جمال نجد وفتنةً حايَليه

Part 3

نيّاف بالحمام يتروش ، سلطان وعزيز وصقر وفيصل وهتان  ينتظرونه يطلع ، سلطان صفق الباب : نيّاف ياكلب اخلص .
نيّاف : عض على شحم .
عزيز : ياخي اخلص علينا طولت ترى كلنا نبي الحمام لاتطوّل
نيّاف : اقول سرها انت وياه .
سلطان عض على شفاته انغبن ونطق بصراخ : لاتسب اول شي ثاني شي اطلع . 
نيّاف ببرود الارض : اقول انقلع .
تنهد سلطان بعصبيه وده يقتله النفسيه فالخشم وزادها نيّاف ، طلع سلطان جلس على العتبه
بعد تقريباً دقيقتين
فتح الباب نيّاف ، وسلطان كان جالس على العتبه
م انتبه على نيّاف انه طلع ، عزيز بصصوت خفيييف قال : اص اص لايدري سلطان بدخل بدخل .
نيّاف : خلاص تم .
دخل عزيز وصفق الباب التفت سلطان وشاف ان عزيز دخل قبله ، قام بسرعه وجلس يصفق الباب ونطق سلطان بصراخ : ياااحيييوان اطططلع انا حجززت قبلك .
عزيز : لاتصارخ يا بكايه.
نيّاف ضحك بصوت طويل من كلمة بكايه ، سلطان نطق : تعقب وتخسى م البكايه الا انت يالخسيس وانت يا نيّاف اوريك .
طلع وجلس على العتبه ينتظر عزيز يطلع من الحمام يبي يتروش ،
طلع عزيز ودخل سلطان وتروش وطلع ودخل كل الباقين خلصو ، طلعو مُتجهين للمجلس الرجال ، بنص طريقهم كان سلطان يغني :
شعشع صباح الأمل والنور
يسعد صباحك ياخلي بخير
عسى حياتك هناء وسرور
ويصفى جوك بلا تعكير .
نيّاف: شجوك تغني والشمس صاكه راسك .
سلطان : احمد ربك غنيت بصوتي الشجي على هذا الصباح الجميل  .
عزيز : يع .
سلطان تجاهله وعزيز ونيّاف يضحكون ،
عند البنات -
الجده دخلت غرفة البنات ، شافت حصه جالسه على سجادتها وتستغفر ،
فاطمه : وش تصلين الفجر ! .
حصه : لا ياحيي الضحى .
ابتسمت فاطمه وقالت : تقبل الله منتس ياحصه .
ابتسمت حصه وكملت تستغفر ،
فاطمه : يالله يابببنااات قوومو .
كان شكل البنات مرتب عكس العيال الي نايمين فوق بعض ومتخبصيين ،
هزت راسها عذوب وهي نايمه
فاطمه : ياااببنات قمن ولا بجيب الماء .
بيان : يالله صباح الخير .
فاطمه : قومي قومي .
بيان قامت وراحت ،
عذوب فتحت نص عين وقالت : ياجده كم الساعه .
فاطمه : الساعه تسع بتجي عشر قومو ! .
عذوب فزت : يويلي ويلاه ماصليت الفجر ! .
فاطمه شهقت : ياللي ماتستحين قومي قامت قيامتك انتي وياها ! وانتن يالسلق صليتن ؟ .
مُرادي بصوت متقطع : ياجده يرحم لي والديتس والله اني صليت بس خليني انام نص ساعه .
غاده بصوت متقططع من النوم : ياجده تراها كذابه ماصلت طول الوقت نايمه .
عذوب : حتى وهي نايمه خبيثه .
كبحت ضحكتها نوره ، وغاده تجاهلتهم
ونطقت مُرادي : الا والله اني صليت قمت مير انتي الي ماصليتي يالوصخه .
فاطمه : لايكثر حكيك انتي وياها والي ماصلت تقوم تصلي بسرعه .
مُرادي : ابشري ياجده .
جلست الجده على على الارض
استغربو من جلستها فجاة وقالت مُرادي : ياجده وشفيك جلستي ؟ .
فاطمه : اتحراك انتي وياها تقومون .
