جمال نجد وفتنةً حايَليه

Part 11

__________________
قراءةُ مُمتعة جميعًا .

صبااح اليوم التاالي

فاطمه تكلم كاسر : وليه زوجتوها رجال اكبر منها بعمر كبير! ماتستاهل حررام والله! كان زوجتوها من العيال الي عندنا
كاسر : تستاهل ! هذي جزاءة البنت الي تطلع مع شباب بعدين وشوله نزوجه واحد من عندنا حنا نبيه تروح عشان نستر على الفضيحه وشنبغى فيها !
تنهدّت فاطمه وطلعت وهي ودها تكنسل هالزواج
كاسر : روحو السوق وجيبو لكم كم لبسه بس عشان كلام الناس
طلعت فاطمه وشافت مُرادي بالغرفه لوحدها وتبكي ، دخلت فاطمه جلست جنبها : لاتصيحين شبلاتس
مُرادي : وشلون وشبلاي وهذي المصايب والظلم كلهن علي انا ؟
فاطمه : ياحبيبتي قومي تروحين مع حصه والبنات للسوق تشترين لتس ملابس
تنهدّت مُرادي بقهر وهي الا وتكنسل هالزواج اليوم قامت لبست جْلالها ودخلت المشب الي مافيه الا جدها وعمامها : مااانيي متزوجته هالشايب وانا توني صصغييره افهموووونيي كيف بطلع مع ولد وانتم ادرى بحياتي كيييف تكفون نخييتكم لاتكسروني حييّه والله والله اني مااسويت شيء لكن وووالله لو امي حيّه ماكان صار الي صار وعوضتني عن كل هالظلم الي سويتتوووه فييني وعيشتتوووني فيه وزواج ماني متزوججججه
انصدمو الكل من كلامها الي ماتوقع احد انها بتقوم وترفض الزواج وهي معصبه وخالد انصدم من كلامها اخر شيء عن امها وحس بتأنيب ضمير لكن للحين مصدوم من الحركه الي سوتها، قام فواز مسك شعرها وكتفها : الظاهر انتس ماتربيتي لكن حنا نوريتس الشغل
مُرادي بوجعّ من آلم الاصابه : كتتتففي
طاحت مُرادي بوسطهم مُغمى عليها من الضغط الي قاعد يصير
انصدمو ومايدرون وش يسوون يحسبون صار لها شيء ، دخل عبدالعزيز من شاف شكل اخته من بينهم ووراه العيال التفت عليهم : اطلعو اطلعو لاتشوفون
طلعو العيال احترامًا لهم ،، ركض عبدالعزيز : مُرادددييييي قومممي قوممي
رفع وجهه لعمامه بعصبيه : وش سويتو بأختي ؟ وش سويتو !!!
كاسر بغضب : اركد ماسوينا شيء قم شلها للمستشفى وبنجي
عبدالعزيز : اعذرني ياجدي محد بيروح معاي ضاغطينها وتقولون بنروح معاك
تجاهلهم عبدالعزيز واخذ مُرادي وهو ميّت خوف عليها
وقفّه نيّاف : بتسوق وانت كذا ؟
عبدالعزيز: مو وقتك بوديها
نيّاف : ماراح تسوق وهذا وضعك اركب اركب انا اسوق
ركبو وطيراان على المُستشفى
عبدالعزيز يحاول يصحيها ، وصلو المُستشفى ونزلوها على طول
___________________
( المزرعه )
خالد بصووت يرجف: وويل قلبي على بنتي
كاسر : اركد ياخالد
طلع كاسر للحريم الي واقفين مستغربات ويدورون مُرادي
كاسر بغضب : بسرعه روحو السوق راح الوقت جيبو لها ملابس زينه !
عذوب : وين وين مُرادي
كاسر : بالمستشفى
فاطمه : وشبلاها !
كاسر : ولا شيء روحو شوفو احد يوديكن للسوق
طلع وراح للرجال الي ينتظرون ،
__________________
( المُستشفى )
طلع الدكتور وشاف عبدالعزيز ونيّاف واقفين
الدكتور : احد يقرب لها ؟
تقدّم عبدالعزيز: انا اخوها عبدالعزيز
