جمال نجد وفتنةً حايَليه

Part 5

قِراءةُ مُمتعه جميعاً .

الكل قام الساعه 8:00 إلا البنات الي ما نامو الا الفجر وتعبانات ،
كاسر قاعد يقوّم العيال ،
كاسر : يااولد انت ويااه قوومو .
ماكان فيه اي جواب كللهم غاطين بالنوّمه ،
كاسر تنهد : اييه ما تردون اجل اوريكم
راح جاب علبة الماء ووقف قدامهم : الي مايقوم بيتروش به .
احمد فتح نص عين : قمت قمت .
كاسر قام رش ربع الماء على نيّاف وعبدالعزيز لانهم مو بعيدين عن بعض ،
فزو ، نيّاف : اسسسللللم .
عبدالعزيز : قمنا والله قمنا .
كمل كاسر يرّش الماء على باقي العيال ..
" الرياض "
صالح وترف صاحين والعنود نايمه ، جالسين بالصاله يتكلمون بموضوع رجعتهّم
صالح : اليوم على الساعه 9:00 بنمشي لحايل .
ترف وسعت عيونه : الحيين بعد شوي ؟ .
صالح : ايه بعد ساعه يمدينا .
ترف : خلاص زين يمدي يمدي .
قام صالح يصحي العنود عشان يمدي تجهز الي باقي ،
دخل غرفتها وهي بسابع نومتها مااحست بدخلة صالح ، تقدم صالح وجلس على طرف السرير
تكلم بشويش : العنود
ما فيه إي رد من العنود لانها تعبانه من امس كانو يجهزون الاغراض وما نامت الا متأخر ،
رجع تكلم : العنووود قومي يالله بنمشي
فزت العنود : يمه شفيه
صالح : بسم الله عليك مافيه شي قومي بنمشي بعد شوي .
هزت راسه العنود وهي تمسح عيونها عشان تصحصح شوي ،
صالح : يالله بنمشي الساعه 9:00 و الحين الساعه 8:23 يالله .
فزت العنود تقوم : تم
طلع صالح وسكر الباب وقامت العنود لدورة المياة " يُكرم القارئ "
" تسريع الاحداث "
الساعه 9:00 هم يركبون الاغراض بالسيارة ، العنود الي دموعه بعيونه ماتبي تفارق الرياض بعد طول السنين الي عاشت فيها ، لكن لاحياة لِمن تُنادي ماتقدر ترجعهم لان الوضع غصب عنها ركبت اغراضه واهله ركبو كل شيء وركبو السياره هم وحركو ،
صالح : بسم الله توكلنا على الله .
ترف : ناصل بالسلامة ان شاء الله .
العنود : كم بين حايل والرياض ؟ .
صالح : تقريباً سبع ساعات حوولها .
هزت راسه وصدت تناظر لإبراج الرياض واراضيها و سماه ونجوومه تودع الرياض ودموعه على الخد مختلطه ، تودع الي عاشت تقريباً كل عمرها هنا بالرياض صارت منهم غمضت عيونه وتنهدت بضيق ،
" حايل تحديداً ديرتهم الي بحايل"
الي كانو يجهزون المكان وكانو عازمين بيعزمون كل اهل الديره ،
كاسر : يانيّاف تعال
نيّاف : ارحب آمرني
كاسر : تبقى ، بالله رح طق على الجيران كلهم وعلمهم ان اليوم بوه العشاء عشان عمك صالح بيجي .
نيّاف : يساتر على واحد واحد .
كاسر : يالله يالله رح اي احد قدامك اعزمه .
نيّاف : على هالخشم
طلع نيّاف راح بياخذ واحد من العيال يساعده ، دخل المشب بياخذ واحد منهم : يعيال من يروح معي
عبدالعزيز : وين تبي
نيّاف : بروح اعزم الجيران واهل الديره على الشبّه اليوم .
عبدالعزيز : مابي والله عاااجز .
سلطان : ولا انا ماني رايح .
كل العيال ردو نفس الرد الا صقر : ابشر يالله تعال .
نيّاف : علي الحرااام انه اطلقكم
ضحكو وطلعو نيّاف وصقر ،
