مقدرش يطول بزاف في شوفتهم بحيت حس قلبو تزير عليه.. بعد جان جانزون من فوقها و تحنى حاملها على ظهرو.. كانت خفيفة مقارنة ببنيتو و لكن الالم برزطو لي خلاه يطيح مرة و جوج .. و لكن ما ستسلمش و كمل طريقوو تا طلع للسفينة عاود و حطها في داك القارب..
رجع لجان و شاف فيه بقلة حيلة .. تحنى و شدو من ايديه بجوج كيجبد فيه.. مكانش قادر يحملو و هو بديك البنية القوية لي خلاه يعتمد اسهل طريقة .. وخا الحجر كان كيجرح في بدن جان الا انو هاذ الخيار كان احسن من انو يخليه يمو..ت بين ايدين الاسبان!
حطو تا هو مستلقي بجانب داميا و تحنى عليها كيبعد في الشعر على وجها.. لمس حنكها بحنان و غطاها بنفس اللباس لي أمنتو عليه تا يرجعو للقرصان السابق..
قبل جبينها مزير على عينيه لي اجتمعت فيها دموع ما كانش عارف مصدرهم.. و بعد كيشوف فيهم باخر نظرة .. فتح العقدة لي رابطة القارب بالسفينة و دفعوو بقوة تا التحق بالامواج و غاب عن انظارو في غضون دقائق قليلة..
و مع ديك الدفعة حس براسو فقد التوازن و الدنيا دارت بين عينيه.. استلقى في غرفة الخطر من بعد ما سد الباب و حظن روحو كيإن بألم.. و لكن في الداخل ديالو كان فرحان.. فرحان حيت لاول مرة حس بلي دار شي حاجة مزيانة لصديقو و معشوقتو..
معرفش شحاال داز من الوقت تا بدى كيحس براسو ترخى و بدنو كيتنمل.. هبطت دمعة من عينو على ارضية السفينة و هو كيسمع في صوت الحرس كيقرب من الغرفة..
و أخيرا ابتسم فاش حس براحة ، و عرف لي روحو غادي تغادرو قبل ما يوصلو ليه!
~ بعد ثلاثة أيام ~
بدات كتحل في عينيها بالشوية و هي كتحس بالبرد طالع معاها.. راسها ثقييل و بدنها فااشل..
كتسمع في صوت الامواج و كتحس في ملمس حاجة رطبة فوقها.. زيرت على جفونها تا تعودت على الضوء و قامت بالشوية..
الصدمة لعبت عليها فاش شافت جان جانزون جنبها ، على ظهرو و كينزف! رجعت دورت عينيها في المكان مزال كتستوعب ، تا لمحت من بعييييد علم المغرب كيرفرف على الحدود البحرية ..
و فجأة تذكرت كلشي.. كيفاش كان جان غيقتلها و هاجموهم الاسبان ، و كيفاش رمى راسو فوقها تا ما تتآذاش!!
بعدتو بالشوية و شافت الكيس لي جنبها ، حلتو كتشوف في بعض الماكولات و كيس خاص بالاسعافات الاولية و الادوية.. شافت في الرداء المغطية بيه و عرفت لي بارباروس ليه دخل في الموضوع.. لي خلا قلبها يتقبض و كأنها استنتجت شنو طرا ... همست بحسرة لراسها..
داميا :" مسامحاك أ بارباروس.. مسامحاك . "
كيس الادوية خلاها تعرف بلي بارباروس عطى ليها الخيار و حط حياة صاحبو بين ايديها.. لي خلاها تبدى تفكر بالشي لي خاصها ديرو قبل لا يوصلو للحدود لي كيفصلها عليهم بضعة أميال..
و وخا جان كان مستعد يضحي بحياتو على ودها الا انها منساتش شنو دار للناس لي كتبغيهم..
شدت المطهر بين يديها ، قدامها الاميرال لي سرق منها حياتها و عندها خيارين .. تنقذو ولا تخليه يمو..ت !
#النهاية
#توضيح_هام
الشخصية الرئيسية فهاد القصة حقيقية كاينة عبر التاريخ.. ولكن خديت منها فقط الاسم والرتبة..
القصة كاملة باحداثها وشخصياتها من محض خيال الكاتبة، بعض المناطق و الاماكن الموجودة على سطح الكرة الارضية استعملت فقط من اجل تقريب القارئ من الصورة الموجودة في مخيلة الكاتبة فحين كناطق اخرى حقيقية.
لذلك اي معلومة في هذه القصة فهي صحيحة، لكن الاحداث والمشاهد ماهم الا مشاهد مرتبطين بالقصة ولاتربطهم اي علاقة مع العالم الخارجي، الذي لا انا ولا انتم نعرف عنه شيء..
القصة تسلط الضوء على #القراصنة لي ظلمهوم التاريخ..
حكاية عن ملحمة عشق ثوري بين قرصان يعشق النساء والهوى.. وامراة ثورية مناضلة في زمن العبودية والرق..