عذوب : اقوى استقعاد ياجده .
ضحكو البنات وطلعت عذوب راحت تغسل ، ومُرادي كذلك ، طلعت الجده وراحت المطبخ لقت حصه وهيفاء يسوون الفطور ،
فاطمه : الله يقويكن .
ابتسمت حصه ونطقت : يابعد حيي والله .
هيفاء ماعطتها وجه ،
فاطمه :  اساعدكم في شي .
حصه : تسلمين ياقلبي لا والله روحي ارتاحي .
ابتسمت حصه وطلعت فاطمه تجلس بالمجلس ،
-
عذوب عند المغاسل تغسل وجهها ، فجاة سمعت صوت خطوات بتدخل توترت ماتدري ايش هذا الصوت ،
فجاة نطق عبدالعزيز قبل يدخل : مُراااددي .
عذوب توترت ماتدري وش تقول الا فجاة صرخت بخفيف عذوب وقالت : اصبر اصبر لاتدخل انا موجوده .
عبدالعزيز اول مادخل تكلمت فز من الصوت الي فجاة طلع وصدّ على طول ومن حُسن حظها ما شافها ، طلع عبدالعزيز بسرعه وهو مانتبه ان فيه اصلاً وقال : اسف والله مادريت ان موجود احد .
هجت عذوب بدون ماترد وراحت تنادي مُرادي
دخلت الغرفه وملامحها مخفيه من الاحراج على بالها انه شافها بشكلها هذا توهّا صاحيه من النوم ووجها مفقع وحرفياً شكلها يُرثى له ، وهو عبدالعزيز اساساً مَ لحق يشوف وجهها على طول صد ،
البنات انصدمو من دخول عذوب السريع والمُفاجئ لهم استغربو
ونطقت نوره : وشفيك عذوب .
عذوب بتوتر وتخبيص : مافيني شي ، وترى عبدالعزيز يناديك برا  .
تفهمّت نوره وضحكت بخفيف وقامت تشيل فراشها ،
مُرادي طلعت متجهه لعبدالعزيز وشافت عبدالعزيز واقف وشافته واقف عند المغاسل وتذكرت عذوب انها كانت رايحه للمغاسل
نطق عبدالعزيز : وينتس انتظرتس ساعه .
مُرادي : ياخي كنت نايمه شتبي .
عبدالعزيز : روحي شوفي ثوبي هاتيه .
مُرادي : تم بس بسألك .
عبدالعزيز : شتبين .
مُرادي : شفت وحده من البنات انت ؟ .
عبدالعزيز تذكر عذوب الي دخل عليها وهو مايعرف من هذي البنت اصلاً
وقال وهو يضحك : اييييييه قبل شوي دخلت الا فيه بنت مدري منهي واقفه عند المغاسل وهجت .
مُرادي ضحكت : ايييه وانا اشوفه منخرشه ، اعترف شفت وجهه ؟ .
عبدالعزيز : لا والله م امداني اشوفه على طول صديت منهي اي وحده هي .
مُرادي : ايييه هي عذوب بنت عمي محمد .
عبدالعزيز : اخت نييّاااف .
مُرادي : ايه .
عبدالعزيز : طيب اشغلتيني روحي جيبي لي ثوبي .
مُرادي تأففت ومشت رايحه تجيبه ، قربت تطلع مع الباب وهو يصرخ عبدالعزيز : ولاتنسين شماااغغي .
انخرشت مُرادي من صرخته وقفت
والتفت : طيب لاتصرخ .
عبدالعزيز : اقول روحي روحي دلوعه .
سحبت عليه مُرادي وراحت تجيب ثوبه وشماغه
-عند الرجال
جالسين يسولفون
ونطق كاسر : اسمعوني يارجال .
الكل التفت له
كاسر : اليوم فيه عشاء عند عبدالله جارنا بِمُناسبة وظيفة حفيده طلال ولد نايف .
الكل تكلم الي قال ، ماشاءالله على القوه ، على خير ، ان شاء الله ،،،
فواز : امداه يتوظف .
محمد بحدّه : اذكر ربك يافواز .
فواز : ماشاءالله .
سلطان : عندهم عشاء اكل .
