جمال نجد وفتنةً حايَليه

Part 4

قراءة مُمتعه جميعاً
-
كل العايله مبسوطه جداً بالمطر والاجواء الشتويه ،
- عند البنات -
جالسين بالغرفه بملل ، ويسمعون اصوات الامطار ،
مُرادي : ياخي طفش .
نوره : انشهد .
قاطعهم دخول فاطمه ،
مُرادي : ارحبي ياجده .
فاطمه : تبقين ، اسمعن يابنات .
كلهم التفتو لها
فاطمه : اليوم فيه عشاء عند جارنا عبدالله بعد المغرب نمشي لهن وتجهزن ولا وحده تجلس بالبيت كلكم تروحون .
عذوب : وش المناسبه .
فاطمه :  ولد نايف طلال توظف .
هزو راسهم بتفهّم وطلعت الجده ،
التفت مُرادي للبنات: اخيراً بنحلل فساتين عيد الفطر .
نوره : ايييه صح بنكشخ .
عذوب : اشتقت لهناي ومُناي و ريييم .
رجعت الجده ودخلت : فيه كلام ثاني نسيته .
ضحكو البنات والتفتو لها يشوفون إيش تبغى ،
فاطمه : تذكرن عمكم صالح؟ .
عذوب : ياااقددددمه شصار عليه .
مُرادي : يوه وشبه .
فاطمه : كلم محمد وقال انه بيرجع لحايل .
نوره : يسكن هنا بحايل! .
فاطمه : اايه .
طلعت فاطمة رايحه للملجس عند الحريم ،
مُرادي : اسسلم تذكرون بنته العنود .
نوره : ايييه ياقدمه .
عذوب : اوف والله حماس .
مُرادي : عندي لكم فعاليه .
بيان : الله يستر وشهي .
عذوب : ايه تكفين نبي فعاليه تنسينّا الطفش.
مُرادي : شرايكم نروح لبيت عمي صالح ونغسله وونظفه بالماء .
عذوب : تمم والله فعالية .
بيان : معاكم تم بس الامهات يرفضن .
نوره : ماعليكم ننشب لهن .
مُرادي : يالله مشينا .
راحو البنات دخلو عند الحريم ،
شيخه: بسم الله وراكن بلاَ .
مُرادي : شدعوه عمتي لهدرجه مافيه ثقه .
فاطمة : وجيهكن ماتطمنّ اكيد تبون شيء .
عذوب : اسمعوني نبي نسوي شي فعل خير .
حصه : انجزو تكلمو وشتبون .
مُرادي غمزت لنوره بِمعنى تكلمي لان الوحيده الي اسلوب اقناعها يقتنعون فيها
نوره : الصدز يوم درينا ان عمي صالح بيجي قلنا نبي نروح بيت عمي صالح ونغسله ونفعل خير .
فاطمة : عز الله فلحتن اليوم بوه عشاء عند العبدالله جيراننا .
مُرادي : والله يمدي ياجده تونا الحين الساعه 10:30 .
حصه : طيب خطر يمكن وحده تنزلق ولا شي مافيه اهجدن .
عذوب ميلتّ فمها : تكفين يمه .
حصه : مافيه خطر عليكن .
شيخه: خلاص ياحريم خلوهن ينظفون بيتهم .
حصه : الشكوى لله يالله بكيفكم .
نطوّ البنات من الفرحه وراحو يجهزون الاغراض والصابون والفيري ، 
قسمو البنات الاغراض عليهم وكل وحده تجيب شي ،
عذوب تقدمت متوجّهه للمطبخ تجيب الصابون ،
" نيّاف "
طلع من بيت الشعر متوجّه للبيت يبي يغير ثوبه طاح الفنجال على ثوبه ، دخل المطبخ ولقى عذوب تدور الصابون ،
نيّاف : هي انتي وش تسوين .
عذوب : شتبي انت مهوب شغلك يالله اطلع .
نيّاف حط يدينه على خصره بوقفة أستقعااد : ماراح اطلع وش بتسوين .
عذوب صرخت : يااابناااات تعالو .

