فخانتني الحياةُ وتاهَ دربي
وظلَّ القلبُ في صدري يئنُّ.
سَدن
قبل 7 سنوات
طلعنا من اخر محاضرة اخذت الي طلعت قبلي لكن ايدي منعتها لزمت ايدها بدون م احجي شي تمشينا لـ مكانا الي
محد يعرفة بالجامعة غيرنا كانت كل خطوة افكر شنو سويتة حتى فكرت بهل السهولة تنهي حُب عشرة عمر
سَدن ـ ملاك شبيج وياي!! يعني بس ع سالفة م تسوة تريدين تنهين علاقتنا؟!
حجيت ويـ تجمع دموعي وصدمتها ونظراتها ولا كأن شي كدامها خلى الرجفة تسيطر على ايدي رطبت شفتي.
سَدن ـ ملاك بربج احجي شي سويت اني شي!!! ليش تخليني اشك بنفسي
همست بضعف اخذت نفس ورفعت ايدي مسحت دموعي الي بالاساس لهسه بعيوني
ملاك ـ م اريدج! هذا مو سبب؟!
ضحكت ورجعت خطوة لورة كانت ملامحها باردة م بيها ردة فعل
سَدن ـ لا تشاقين هيج تدرين م اكدر بدونج، كافي الي بية ومشاكل اهلي داتحمل كُلشي على مودج والله
حجيت واني اباوع لعيونها عسى ان اشوف بيها كلامها مجرد شقة! بس ولا شي
ملاك ـ لا تتحملين شي بعدين قنعي اني وايهم سوة لا تضلين وراي
رجعت شعري القصير للخلف وجلست لثواني قبل م اباوع الها بعتب
ملاك ـ سدن فهمي م مجبورة ابقة احبج، حبيت ايهم م اكدر اكمل وياج
هزيت راسي بعدم تصديق
سَدن ـ تقنعين نفسج! ليش جذبتي علية من البداية! ليش خليتيني احبج! بكل مرة ارجع واني الي مجروح منج!
ملاك ـ م اقنع نفسي كتلج قبل اني ويا النة سنة سوة من اني وياج احبة
سَدن ـ شنو سويت! بشنو قصرت! شنو حجوا الج الي خلاج م تحبيني وحبيتي، شنو سوة الج م سويتة اني؟! كرهت نفسي حتى بعيون اهلي ع مودج ، وبكل مرة تزعلين وبحجة زعل اللكاج كليوم علاقة ويـ ولد وتخطيت لان احبج الكاج تخونيني واسلك حتى م تصير مشكلة بيناتنا لحد اليوم م كايلج اعرف بكل خيانة، لان اريدج حتلو ويـ غيري اريدج ملاك
همست نهاية كلامي واحس گلبي انتهى واني اشوف ردة فعلها الي م حركت شعرة وحدة منها تقدمت خطوات وجلست بجانبي جلوسها خلا كل جسمي ينبض
مرت ثواني ورفعت ايدها لايدي الي من رجفتها م صرت اعرف هي هيج لو نسيت شلون احركها
سَدن ـ ملاك احبج لا تسوين بية هيج
ملاك ـ سدن م صرت احبج مشاعري لـ ايهم وخلص، ياريت منا وبعد اذا تشوفيني م تحاجيني بعد شهر ونخلص المرحلة شوفي حياتج، حبينا بعض ومرينة بايام حلوة بس م حبيتج شنو اسوي! ابقة اوهمج واني احب احد ثاني؟
سَدن ـ من يمتة هل الحجي وين الي م اكدر بدونج مو انتِ ملاك الي حبيتها
سحبت ايدي ووقفت واني امسح دموعي بدون م اباوع الها حاولت ابين نفسي قوي وكل شي يبجي بية
