جمال نجد وفتنةً حايَليه

Part 2

-قراءة مُمتعه جميعاً

دخلو المستشفى وصرخ نيّاف حاله طارئه وفجاة اجتمعو الدكاتره حطوه بالسرير ونقلوه للغرفه على طول
وخالد راح يسجل اسم عزيز
الدكتور : ممكن تقول لنا ايش صار فيه بالضبط ؟ .
نيّاف : كنا نلعب عند النياق وفجاة كذا غبار لان النياق ركضو وصار
غبار قوي وفجاة عزيز انكتم وتقلب وجهه صار لونه ازرق واغمى عليه .
خالد بهمس : يالخسيس انت وياه اثريكم هاجين وتخرشون النياق ! حسابك بالبيت انت والسرابيت الي معاك .
نيّاف : ياعم ماسوينا شي .
خالد بهمس : قصر صوتك وكل تبن .
نيّاف : ابشر .
الدكتور : هو حالته دي تجي كثير لكن القريب انه ربو .
خالد : طيب شالسوات .
الدكتور : هو بقى رح نعطيكو بخاخ للربو وراح يساعده لكن ضروري يبعد عن الغبار لانه بسرعه رح ينكتم وفي هذي الحاله لازم يستعمل بخاخ الربو .
فجاة جاء الدكتور الثاني : انتم اهل عبدالعزيز بن خالد ؟ .
خالد فز والتفت عليه : ايه ايه انا ابوه وشفيه ولدي صار له شي .
الدكتور : الحمدالله على سلامة ولدكم مافيه الا العافيه لكن فيه ربو وهذا شي طبيعي خفيف بس لازم اذا انكتم وكذا يستعمل بخاخ الربو وأموره مزبوطه .
خالد تنهد ونطق : تسلم يادكتور ، وينه ولدي ؟ .
الدكتور : تعال معاي .
خالد ونيّاف راحو يمشون ورا الدكتور ودخلو الغرفه وشافو عبدالعزيز جالس على الكرسي ووجهه تعبان
تكلم خالد : الحمدالله على السلامه عزيز فجعتنا .
نيّاف : الحمدالله على السلامه يالرفيق .
عزيز : سلمكم الله ، والله مدري فجاة انكتمت من الغبار والدكتور قال ربو وبأذن الله انه خفيف .
خالد : ان شاءالله ويالله نرجع البيت فجعناهم ، سلطان الخبل قال انك ميت .
ضحك عزيز ونيّاف
راحو رجعو البيت
وصلو المزرعه والكل تحمد لعبدالعزيز على السلامه ،
وراحو كل واحد ينام ، راح نيّاف للغرفة بيلبس سروال السنه والفنيله عشان ينام ، شاف البطانيه والفراش وامتلت عيونه قلوب حسّ انه عاجز يروح ينام عند العيال وانسدح على البطانيه ، وطراّ على باله الجنيّه ، وكيف جات لمزرعتهم ، وليش شكلها كذا ، وشصار عليها يوم تدخل بقسم الحريم ، جاته تساؤلات كبيرة في باله ، تجاهل الموضوع وضبط فراشه ويحاول ينام ، فجاة فتحت الباب عذوب ونيّاف سمع صوت الباب ينفتح يحسبها الجنيّه جات له ! وهو يحط البطانيه ، على وجهه ويسمّي الا فجاة نطقت عذوب : نيّاف وشبك كذا .
نيّاف فز من سمع صوت عذوب اخته .. ونطق : الله يقلعتس يالخايسه .
عذوب استغربت من وضعه : خير وشبك كذا .
نيّاف : احسبتس الجنيّه.
عذوب عقدت حواجبها وقالت بتساؤل : أي جنيّيه يالطيّب ؟
نيّاف : مدري قبل يومين رحت اغسل يديني وسمعت صراخ بنات طلعت الا فجاة اختفو وفيه جنيه لابسه طرحه او عبايه مدري بس انه تركض ورحت علّمت سلطان وعزيز يجون يشوفونها الجنيه وقمت انا صفقت راسها بالصحن عشان تختفي بس فجاة اختفت دخلت عندكم مدري وين راحت جاتكم ؟ .
عذوب طاحت تضحك من تذكرت مُرادي ! استغرب نيّاف ونطق : وشبك تضحكين .