نيّاف : كالعاده م همك الا كرشتك .
ضحكو الرجال ونطق كاسر : ايه فيه عشاء .
سلطان : يالبيه .
ضحكو الرجال والكل قام وشاف شغله والي جالس ،،
—بالرياض عند صالح -
صالح جالس بالمجلس يشرب شاهي وسااهي ،
ترف تكلمت : سرحااان .
صالح ضحك بخفه وتكلم : والله اني مضغووووط هالفتره .
ترف : افا عسى ماشر ليه مضغوط .
صالح : اننا بنرجع لأهلي وشايل همّ العنود .
تنهدت ترف : اولاً ياصالح ترى هذا افضل قرار أتخذته انت بنفسك انك ترجع لأهلك وناسك وديرتك بخصوص العنود يومين وترضى وهي زعلانه عشان انها تترك صحباتها ومدينتها وتروح هناك للديره ودلع بنات كلها يومين وترضى .
صالح تنهد بضيقه : آخ ياترف اخاف انه تزعل علي .
ترف : ياصالح والله انه بترضى روح كلمها وشوف وش تقول .
صالح هز راسه وقام مُتجه لغرفة العنود ، والافكار تتصارع في راسه انه يكنسل رجعته او يكمل ويرجع لديرته وأهله ويحس انه مضغوط من كل الجهات ، قرب من غرفة العنود وهو يسمع شهقاتها ، أجتاحته ضيييقه من سمع شهقات بنته حس ان دموعه تجمعت بمحاجره ، طق باب الغرفه العنود استغربت لان مافيه صوت وتحسبها امها : ادخلي .
فتح الباب صالح ودخل وسكر الباب وراه العنود تنهدت من شافت وجه ابوها طاحت تبكي عنده
صالح تنهدّ : يابنتي لاتبكين دمعتك دمعتي والله لاتضعفيني يالعنود .
العنود : بابا تكفى مابي نروح للديره تكفى .
هزته كلمة " تكفى " وتنهد وقال : يالعنود انا ابي امي ابي ابوي كبرت وانا بعيد عنهم مابي اموت وانا ماني عندهم .
العنود فزت يوم قال " مابي اموت " : بسم الله بابا لاتقول كذا .
العنود : اسمعيني يابنتي والله هناك اونسّ لك وهناك اهلي . وبتشوفين جدك وجدتك وتنبسطين هذول اهلي مثل مو انتي تبين اهلك انا ابي اهلي يالعنود .
العنود : طيب بابا نعيش للابد هناك .
صالح : ايه عندي بيت هناك نعيش فيه جنب اهلي وتنسبطين مع بنات عمك .
العنود : بابا طيب خلوني هنا .
صالح بصوت حادّ : العنود ! كيف اخليك افهميني افهميييني ابي اهلي بنعيش هناك تتأقلمين .
تنهدت العنود وعلى طول طلع صالح وسكر الباب شبه بقوه ، جلست تبكي بصمت ، جات ترف على السريع بعد ماطلع صالح ، فتحت الباب ودخلت وسكرته بهدوء ، وجلست على السرير عند العنود
ونطقت ترف : العنود يابنتي اسمعيني .
-بالديرة
مُرادي قاعده تدور شماغ ومالقت الا شماغ البُني ، راحت تمشي مُتجهه لعبدالعزيز
ونطق عبدالعزيز من شافها : ساعه كان نمتي .
مُرادي : اقول امسك امسك .
عبدالعزيز : فوق ما انتس متأخره جايبه هذا قلت لك جيبي شماغي  .
مُرادي : طيب وانا شدراني اي واحد تبيه .
عبدالعزيز : ياخي دايم البّس الاحمر لاتستغبين .
مُرادي : اقول سد حلقك بالله وامسك شماغك وثوبك وتوكل .
عبدالعزيز : والله وطلع لتس لسان يأم لسان .
مُرادي : اقول اسكت .
ضحك عبدالعزيز وراح وهو يمشي متلثم من البرد ولابس ثوب بُني ، مشى متجّه للرجال ،
-عند البنات
عذوب جالسه بالمجلس تفطر ، وتشرب الشاهي وتتلذذ بطعمه نطقت فاطمه : عذوب شبلاك .