نيّاف : اول واحد عبدالله جارنا لانه اقرب واحد .
صقر : تم .
مشو ووصلو بعد مرور دقيقه تقريباً لان البيوت كانت قريبه من بعض ،
بيت عبدالله، دقو الجرس ،
فتح مناف الباب : ارححححبببو .
ردو : الله يبقييك .
مناف : اقلطو اقلطو .
نيّاف : الله يعافيك ويكثر خيرك ابد جايين نعزمكم اليوم بوه عشاء عندنا عمي صالح راجع ووصل الخبر لاهلك .
مناف : ابد ابشر الله يقويكم .
ابتسمو ومشو يكملون كعابي على باقي البيوت ويعزمون ،
بعد مرور تقريباً 40 دقيقه
مشو صقر ونيّاف وهم مهدود حيلهم من التعب
وصلو مزرعتهم ماصدقو على الله يرجعون ، دخلو المشب
عبدالعزيز : ويينكم طولتو .
صقر : والله تعب مابقى احد ما عزمناه .
نيّاف : انهد حيلنا .
ضحكو العيال عليهم ودخل كاسر
التفتّ على نيّاف : عزمت ابو نايف ؟ .
نيّاف : مادري والله كثار مادري من عزمت ومادري من خليت .
كاسر جلس يوصف له بيت ابو نايف خوي كاسر التفت نيّاف على صقر : صقر جينا لهذا البيت الي جدي يوصفه ولا ؟ .
صقر : ماضنتي
كاسر : اندري والله مستحيل تفلحون يالله قم قم انت وياه اعزموه .
تنهدو من التعب وطلعو بيروحون يعزمونه ،
" صالح و عائلته "
كانو واصلين نص المسافة
العنوود : ماما بابا الحين من فيه هناك .
ترف : والله مادرب ناسيتهن بس الظاهر فيه عذوب و مُرادي و نوره و بيان و غاده ونسيت الباقي
صالح : فيه بعد عبدالعزيز واحمد وسلطان و صقر وهتان ومشعل ونيّاف وفيصل .
العنود : الحمدالله فيه بنات .
ترف : ايه تنبسطين ان شاء الله
" تسريع آحداث "
الساعه 3:00 العصر ،
وصلو حايل على المدخل ، فتح الشبابيك صالح : يااامرححبا بالهواء والريح .
العنود التفتتّ على صالح : بابا ليه تحب حايل ؟ .
صالح :
حايل غلاها قد تمكن مع الدم
وعن حب حايل مابه اليوم
حايل
من زارها يالعنود ما تندّم
حايل بها فتنة جمال الأصايل .
ابتسمت العنود : لهدرجه تحبها .
صالح : والله ان ردتّ روحي يوم دخلته احبه واحب ريحه وهواه وارضه وترابه واشجاره ووكل شيء مرتبط بحايل .
ابتسمو وشغل المسجّل شيلة عن حايل ،
" الكاسر "
كانو يشتغلون ويرتبون ويحطون العقد المُضيئ على حول بيت الشعر ، وعند الحريم كانو فارشين بالحوش ،
بعد تقريباً نص ساعه بدت اصوات البوري حق سيارة ابو صالح مُعلنة وصولة بعد انقطاع تقريباً ٢٠ سنه ،
وقف صالح عند الباب ونزل وقدامه كل اخوانه وابوه كاسر و عيال اخوانه ركض وطاح بحضن ابوه كاسر الي حس انه طِفل بهذيّ اللحضة بكى من الندم والشوق ومشاعر متلخبطه كاسر الي دموعه نزلت على خده من الشوق لولده لضناه الي ما شافه 20 سنه ، ابتدا الترحيب والحضن سلام عليه ، نزلت العنود وامه لقسم الحريم و دخلو وقامو يسلمون بحراره وكانو اشكال جديده بنظر اهل الديره ،

________________________________
اهلاً بالجميع ، اعتذر جداً عن التأخير فقدان شغف لكن بنستمر بإذن الله ، واعذروني على البارت القصير وبإذن الله الباقي طوال ، تعليقاتكم ولايكاتكم ♥️
" حياكم انستا
jad_ii1"
"و تيك توك
jad_1i