الأمر ما احتاجش منو بزاف تا يوصل ليهم ببضع خطوات و يجذب بيلامي من إيدها تا ٱرتدت غلى صدرو .. لي خلا داميا بدورها توقف بفزع من بعد ما شافت ملامحو المعبرة عن شدة غضبو و هيجانو .. تمتم بكلمات تيحاول يقمع فيهم عقلو لي كيبعث ليه في أفكار على الطريقة لي غيقتلهم بيها !
جان جانزون :" شنو كديرو هناا ؟؟"
سكوتها و ٱرتعاشها بين ٱيديه خلاه يتأكد من توقعاتو ..
و على غفلة منها سحبها من شعرها الأشقر تا صرخت بألم ..
جان جانزون بحدة :" باغا تهربي ! "
بيلامي كتتألم :" ل..لااا .. خليني نبرر ليك "
دورت عينيها على المكان لي كان خالي بفزغ .. يعني الا قتلهم بزوج ما غيعيق بيه تا واحد !
الأفكار لي داهمومها خلاو رعشة جسدها تزداد و شكوكو يكبرو .. بحيت عارفة شنو يعني اللعب مع الأميرال جان جانزون.
و قبل ما يزداد الوضع صعوبة ٱندفعت داميا بصوت غليظ .. مكانتش مستعدة إنها تخسر كامل مخططاتها ولا تموت قبل تنفيذ هدفها ، تا الا ماتت كانت تتمنى يكون هاذشي في وطنها!
داميا :" سمح لينا سيادة الأميرال ، و لكن الآنسة بغات تدلني على أحد المغارات البعيدة شوية و فاش لقينا كامل القراصنة ملاهين بغينا نكسبو ثقتك و نهتمو نحنا بالموضوع.."
مكانش غبي ولا ساذج .. و تا هي مكانتش من النوع لي كيعرف يكذب بالرغم من ذكائها و قدرتها على إنقاذ الموقف .. ٱبتسم بخبث مجاري هاذ القرصان الغبي في لعبتو و رد عليه بنبرة حادة .
جان جانزون :" كنتو تجريو !؟" هزها و طلعها بٱستحقار " و فين الملابس ديالك .. علاش لابس أنثوي ؟"
باغتها بسؤالو لي مكانتش حاسبة ليه حساب .. همها الوحيد كان انو تقدر تهرب بدون ما يكتشف السر ديالها..
ٱلتزمت الصمت لوهلة تتدرس في الكلمات لي خاص تخرجهم من فمها ، بحيت جوابها هو لي غيحدد مصيرهم الا غيموتو ولا يكملو في الخطة !
داميا بنبرة واثقة :" بما أني جديد ما تعودتش على الملابس .. و حشمت نقول لسيادتكم بلي جاتني غير مريحة داكشي لاش عاونتني الآنسة و عطاتني ملابسها .. أما بالنسبة للجري فا بغينا نكملو بسرعة تا نديرو ليكم مفاجئة !"
جان جانزون بٱستهزاء :" مفاجئة ؟ و لقيت راحتك في هاذ الملابس القرصان الصغير ؟"
لعنتو في قلبها بكامل الكلمات من ٱستحقارو ليها و نبرتو المستخفة .. و لعنة راسها على الكذبة الغبية لي ٱختلقتها من مخيلتها الضيقة ، و لكن كانت مضطرة تحافظ على هدوئها و تكمل معاه للأخير في السيناريو .. جاوبتو بهدوء..
داميا :" آه لقيت ."
يلاه غيجاوبها و يكملو نقاشهم قاطعهم الببغاء غانم لي حط على كتف جان جانزون .. مردد بالكلمات لي خلات داميا تصفار و بيلامي تشهد على روحهم بزوج ..