عذوب : يالبيه ياجده طعم الشاهي ما انلام من مسويه .
فاطمه ضحكت : امتس مسويته حصه .
عذوب : سلم هالايادي يا يمه طعمه بالراس .
ابتسمت حصه : بالعافيه .
كملت تشرب عذوب ، ومُرادي منسدحه سرحانه وبطنه يمغصها
التفتت فاطمه وناظرت لها واستغربت من وضع مُرادي ونطقت : يابنيه .
مُرادي التفتت بتشوف اذا تقصدها ولا لا : تقصديني ياجده .
فاطمه : ايه ايه اقصدتس .
مُرادي : منهي البنيه .
فاطمه : نسيت اسمتس عشان كذا ناديتس بنيه .
مُرادي : افا ياجده تنسين اسمي .
فاطمه : اقول لايكثر حكيك وشبتس منسدحه كذا .
مُرادي بمزح : ياجده عندي هموم .
فاطمه : وشهن همومتس شاركيني .
مُرادي : اخس طلعتي متطوره .
فاطمه : اقول سدي حلقتس .
طارت عيون مُرادي من رد جدتها وضحكو البنات والامهات ، ونطقت غاده : كفو جده اضغطي مُرادي .
مُرادي : انتي محد كلمتس .
فاطمه : خلاص اسكتن .
مُرادي : ياجده بطني يوجعني .
فاطمه : ليه وشبه .
مُرادي : مدري يوجع .
فاطمه : من البرد يابنتي تبين اسوي لتس دواء .
مُرادي فزت : لالا مابي دواء .
فاطمه : الا الا قومي .
مُرادي : لالا تكفين ياجده .
فاطمه بحده : م تسمعين انتي اقول امشي .
ضحكت عذوب ونوره والبنات عليها ، ومشت مُرادي ورا فاطمه للمطبخ عشان تسوي لها دواء لبطنها ، فاطمه وهي تقلب بالاغراض تكلمت مُرادي : وش بتسوين ياجده .
فاطمه : بسوي كبسه شرايتس بسوي لتس علاج لبطينتس .
مُرادي ضحكت : لا لا مستواتس صااعد بالتنيكت استمري ياجده .
فاطمه ابتسمت وكملت تسوي الدواء لمُرادي ، مُرادي جالسه على الكرسي تنتظر جدتها تخلص
فاطمه فجاة : مُرادي بزوجتس .
مُرادي فزت : بسم الله الرحمن الرحيم جده استهدي بالله .
فاطمه : عشان يكون عندك وراعين .
مُرادي : م اتفقنا كذا يرحم لي والديتس .
فاطمه ضحكت وكملت تسوي الدواء .
فاطمه : ايييوه خلصت امشي للمجلس .
مُرادي : اخخ يالله .
مشو ودخلو المجلس وجلسو
فاطمه : يالله اشربيه .
مُرادي لمست الكاسه وصرخت بخفيف : اووتش حار .
فاطمه : اقول اشربيه .
عذوب : يويسي عاد طعمه بيزود عليك مغصك .
مُرادي : اص انتي لا اخليتس تشربينه .
ضحكو البنات عليها ، عدت ثلاث دقائق ،
فاطمه : وش تحترين اشربيه .
مُرادي : ياجده حار .
فاطمه : هاتيه المسه .
مدتّ الكاسه مُرادي لجدتها ولمسته فاطمه،
ونطقت : يالكذابه بارد يجنن اشربيه .
مُرادي تنهدت وشربت نقطه وتفلته ونطقت : يعععععع .
فاطمه : وجع نعمه يابنت .
مُرادي : الحمدالله ع النعمه ويش ابغى فيه ذالدواء .
فاطمه : حلفت عليتس ماتتكلمين الين تشربينه كله .
مُرادي تنهدت وسدت خشمها وشربته مره وحده ، خلصت ونطقت : هذا ويش يييع .
فاطمه : نعمه يللي ماتستحين .
نطت مُرادي  تركض للمغسله تغسل ، عذوب ونوره يركضون وراها ويضحكون عليها ، رجعو البنات وجلسو
دخلت عزيزه : السلام عليكم .
