهلي

-يا گلبي لا تعبيني نزلي هسه اخابر و اطمن على وضع اهلج

-احمد ابوس ايدك رجعني اريد اموت وياهم

لزم احمد ايدي و نزلني من السيارة گوه

فتنا لبنايه صعدنا الدرج ٣ طوابق وصلنا لشقة احمد طلع مفتاح و فتح الباب

كتله بأستغراب المن هاي الشقة

-لصديقي ويايا بالدوام كتله ابقى بيها كم يوم و ما قصر

-زين احمد اني اريد ارجع لاهلي

-شوفي انتِ مرتي و حامل بأبني و اني مستحيل اطلكج او ارجعج لعمامج فهمتي

-زين اذا بقينا شاردين شكد نبقى و صاحبك شكد يخلينا كاعدين هنا جم يوم

-مارح نبقى هنا براء باجر اروح للبيت اجيب مستمسكاتنا و اسويلج جواز و نطلع

-انت تسودنت شمالك

-اي براء اريد اسلم عليكم

-و ما يلكونا

-وين يلكونا بعد و حتى هسه لو ما عملتج جان محد كدر يجيبنا

كعدت بالكاع و شبجت ايديا و حطيتهن على راسي و ظليت حايره بزماني و حسبه تجيبني و حسبه تردني

افكر بكلشي صار و ممكن يصير

-براء ماجاي اخذ رايج هذا الي لازم يصير

-واذا عمك نفذ تهديده و كتل اهلي و منو يكلي مخليهم لهساع و ما كتلهم

صبري خلي اخابر

-الو ها خويا شني الاخبار يمكم

الاء : ها خويه شني وين انت وين خذيت البت و مشيت

-هسه مو وكته العتب شصار

-عمي ربدنا ربد و بس يصيح و وده ازلامه يدورون عليكم

-شسوه لاهل براء

-ماسوه شي بس دك بيتهم رجع بس محد صابه شي

-خوش اذا صار شي طمنيني

-خويه ارجع گلوبنا نار عليك

-الله كريم

سد الخط و اجه كعد كبالي

-كتلج اهلج ما بيهم شي

-احمد انا خايفه اليوم عافهم باجر ما يعوفهم

- اهلي ثارهم ويا اهلج دم اخوج و الدم انهدر ماكو شي بعد و عمي اذا سوه شي لاهلج هو الينلام و يفتح باب على روحه

و انتِ مرتي اتعادو لو تصالحوا لو اتكاتلو ما اهدج فهمتي

زين انا مشتاگلج و گلبي نار عليج بس اريد اضمج و اطفي ناره ما مشتاگه لحضني ؟

-ان جانك مشتاگلي انا احس بشي كلمة الشوگ شويه عليه بس ميته عليك

ضميت روحي بحضنه حسيت مثل الجان مخنوك و توه انفتح صدر مثل الغركان و اتنفس هوى

-لا تهدني

-شمالني و اهدج

-احبك

-اعشگج

عافو احمد و براء همومهم بهاي الليلة و ظلو كل واحد يعبر للثاني عن اشتياقه بطريقته و باللي يكدر عليه

بس من جهة ثانية جانو اهلهم و الغضب سيطر عليهم الشيخ يريد ابن اخوه الكسر وجها و يريده يرجع حتى يكعد جواه و يطيعه بكل قرارته

و اهل براء مابين خوف امها و ابوها عليها و هم ما يعرفون بنتهم هسه وين و بأي مكان و مابين حقد عمها عليها و هي واحت ويا عدوهم

يتبع ....

الكاتبة : نور

لا تنسون التصويت و رأيكم