فصلية وحب 2 💓

الحلقة ٦

فصلية و حب 💗2

هلي
و زتتنا الضفاير و الضماير و الخناجر
و الدفو الغطه الچفوف
وچانت الهلهولة خرسة تضيع بالشفه وتطوف

لـ عريان السيد خلف

من براء : استلمت التحاليل و عرفت حامل بس مشاعري كانت مختلطه ابد مو فرح بس بين ندم و بين حزن و قلق و خوف

هسه لو وياه و سامعين هذا الخبر سوه جان الدنيا ما وسعتنا اثنينا و الف لو و لو و كلها ما تفيد  (والندم و اللو چلمات الوسافه كلها نار تزيد نار الاحنا بيها و مايطفيها التراب )
ولو صار و بقى هذا الطفل ينولد على عداوه بين اهل ابوه و اهل امه

اهل ابوه كاتلين خاله الي ماله ذنب بس ذنبه جان يدافع عن ارضه من جورهم .. تچيت راسي على الحايط و الف حسبه براسي كلت ما اكول لاحد عن الحمل بلكت ولنه اوصل الخبر لأحمد

بعدين صفنت و حتى لو وصله الخبر شنو البيدنا وكلت امري لربي و كمت و انا كل حيل مابيه

طلعت من يم الدكتور شافني ابن عمي

-ها بويه شخيرج

-مابيه يكلي هبوط من القهر

- الله كريم بويه الله يصبركم وكلي الله و هو مايخلي حمل مطروح

امشي و انا الدموع مغوشه عيوني و خطواتي ثكليه احسن ظيم الدنيا كله على امتوني
طلعنا وكفنا يم سيارته كال خلي اعاونج كتله لا انا اصعد

وصلت للبيت امي تلكتني

-ها يمه شمالج شكلولج

-مابيه شي بس من التعب

- خايبه يمه كضي روحج مابيه حيل بعد افكد واحد اموتن والله

-يمه راح حيلي و احلامي كلها تبدت و اخوي مات احس بعد مالي سند كسروني يمه

كابلنها امها و ظلن يبجن الى ان خون

خذوه ابنهم و دفنوه و سوو فاتحه بسيطه بينهم

بهذا الوقت براء حست بأهتمام من ابن عمها و نظرات

بس هي بالها كله يم احمد

بهذا الوقت احمد جان كلبه يتكطع و حليه مهدود من بعد حبيبته عنا جان يتوسل و يتوسل بس محد يسمعله

و عمه حاط عليه حراسه مشدده و ممنوع يطلع خارج البيت وحده

اكثر من مرة حاول يرشي ازلام عمه و يدزهم يجيبون اخبار عن براء حتى لو شي بسيط بس محد يطاوعه لان كلهم يخافون من عمه

بهالاثناء اهل براء جانو مقررين انو يرجعون لبغداد بس عمها ما رضه عليهم و منعهم بس هم كلوله مالهم كعده هنا بعد

و هو اصر فما بقه بأيدهم غير ينصاعون لاوامره خاصة انو هو جبير العائله

بيوم جانو ملتمين كلهم و كاعدين حچه عم براء

-اكلك خويه ابو علي ليش ما ادز على ابن الشيخ يجي يطلك براء بعد عليمن ظاله معلكه

- اي خويه لازم بعد

براء سمعتهم رأساً تجمعت الدموع بعينها و كامت

عم براء : عندي هذا ابني جاسم زلمه حوك صايم مصلي متدين بي مريته ماتت رحمة الله عليها و عافت علينا هذول الفريخات و احنا رايدين براء هي هم بنيتنا

- ان شاء الله خويه خلي بالبداية يطلكها هذاك و ابشر و ادلل

براء : اسمع حجيهم و احس كلبي يتكطع وينك احمد رح ياخذون برائتك تعال الحكني ...

يتبع

لا تنسون التصويت ⭐️ و احب اعرف ارائكم