الكل رد السلام
هيفاء: من عليه الغداء اليوم؟ .
فاطمه : عليتس .
هيفاء: م راح اسويه .
عذوب : على كيفتس هو .
هيفاء : انتي اخر من يتكلم اسكتي .
حصه : خلاص انا بسويه .
فاطمه : لا حلفت عليتس ماتسوينه الي تسويه عزيزه .
هيفاء عصبت : خير ماراح اسويه تعبت ! .
فاطمه : شلون تعبتي قومي سويه اليوم دورتس .
هيفاء تجاهلتها
وعذوب همست لمُرادي : الاستفزاز من هالعايله وراثي .
ضحكت مُرادي وغاده سمعتها وتجاهلتها ،
قامت غاده وطلعت رايحه للغرفه ، وفتحت جوالها ورايحه ترسل لـ وافي  ، دق عليها وردّت على طول
وافي : هلا والله بغاددتي
توترت وافي  وردت : هلا فيك وافي 
وافي: وشفيك متوتره
غاده : لا ولا شي
فجاة دخلت عذوب
فزتّ غاده من مكانها وقفلت الخط على طول ، عذوب استغربت وتكلمت : شبلاتس .
غاده بتوتر : بسم الله خرشتيني على الاقل طقِي الباب .
عذوب : ياي اطق الباب .
غاده : ايه طقي مو تدخلين على طول .
عذوب : وشبلاك اول مره تنخرشين كذا بعدين ليه تستخدمين الجوال انتبهي لحد يدري تروحين به خاصةً جدي
غاده : شدخلتس مالتس شغل يالله اطلعي .
عذوب : انتي قاعده تعصبيني زياده والله لا اهجم عليك انطمي استغفرالله .
غاده : خلاص اطلعي .
عذوب : اص لا اتوطاتس .
غاده شمقت لها وقامت راحت تطلع للحوش ، استغربت عذوب من وضعها ومن توترها الزائد ، اخذت حاجتها وطلعت من الغرفه ،
-بالرياض
العنود ببكي : هلا .
ترف : تراك تضعفين ابوك وتضغطينه بِصياحك هذا كآن ميت لك احد .
العنود : ماما غصب عني مااابي اروح الديره .
ترف تنرفزت : هذا ابوك هذا ابوك افهمي يبغى يروح لأهله وديرته كبر وهو بعيد عن اهله واكيد اهله مو راضين عليه دامه مبتعد عنهم حتى انتي ما شافوك الا وانتي صغيره .
تنهدت العنود وسكتت وهزت راسها وتمسح دموعها ،،
ترف : اتمنى تدخلين كلامي وتفهمينه زين ، ويالله قومي نجهز باقي الاغراض مادري متى ابوك يمشي .
العنود كآنها رضت بالواقع لان محد بيسمع لها ويسمع شورها ويجلسون بالرياض ،
العنود مسحت دموعها وتكلمت : اهخ يالله مشينا نجهز .
، ترف : خلاص شيلي الاشياء الي تبينهم والباقي لهم دبره عاد .
هزت راسها العنود بتفهّم وقامت ،
ترف طلعت من الغرفه وأتجهت للغرفه وشافت صالح يصلي وساجد وتسمع صوته يتكلم بس ماتدري وش يقول بالضبط ، جلست على الكرسي وسلّم صالح والتفت لها ونطق : كيف العنود رحتي لها  .
ترف بتساؤل: دقيقه وش تصلي الفجر .
صالح تنهد وقال : لا والله الضحى ادعي ربي يسر امورنا ويسعدنا ويصلح العنود .
ابتسمت ترف ونطقت : لاتشيل همّ ياصالح العنود بترضى حتى انا كلمتها وفهمتها بالضبط وكآنها استوعبت .
صالح تنهد وتكلم : الله يجزاك خير ياترف .
ابتسمت ونطقت : اللهم اميين وياك يا ابو العنود .
ابتسم صالح : تبين نمشي اليوم .
ترف : ابد الشور شورك الحين العنود بتضبط بقايا الاغراض واذا تبي تمشي علمنا من بدري .
