"من يستثنيك ؛ يَستحقكُ"
البدايات دائمًا حلوة ! الارتباك ونبضات گلبك الي تحاول م تبينهن بس مع كل محاولاتك حتكون فاشل.
طفولية الي تسوي من افعالك ماتفكر حتى تحس نفسك غبي!!
صعوبة انفاسك اختفاء الاوكسجين من تشوف الي تحبة
ابتسامتك الي دائمًا غلى وجهك بدون سبب كلها علامات الحُب
نغزات گلبك الي تصير بدون سبب، بس لمجرد تذكر موقف صار بينكم...
الضحكة الي تصير من تسمع اغاني حُب ويجي على بالك، اشبهة بالي داسمع الة
صوت عايض ممزوج بنبضات گلبها !!
يصرخ هو بـ ملكت الكون بيديني
وأكول انا اريد ينتهي عمري واني بين هل الادين الي حاضنتني.
نظراتها، لمعة عيونها، صوت گلبها جان يحجي قبلها، مُمكن أبجي !
ما اتحمل كل هذي المشاعر سوة كل ما بية يبجي من الفرح !!
سَدن ـ جنات نامي باجر ورانا دوام
عضيت شفتي وغمضت عيوني من عليها شلون انام وصوت گلبها هيج! هو بس گلبها وايدها الي تلعب بخصلات شعري
انفاسي توترن من صوتها الناعس
ـ زين بس أطفي الاغاني
قبل ما اتحرك وبحركة سريعة منها ولقرب التلفون من أيدها طفتة
وهل المرة صوت گلوبنا هو مصدر الاغاني اجمل بـ اضعاف من اغاني الي عن الحُب
استرجعت ذاكرتي عن اقدس شي صار
قبل يومين
مو اعتراف بس كافي اعرف الي داخلها الي وحدي، ومو من طرفي وبس
ـ سدن بس اني مو مثل البقية وكل حياتج حتبدي وياي حنسيج كلشي
ابتسمت بدون رد
ابتعدت انشات حتى تصير كدامي وتتوضح صورتها أكثر الي وتتوضح صورتي الها
ـ لهسة عندج مشاعر لملاك ؟!
باوعت الي نزلت عيوني راقبت ايدها االي رمت الجگارة
سَدن ـ ما أعرف بس كل الي أعرفة هل اللحظة ما تنتهي وما تختفي عيونج
التقن عيوني بعيونها الي ما حاولت حتى تحركهن من علية، وعلى ضوء القمر يشع گلبي الي جالس گدامي
سَدن ـ ملاك ما نسيتها ولا أكلج ناسيها الي صار بينا مستحيل ينسي والي سوتة بية لا اكدر اتخطى ولا اكدر اتناسة أذتني وكسرت گلبي وصلت بيها تذلني واعترف بهل الشي
تسللت الخيبة الي وتغيرت ملامح وجهي للزعل مو على كلامها!! على نظرة عيونها الي تغيرت
الخيبة والغصة وهي تحجي، سدن ما تستاهل الي عاشتة وفوك كل هذا الي تحبها زادت حزنها حزن !!
رفعت ايدي لخدها مررت ابهامي على خدها رطبت شفايفي لنظراتها لتفاصيل وجهي
جنات ـ نتخطاها سوة ؟! بس فتحيلي گلبج ووعد حتكون ذكرى وانتهت