الدكتور : تمام ياعبدالعزيز مبدئيًا البنت مافيها شي مُجرد اغمى عليها من الضغط ولازم هي ترتاح من الضغط بقد ماتقدر عشان مايأثر اكثر ويبدو لنا ان الكتف تضرر شوي بس مُمكن تقول لنا وش صار بكتفها عشان اقدر اشوف ليش تضرر ؟ لكن اعطيناها مهدئ و حطينا مراهم على الكتف
عبدالعزيز : والله ماعرف يادكتور لكن يمدي نطلّعها؟
الدكتور : ايوه تقدرون
دخلو يتحمدون لها بالسلامه واخذوها وطلعو ،
___________________
( السوق )
عذوب : ياعمري عليها
العنود فهّت : يازين سوقكم
عذوب : كلن على همه سرا
العنود بضحك : ماسمعتتس وش قلتي
عذوب : ياعمري عليها مُرادي
نوره : والله ودي يابنات افركش الملكه بس مدري كيف
عذوب : وين صعبه والله تروحين فيها
غاده الي سرحانه وماتدري وش شعورها وفقد وافي الي كان بالسجن اصلاً ، ومابين تأنيب ضمير وبين حقد عشانها مُرادي عشان وافي دخل السحن ،
حصه : تعالن انتن تعرفون ذوق مُرادي
عذوب : اليوم ماضنتي تلبس كشخه هي ماضنتي زين اذا طلعت بعباتها
تنهدّو واخذو لها كم لبسه وطلعو ،
_____________________
( المزرعه )
دخلت مُرادي المزرعه وماودها تناظر لأي وجه ، دخلت الغرفه على طول وانسدحت بتعب ، دخلو عليها البنات
عذوب حضنتها : وش صار
تنهدّت مُرادي وعلمتهم كل الي صار
ماقدرو يقولون شيء عن فواز عشان ابو نوره
عذوب : شبلاهم علبتس
مُرادي : والله يابنات احس ان ضلوعي تحترق فيها نار
بكت العنود لا اراديًا ، حضنو البنات مُرادي يواسونها ، طلعو عشان ترتاح لان مابقى شي على المغرب الملكه
دخلت فاطمه شافت مُرادي الي كانت تصلي وخلصت جلست وتدعي سمعت من دعواتها
( يارب وان كان بيستمر هالظلم والمواجع ماتفارقني انك تأخذني عندك وارتاح والموت اريحّ لي من هالحياة )
طلعت فاطمه بهدوء ودموعها بعينها وهي مابيدها شيء
( المغرب )
دخل كاسر لمُرادي : قومي تجهزي الرجال قد هو بالطريق!
هزت راسها مُرادي بحزن وطلعت وكانو البنات معها بكل خطوه تخطيها ، جلست تلبس ويكشخونها البنات عشان كاسر مايعصب ، دخل كاسر وشافها تبكي وهي عليها الميكب : صاحيهه انتيي قوممي لاتصيحين وجهتس خرب !
مُرادي : وش متوقعين مني بجهز وانا بضحك!
كاسر ناظرها بغضب وطلع وكملت بكاها وتدعي من كل قلبها ،
جاء الشيخ حق كتب الكتاب ، وقعّ عوض وباقي مُرادي
كاسر : عزوز قم وده لمُرادي خلها توقعّ
طلع عبدالعزيز وهو شايل هم اخته ،
دخل عبدالعزيز : مُرادي وقعي
مُرادي بذهول : هذا ويش
مُرادي : عقد الزواج
مُرادي لاإراديًا قامت تبكي ووقع لها عبدالعزيز لانها حلفت ماتوقع هي
عبدالعزيز حضنها : هونيها تهون
طلع ومُرادي تبكي والحريم الكبار يباركون لمُرادي عشان مُرادي ،
خالد الي مايبي يشوف بنته الي مايدري يواسيها ولا يغضب عليها من الحركه ،
( الرجال )
عوض : متى الزواج
كاسر : ابد لو هالاسبوع
عوض : اليوم الاثنين اجل السبت
كاسر : تمّ على خير
طلع عوض وهو مبسوط انه بيتزوج
ونيّاف الي وده يقوم يذحه حزن على مُرادي الضايقه