صالح : خلاص اجل أذا امدانا نمشي على العصر كذا نتوكل على الله
ترف : على خير .
هز رراسسه صالح ومشى للغرفه يقيّل شوي ، ترف راحت تجهز اغراضهم ،
العنود ، تجهز اغراضها وتفكر في داخلها ، بيصير عندي بنات عم ؟ هم طيبات ولالا ؟ كيف بتأقلم على بداوتهم ووضعهم ؟ تساؤلات كثيره في بالها من نايحة العيش بالديره ، سوء المُنقلب ، الافكار بعقلها تتصارع كيف بتعيش توكلت على ربها وجلست تضبط اغراضها ورضت بالأمر الواقع ،
بالديره
بالمجلس عند الرجال ،
نيّاف : اوف عبد العزيز مثلي هههههههههههه .
عبدالعزيز : ههلابي يالطقم كلنا لابسين ثياب سوداء وغتره بُنيه .
نيّاف : يالمهووس .
عبدالعزيز : اقول سرها .
ضحكو وكملو سواليف .
نيّاف : يعيال شرايكم نروح نركب الخيل .
عبدالعزيز : برد .
سلطان : تم معاك بس انت عبدالعزيز على تراب .
نيّاف : وصقر وهتان وفيصل تجون ؟ .
ردو : لا برد.
نيّاف : وش برد ياخي كلها نص ساعه ونرجع .
العيال : شوي مو الحين انتظر .
عبدالعزيز : يالله امشو .
قامو العيال وكاسر تكلم ،
كاسر : وقف انت وياه .
نيّاف : ارحب .
كاسر : شعندكم رايحين وراكم بلاوي .
نيّاف ضحك : افا ياجد ماتثق .
كاسر : والله اني م اقدر اثق بكم يهالثلاثي .
نيّاف : ازهل ياجد مافيه الا كل خير .
كاسر : امش امش بس .
ضحك نيّاف وطلع وشاف عبدالعزيز وسلطان يسولفون ، عبدالعزيز : وش قال لك جدي .
نيّاف : بك عرق لقافه امش امش .
سلطان : عطاه فلوس .
نيّاف : تعقب ما عطاني شي.
غمز عبدالعزيز
نيّاف : ياورع انت وياه جدي سأل وين بننقلع .
عبدالعزيز : يحسافه وانا احسبها فلوس افكر اي مطعم نهرب له .
نيّاف : جاك سلطان الثاني .
سلطان : يعيال عندي لكم جدول خطيييير .
عبدالعزيز : وشهو .
نيّاف : الله يستر بس قل وشهو .
سلطان : نهرب .
نيّاف : بالله عليك .
عبدالعزيز : حلوه هذي نهرب .
سلطان : ياخي م اقصد نهرب نهرب اقصد نهرب لمطعم فهمتو ياوراعين .
نيّاف : شف ذا يبي ننجلد .
عبدالعزيز : طيب ياذكي انت وياه اليوم عشاء جارنا عبدالله .
نيّاف : اوووووووه صح يالبيه فيه مفطح .
سلطان : طيب عادي نسحب عليهم .
عبدالعزيز : بالله عليك .
سلطان : كل تراب انت خلاص أنعافت أبو الطلعه انقلع .
ضحكو نيّاف وعبدالعزيز ومشو طلعو رايحين يركبون الخيل ،
فجاة رشتّ مطر خفييف ،
سلطان فزّ : يعيال جاكم شي .
نيّاف : ايييه تمطططررر .
قامو يصفقون ويحضنون بعد من الوناسه ويتمشون عند شبكّ الخيل ،
هم يتمشون يغني نيّاف :
وأذكار ربك لااتخلييها
لا يالرفيق الوافي المزيون
خلك على عيني تداريها
لاتسلك الفرقى عليّ بالهون
النفس تعشق نفس سساقيهَا
-
سلطان وعبدالعزيز يصفقون ويرددون وراه ، بالبرد والبر والنياق تمشي والخيول بالشبك جنبهم ومتلثميين وتمطر خفييف
-
انتهى البارت نلتقيكم في بارت رابع ♥️✍🏼.
" حياكم انستا
jad_ii1"
"و تيك توك
jad_1i