نيّاف فز : ماتستحين على وجهك انتي المهم روحي جيبي لي ثوبي الاسود .
عذوب : يالليل طيب قل لبيان مو فاضيه الحين انتظر .
نيّاف : بسرعه ياخي .
عذوب : ياخي تراك لابس ثوب اسود ماله داعي تغير .
نيّاف : عمياء ماتشوفين القهوه الي على ثوبي ؟ .
تجاهلته عذوب ،
طلعّت الفيري عذوب ونزلته وقامت
نيّاف : هي هي وش بتسوين انتي .
عذوب : فعالية للبنات بس .
نيّاف : اما وشهي طيب .
عذوب : طيب احلف ماتعلم احد .
نيّاف : اي اي بس انجزي علميني .
عذوب : نبي ندخل بيت عمي صالح ونغسله .
نيّاف : يالبييييه على وقته .
عذوب : هي هي انت يالطيبّ عوّد وراك ماراح تجون حنى بنات ونبي ناخذ راحتنا بدون عيال .
نيّاف : اقول عندي خطه حنى لنا الحوش وانتم لكم البيت وحوش الحريم .
عذوب تنهدت بقهر : خلاص اصبر اقول للبنات واجي .
نيّاف : كم بنت انتم كثار؟ اذا قليلين انثبرو بالبيت حنى نبي نغسل .
عذوب عقدّت حواجبها : لابالله ؟ حنى حجزنا والمفروص نطردكم بس يالله ، ياطويل العمر انا وبيان ونوره وغاده ومُرادي .
نيّاف : زين بروح اقول للعيال .
عذوب مسكت ثوبه وسحبته : وقف بسأل البنات باخذ شورهن مو اكيد ترا تغسلون معانا .
نيّاف : يالله انجزي روحي .
عذوب طلعت للبنات ، دخلت
نوره : سلامات وين الي قلنا عليك تجيبين .
عذوب : بجيبهن بس تخيلوا نيّاف شافن بالمطبخ وقال بيغسلون معانا .
بيان : اوه لا مانبيهم .
مُرادي : خير مو على كيفهم حنى حجزنا .
نوره : خير وينه ذا بصفقه .
عذوب : اصبرو شوفو هو قال هم بياخذون حوش الرجال وحنا حوش الحريم والباقي .
نوره : يالليل البلشه .
عذوب : بسرعه موافقات هذا هو يحتري .
مُرادي : لاحول ولا قوة الا بالله يجلطون خلاص خل يجون .
تنهدو البنات بقهر ووقفو وعذوب راحت تقول له ،
دخلت المطبخ وراحت للباب ،
نيّاف : بشرّي ؟ .
عذوب : خلاص زين لكم قسم الرجال وحنى الحريم .
نيّاف : على هالخشم .
وركض وهو مبسوط يعلم العيال
"العيال"
بالمشب جالسين بعيداً عن الرجال الي جالسين ببيت الشعر ،
دخل نيّاف : يعييااال عندي لكم فعالية .
هتان : وشهي .
كلهم ردو بتساؤل ،
نيّاف : دخلت توّ بغيرّ ثوبي ولقيت اختي وقالت انهم بيغسلون بيت عمي صالح وقلت حنى ناخذ قسم الرجال نغسله ونفل ام امها .
صقر : يالبييييييه يقلع ام الفعالية البططله تمم قداام .
كل العيال قامو يعززون ، مشو متجهين للبيت عمهم صالح ،
والبنات وصلو قبلهم ،
" البنات "
مُرادي : عادي اشيل عباتي ؟ .
عذوب : اي اتوقع ماراح يدخل احد .
شالو عباياتهم البنات وحطو العبايات بكيس ونزلوه على طرف وبدو بالغسيل ،
" العيال "
وصلو ،
نيّاف : يالبيييه يعيال والله جدول .
ضحكو وراح نيّاف من وراهم مسك خرطوم الماء وركض وشغله على عبدالعزيز من وراه ،
عزيز فز :اخخخخو العيال .
