جمال نجد وفتنةً حايَليه

Part 1

-قراءه مُمتعه جميعاً

"بالديره تحديداً مجلس الرجال"

كاسر : يانيّاف قم رح للحريم قل لهم يجيبون مقاديعّ التمر
نيّاف: ابشر يالقائد
قام نيّاف وراح لقسم الحريم ، جاء بيدخل مع الباب
نيّاف : درب درب بدخل .
جت عذوب وهي طالعه من المطبخ .
عذوب : هاه شتبي .
نيّاف : احترمي نفستس لاكفختس .
عذوب : اقول اخلص شتبي .
نيّاف : جدي يقول جيبو مقاديعّ التمر .
عذوب : تم قبل شوي حطيت التمر بالمقاديع .
نيّاف : بالله بسرعه روحي .
عذوب وراحت المطبخ وجابت التمر بالمقاديعّ واخذتهم وراحت لنيّاف
عذوب : خذ هذا المقاديعّ .
نيّاف : شوضعتس قدامك اخطبوط ؟ شلون بشيلهم .
عذوب : خذهم عاد تقدر تشيلهم .
فجاة صرخ الجد : نيّاااف ويييينك تعال بسرعه .
نيّاف فز : اعطيني اعطيني صحن كبير عشان احط المقاديعّ فيه مره وحده واشيلهن .
راحت عذوب تجيب صحن كبير ، جت وحطت الصحن ونزلته عند نيّاف ، حطت المقاديعّ عذوب الي كانو تقريباً ٥ وحاول يشيلهم نيّاف وجلس يمشي على بطيئ عشان م تطيح المقاديعّ
كاسر بالمشب بحده : سلطان قم شف هالسلحفاة وينه .
محمد بضحك : الا ولدي يا يُبه .
كاسر : على شحمه انت وولدك .
ضحكو الرجال ، ورد محمد بضحك : سمّ .
طلع سلطان من المشب راح له وشاف شكله جلس يضحك عليه نيّاف كان رافع يدينه وماسك المقاديعّ جاء سلطان ومسك جنبه يدغدغ نيّاف صرخ نيّاف وطاحت المقاديع وطاحو على الارض
نيّاف : اببببن ابوي ياااكلب .
سلطان بضحك : اخخ هههههههههههههههههههه .
نيّاف : جدي جدي بيتوطانا كله منك يالكلب .
جاء كاسر معه عصاه وشاف شكلهم
كاسر بعصبيه : يالي ماتستحون متى تكبرون متى تعقلون تصيرون رجال .
نيّاف : ياجد مالي دخل كله من الحمار سلطان .
كاسر : اوريكم .
اخذ الجد عصاه وهو يجلد سلطان ونيّاف
سلطان ونياف يركضون بالمزرعه وجدهم وراهم
كاسر وقف تعب وهو يركض وراهم : يالي ماتستحون تهجون من جدكم والله من قلة الادب انت وياه .
طلع عبدالعزيز وشاف وضعهم وركض لجده
عبدالعزيز : ياجد تبي فزعه احتزم .
كاسر : ياولدي رح امسك الكلاب سلطان ونيّاف .
عبدالعزيز : ابشر على هالخشم .
وركض عبدالعزيز يلحقهم ومسك سلطان من ثوبه وجلس يسحبه لجده
سلطان : عزيز تكفى فكني بيجلدني تكفى تكفى .
عزيز وهو يضحك : اقول اص جدي تعب وهو يلحقكم يالي ماتستحون .
سلطان : طيب رح الحق نيّاف شتبي انت .
عزيز : بلحقه بس خل اخلص منك يالدفش .
سلطان : يليل بلشه .
سحبه عزيز وراح عند جده
كاسر : يالي ماتستحي ماتعقل انت .
وضربه بالعصا
سلطان وهو يصرخ : ياجد انكسرت تكفى فكني معد بنعيدها .
كاسر : اقول اسكت وهات الحمار الثاني .
كتم ضحكته عزيز
كاسر : اقول لاتضحك انت عشان م اجلدك معاهم .
عزيز : افا ياجد تجلدني انا انا مسكته لك تجازيني بتهديد .
كاسر : اقول لايكثر كلامك ورح صيد الحمار الثاني .
راح عزيز يركض يدّور نيّاف بس ماحصله
"عند نيّاف"
نيّاف فوق شجره متعلق وشاف عزيز يركض يدّوره
نيّاف : ياورع .
عزيز التفت يمين يسار يدّور وين مصدر صوت نيّاف
نيّاف : فوقك يادرج .
عزيز رفع راسه وشاف عزيز متعلق فالشجره
عزيز : ياويلي ويلاه قرد انت ! كل هذا خوف .
نيّاف : ماخفت بس حبيت اضيف لكم جو .
عزيز : هيّن هيّن والله بخلي جدي يجي ويشوفك يالقرد .
نيّاف : ماتقدرون تجوني يالله توكل توكل لاتعلم احد .
عزيز ركض لجده
عزيز : ياجد تعال لقيت قرد .
كاسر بإستغراب: هاه ! وش قرده
عزيز : قرد قرد بوريك ياه .
سلطان فهم وكتم ضحكته
كاسر: وينه وينه .
عزيز : تعال تعال .
مشى عزيز وجنبه سلطان وكاسر
وراح قدام الشجره
عزيز : دّور القرد اتحداك وينه .
رفع راسه سلطان وشاف نيّاف وطاح على الارض يضحك
كاسر استغرب من وضع سلطان
كاسر : وشبه هذا ذكروني اجيب له شيخ يقراء على سلطان .
نيّاف تزحلق وطاح على الارض وصارخ
كاسر : اخو العيييال هذا من وين طلع .
عزيز وسلطان طاحو ع الارض يضحكون
نيّاف : ياجد ياجد كتفي كتفي انخلع .
كاسر : احسن يالي ماتستحي هذا عقوبة الله يوم انك تتعب جدك صدز من قال انك قرد .
نيّاف قام وثوبه غبار وهو يعرج
عزيز وسلطان طايحين يضحون يتشمتون على نيّاف الي شكله مبهذل فعلاً
نيّاف : اخ لاتضحكون ، كتفي كتفي ياجد عالجني .
كاسر : احسن يالله امش ماني ضاربك بالعصا .
قام سلطان : خير وانا جلدتن والحين م راح تجلد نيّاف ! مالي دخل تجلده يعني تجلده .
كاسر : انت كل تبن .
ضحك نيّاف وعزيز يضحكون على رد الجد على سلطان
تغيرت ملامح سلطان انحرج
كاسر : اقول لايكثر كلامكم وامشو نروح للمجلس .
تحركو وراحو مُتجهين للمجلس