عذوب : هذي مُراااددددي ! .
نيّاف عقد حواجبه : مُرادي من .
عذوب : الي تقول عنها جنيه ! مُرادي اخت عبدالعزيز ياغبي .
نيّاف : ااايييه يعني الجنيّه هي مُرادي ! .
ضحكت عذوب ونطقت : ايييه ياخبل ! .
نيّاف : وانا احسبها جنيه عجزت انام من التفكير .
ضحكت عذوب وقالت : دقيقه يعني انتم الي صفقتو راسها ! .
نيّاف يحاول يرقع : راس من .
عذوب : يعني من بالله عليك .
نيّاف : ياخي على شحم ماودك تطلعين ؟ .
عذوب بضحك: هيّن هيّن بعلم مُرادي ان انتم الي خليتوها يغمى عليها .
نيّاف ارتبك يوم درا انها اُغمى عليها: اقول انقلعي يانقالة علوم .
عذوب تجاهلته وجات ببالها انها تنرفزه وجات بتطلع طفت المكيف وفتحت النور وطلعت
نيّاف صرخ : عذوووووب ياحيييوانه ارجعي .
ضحكت عذوب بسخريه وطلعت تجاهلته
نيّاف بعصبيه : عذووب ارجعي .
وقام وطلع يلحق عذوب وركضت هي ودخلت عند مُرادي والبنات وسكرت الباب بقوة ، فزّو البنات وقالت
مُرادي : سلامات عذوبب بتس شي ؟ .
عذوب : نيّاف جاء جاء .
استغربو البنات الا فجاة الباب يدق بقوه ، نياف يطق الباب بقوه مايدري ان البنات موجودات لان مايسمع غير صوت عذوب وهي تضحك وتصرخ وتحاول تمسك الباب عشان نيّاف مايفتحه ،
نطق نيّاف بعصبيه : والله اقدر الحين اشوتك انتي والباب افتحي الببباب .
عذوب وهي تضحك وهي مخروشه ، قالت : ماراح تفتحه تخسي . ، وضحكت
نيّاف فتح الباب بقوووه وطب عليهم والبنات صرخو وعذوب قالت : ياحييوان اطططلع البناات .
كانو موجودين نوره ومُرادي وعذوب وبيان وغاده ، نوره بجنبها الغطى وتغطت بسرعه مُرادي الي م كان عندها شي ولابسه قميص روز ورابطه شعرها الطويل الاسوود ، وعلى طول نيّاف صد وطلع من الغرفه ، ونطق نيّاف : والله ماددرريييت اعذذروونني ، وعذوب انا اوريك شغلك .
وراح لغرفته ، عند البنات اول ماطلع شالت نوره الغطى ومُرادي منحرجه لانه شافها بوضعها هذا ، عذوب طاحت تضحك وقالت نوره : بسم الله خرشني فجاة طب بس الحمدالله تغطيت بسرعه .
مُرادي : اخخ شافنني ممداني اتغططى وبوضعي هذا .
غاده : من زينتس
مُرادي : سدي حلقتس انتي .
ضحكت عذوب على وضعهم ونطقت : معليه معليه ينساكم ينساكم .
ضحكو بخفيف وكملو سواليفهم وسهرتهم ،
نيّاف راح لغرفته ، وانسدح وهو مقهور من عذوب ودّه يصفقها ،وماحسّ بنفسه الا وهو بسابع نومه وسحب على العيال الي كانو ينتظرونه
"عند البنات"
عذوب : بنات تخيلوا .
البنات : وش .
عذوب : تذكرون يوم نرووح اخر الليل للنياق ويهجمون علينا الكلاب .
البنات : ايه ؟ .
عذوب : نيّاف قبل شوي قال لي شفت جنية لابسه عباية وتركض وتصرخ وراح يعلم العيال وقام نيّاف راح صفق مُرادي بالصحن .
مُرادي فزّت : ايا الخسسسيس نيّاف ي علميه ان راسي للحين يوجعن اضربيه تكفين .
ضحكت نوره ونطقت : يحول يحسبونها جنيه .
ضحكو البنات وخلصو وراحو ينامون ،
" بنص الليل "
نيّاف قام على حرّ وشاف المكيف يطلع هواء حار وقام اخذ فراشه وراح للمشب وانسدح مع العيال ونام .