كيف غَرقت به وهو شديد الجَفاف هكذا؟
ـ مو حالة هاي اذا تبقون مطنكرين نرجع أحسن
حجت خولة تقصدنا بكلامها أني و جنات رغم جنات اعتذرت أكثر من مرة، مر يوم على الي صار
بس منزعجة لان حجيت ويـ ملاك هيج، مو من أحد بس من نفسي م جان لازم أحجي هيج ولازال بالي يمها واضح زعلت.
دخلت ادية لجيوب الجاكيت واستمريت بالمشي كدامهم، اليوم متفقين الكل نتعشى سوة وبما انو م بقة شي فـ بطريقنا للفندق.
سبقوني خولة ومرام الي زعلانة على خولة بلا سبب وهل شي ضوجني داشوف خولة تتحاول تراضيها وتنزل من نفسها على ولا شي، وكأنوا داشوف نفسي من جنت ويـ ملاك
واضحة نهايتهم مثل ما همة هسة كدامي، حسيت على جنات بجانبي
جنات ـ لو اعرف حيصير هيج ما طلعت
سَدن ـ بابا لا كل شوي احد حاجي بالموضوع مليت ترة
جنات ـ احجي واعيد لحد ما ترجعين مثل قبل ترة م سويت ذنب حتى تعامليني هيج
توقفت كدامها وعقدت حواجبي
سَدن ـ ليش شلون تريدين اعاملج، اخذج بالاحضان لو كل شوي ابوسج واكلج عادي حبيبتي، لا تفكرين من جنت اشاقة وياج لو بأول يومين احضنج يعني أحبج! وتعرفين زين لان بيني وبين ملاك حجيت وكتها وكتلها م تدخل بيج وندمان لان حجيت
تباوعلي بتفاجئ رطبت شفتها وبعدت خطوة للخلف
جنات ـ لا تفكرين نفسج محور الكون! شلون تفكرين حتى هيج؟!! اذا انتِ م ععندج كرامة بعد كل الي سوتة ولهسه تحبيها مو مشكلتي ولا احد خالج حماية علية
وهذي اني الي زعلانة لان داشوفج ضايجة بس هل المرة طز بيج وبيها وابقي انتِ تحبين وهم وبلا ربع كرامة.
سَدن ـ جنات قسم بالله اذا تعيديها اشوفج شي م راح يعجبج
همست بحدة ما ضايقني شي بحجيها غير كلمة بلا كرامة، ضحكت
جنات ـ اوي خفت لو بيج خير سويتي هل الشي وياها مو جاية تشوفيني عضلاتج وانت ولا شي وبلا كرامة هم.
ـ اشوفج الي بلا كرامة منو
كانت اخر كلمات بينا قبل ما اتوجهة للغرفة تركتهم يتعشون وبعد م تعذرت بعذر تافهة م قنع احد منهم.
وجگارة ورة جكارة وفكرة ورة فكرة كلام جنات يردد بعقلي، اعرف جنت سبب واعرف اكثر داجرح الكل بدون سبب م اريد احد يحبني!
م اريد أحب أحد واتعلق بي، م اريدها تنطي نفسها أمل.
والاكيد لازم ابتعد عن جنات دااشوف حبها رغم تجاهلي الها.
صفنت على السكف جانت الساعة تشير لـ 12 ونص اخذت نفس من الجگارة الاخير من اخر جگارة وبدون وعي مني جنت دافكر بشكل مطول الى ان انتها تفكيري بنفسي.
ليش م عندي سند مثل الباقي، ليش دائما اسند نفسي بنفسي، شكد ما جان الانسان قوي يريد كتف بأخر دقيقة من الليل يفضفض الة.
