جمال نجد وفتنةً حايَليه

Part 10

قراءة مُمتعه للجميع

• المزرعه •

وصلو ،
كاسر : يامُرادي ادخلي داخل لاتشوفتس عيني
مُرادي : ياجدي تكفى تكفى
كاسر انفجر : وشلون تكفى ؟ وش عقبه ! ياصار كل شيء ضدتس وباقي تكذبين ؟ الشرطه وهو كلهم بالتحقيق قال انه بيطلع مع بنتكم وماكان فيه الا انتي
مُرادي : ااااه ياجدي لاتكسروني
نيّاف وعبدالعزيز بحالة صدمه نيّاف وده يقوم يواسيها وانه بيساعدها ان شاءالله وعبدالعزيز منجلط ومحتار مايدري وش يسوي
تركهم كاسر وراح دخل المشب الي فيه عياله الرجال والاحفاد الشباب
صالح : يُبه عسى ماشر وشفيه وجهك
كاسر : سودت وجهي
خالد : وشبك يُبه
كاسر : خالد انت خذ بنتك واقلعه عني ان شافته عليني والله لاذبحه ترا
انجلطو كل الي بالمشب
خالد : يُبه وش تقول انت
محمد : يُبه يوجعك شيء وشهالكلام
كاسر : ابد والله بنتك ناوية تطلع مع هالشباب
اختفت ملامح الي بالمشب
خالد : وش شبابه يُبه الله يعافيك وشو
دخل نيّاف : يعمامي جدي يقصد ان اليوم رحنا للتحقيق بالمركز الشرطه ووافي الي مصوّب على مُرادي قال ابد كنت ناوي اطلع مع بنتهم
انجلطو الي بالمجس خصيصًا خالد الي ماتوقعها من بنته نهائياً طلع وهو معصب وقف عند الباب وصوّت انه بيدخل
دخل وشاف مُرادي تبكي عند البنات وجدتها وماكانت ترد على تسأولاتهم ( شفيتس ، احد مسوي لتس شي ، جاوبينا ) لكن ماترد
قرب خالد مسك يدها من فوق وقوّمها : ياحسافة يامُرادي عطيتتس الثقه وتهدمينها ؟ وليه وش مقصر بوه انا ؟
مُرادي : يُبه تكفى لاتصدقهم تكفى والله والله اني ماسويت شي ومن متى انا اسوي هالحركات واطلع مع شباب
خالد : وشلون من متى ؟ وبالتحقيق قايل ناوي اطلع مع بنتكم !
انصفقت وجه الموجودين من الي يسمعونه ، نطت عذوب تمسك مُرادي : عمي هد اعصابك تكفى خلها شوي خل نفهم
خالد بغضب: مابقى شي ينفهم ماقول الا ياحسافه يامُرادي على الثقه الي عطيتتس ياه
مُرادي انفجرت ببكى : يييُبببه تكفوووون لاتكسرونني وتهدموني حيّه والله اني ماسويت شي وشلون بسوي وانا بنتك وانت ادرى بحياتي والي اسويه وكيف بتفق معاه وانا مامعي لا جوال ولا شي تكفى يايييبه لاتكسروووني حيّه وانا مالي الا انتم تكففى ييا يُبه
طلع خالد وهو منلحس مخه وطلع عند المشب وواقف بدون لايتكلم
فواز : الظاهر انك ماعرفت تربّي ياخالد ياللاسف
خالد : يافواز ترا مو وقت هالكلام
كاسر : عالعموم حنا لازم نغطي على هالمصيبه
فواز : زوجوها
خالد قلبه يعوره مشاعره متضاربه وحاس بالخذلان بالتوتر وكيف ومين يصدق
كاسر : اسمعني ياخالد اي واحد يبي يخطب على طول مُرادي نستر على هالمصيبه وانتم يالشله والله ان علمتو احد لاذبحكم واحد واحد تسمع انت وياه
العيال : ابشر
•الحريم •
مُرادي تبكي وماتدري وش هالمصيبه الي انحلت عليه وطاحت على راسها قاطع تفكيرها جدتها : يامُرادي وش مسويه وش هالمصيبه
مُرادي ببكى : ليكون بتصدقينهم بعد ياجده
فاطمه هزت بحزن راسها وسكتت
عذوب : مُرادي تعالي
طلعن البنات للغرفه عشان يفهمون اكثر