ضحكو العيال عليه وقام نيّاف يلحقهم بالماء ويرشهّم
بين ضحك وصراخ ووناسه ويغسلون والي يتزحلق والي يسوون سباق ،
" البنات "
جالسين يغسلون ويضحكون ،
مرّت نص ساعه تقريباً ، مسكت غاده الفيري الي كان اول ما يرشونّه المكان على طول يصير يزحلق ، قامت غاده مسكت الفيري ورشتّه ورا عذوب ، مُرادي أنتبهت لغاده ،
مُرادي صرخت : عذوووب انتبهي لاترجعين ورا .
عذوب التفتت وناظرت ورا وتزحلقت وصفقت الارض ، صرخو البنات ، باستثناء غاده الي كانت مبسوطه بالشر ، سمعو العيال صوت الصرخه فزو ، وصل لهم صراخهم كانت مساحه الحوش صغيره ، ركض نيّاف عند الباب
وهو صاد : سلامات شبلاكم .
بيان ركضت عنده : عذوب عذوب تزحلقت وحبّت الارض .
نيّاف ضحك : بالحيل ولا دلع ؟ .
بيان نزلت دمعته : نيّاف لاتصير بارد بسرعه تعال .
نيّاف فز من شاف دمعتها تتنزل : اااخو العيال تبكيين روحي خل يبعدون البنات بدخل .
بيان ركضت تعلم البنات ان نيّاف بيدخل ،
دخل نيّاف وشاف عذوب تصيح على الارض ، تورط لان بيان الي دموعها تنزل عشان اختها وعذوب الي منهاره ،
صرخ عبدالعزيز : نيّاف شصار .
نيّاف صرخ : اصبببر .
استغربو العيال لكن وقفو ينتظرون نيّاف يرجع لهم ، نيّاف مسك عذوب وقوّمها واخذ شرشف  عذوب وغطاها وطلع ماسك يدها متوجّه للبيت طلع من عند العيال وهو صاد ومعطي عذوب قفاهّ  عشان مايشوفونها
فيصل : شصار انت .
نيّاف : صدّ انت وياه الحين اجي .
عذوب الي كانت منهاره من الوجع ،
"البنات "
مُرادي التفتت لغاده وقامت عندها : سلامات مسويه فيها ماسويت شي .
غاده : اقول وخري عني .
مُرادي صفقتها ، غاده قامت تصيح
نوره فزّت وراحت لها ، التفتت لمُرادي : وشبك ليه صفقتيها .
مُرادي بعصبيه : اسأليها .
غاده ببكى: ماسويت شيء .
مُرادي : صامله تكذبين انطمي حسابك عندي ، طبعاً يابنات غاده هي أول سبب بطيحة عذوب عرفتو ليه صفقتها ؟ .
نوره بتعجب: شسوت .
مُرادي : شفتها اخذت الفيري وحطت منه ورا عذوب .
غاده ارتبكت وهي تصيح : بالغلط بالغلط .
مُرادي : ولا حرف اسمعه منك .
بيان : هيّن ياغاده .
قامت غاده ببكى وعصبيه وطلعت ومرّت من عند العيال وصرخت : اوريك يامُرادي .
فز عبدالعزيز من جابت طاري اخته واستغربت : ياعيال شبلاه هذي .
سلطان : تصيح بعد .
عبدالعزيز قام راح لقسم الحريم وتكلم : مُرادي تعالي .
قامت مُرادي وطلعت له : هلا .
عبدالعزيز : وش صار .
مُرادي : شلون وصلت السالفه عندكم .
عبدالعزيز : نيّاف هو ووحده معه طلعو بعدين بنت طلعت تصيح وتتوعد فيتس وش مسويه انتي .
مُرادي : ابد غاده الخايسه جابت الفيري وحطته ورا عذوب ومبسوطه بالشر وعذوب طاحت على الارض وصفقّت غاده .
عبدالعزيز بتعجب : ياحبكم للشر بعدين ليه تصفقينه .
مُرادي : تستاهل تجحد انه هي حطت الفيري عمّد وهي تقول انه بالغلط وقمت عطيته مخمّس  .
عبدالعزيز : اختي فزعه حي عينتس .