مُرادي الي راح بالها بعيد عنهم من تفكير ووش نهايه هالطريق والظلم
عذوب : مُرادي وش الي صاير !
مُرادي : ابد طلعت من الغرفه الا لقيت نيّاف يتهاوش مع واحد الي هو وافي ووافي ذا رافع سلاحه على نيّاف وركضت اسحب السلاح واطلق وبدال ماتجي نيّاف جتني انا وبالتحقيق ............ ( سردت لهم الي صار )
العنود : يعني مو انتي طالعه معه !
مُرادي : كيف بطلع معه تستهبلين انتي
عذوب : والحين كلهم ظالمينك على انتس طالعه معه !
مُرادي : اهخ يابنات احس بكسره وكل شي ولو تسمعون عتاب جدي اخ
نوره : بس مو تقولين نيّاف شاف ؟ ليه ماقال !
مُرادي : قال لجدي بس جدي يسكّته ويقول كذاب وكذا
بيان قامت حضنت مُرادي : الله يهونها ماعليتس هونيها تهون وادعي بس
عذوب : اوريتس بهم انا الحين اقنع نيّاف يعلمهم
مُرادي : نيّاف قال وقال بس ماصدقو
عذوب : اصبري
طلعت عذوب من عند الباب تنادي نيّاف
نيّاف طلع : هاه وشتبين
عذوب : انت شفت الي صار !
نيّاف : وش الي صار
عذوب : وشو شبلاك انت اقصد الي صار مع مُرادي
نيّاف : اها ايه
عذوب : علم جدي طيب ! وش هذا كل من جاء هاوشها وعاتبها على خيانتها بالثقه!
نيّاف : والله ياعذوب حاولت وحاولت بس ماباليد حيله وكل ماتكلمت جدي هاوشني وسكتن
عذوب : شف لك طريقة تقنعهم
نيّاف : هي وشلونه الحين
عذوب : ضعيفه ياعمري تبكي مابيدها شي
تنهد نيّاف : خلاص بحاول ان شاء الله مع ان ناوين يزوجونها اول من يخطب عشان يستروون المصيبه
كبرت عيون عذب : نعم نعم وش قلت
نيّاف : يالله مع السلامه
طلع نيّاف وهو محزن عليها وعذوب مصدومه انهم ناوين يزوجونها
راحت عذوب للبنات ووجها مصفوق
مُرادي : وشبتس !
عذوب : هاه لا ولا شيء
نوره : هاه وش قال
عذوب : قال نفس كلام مُرادي يحاول بس جدي مكذبه ويسكته
مُرادي : قال شيء زياده ؟ وجهتس مو طبيعي امانه امنتتس قولي
عذوب بتردد: لا بس قال جدي بيستر على هالمصيبه ويحاول يزوجتس
مُرادي بكت على طول : يااشيب عيييني صدز
قامت العنود بصمت حضنتها : ياحبيبتي انتي ماعليك ان شاءالله ربك بيفرجها انتظري
قاطعهم دخول حصه : يامُرادي انا مصدقتتس والله تعالي تقهوي كولي ماكليتي شي من رحتي المُستشفى الا قليل وخفيف
مُرادي بصوت متقطع : لا شبعانه تسلمين
حصه : وش شبعانه قومي قومي
هيفاء بضحك: خليه تموت جوع ماعندنا بنات يطلعن مع شباب ونقهويهن بعد !
مُرادي حطت حرتها بها : مالتس شغل انتي بالذات اطلع ما اطلع مو شغلتس وتسلمين ياعمتي حصه والله شبعانه
هيفاء : قليلة ادب بعد ! ماتستحين انتي
حصه : هيفاء الله يهديتس وشتبين البنت تعبانه
طلعت هيفاء وكانو ساكتين لان نوره موجوده عندهم ولا احد فاضي لها هالوقت
حصه راحت تجيب اكل لمُرادي عشان ماتتعب
حصه نزلت الاكل : هذا لتس يامُرادي لان اصلاً لازم تهتمين بمكان الرصاصه جرحتس
مُرادي وهي تضحك بصوت متقطع وخفيف : بوه جرح اكبر وقفت على هذا ؟
حصه : بسم الله عليتس هدّي هدّي هونيها تهون يامُرادي
قامت تاكل مُرادي وطلعو عشان ترتاح
بعد صلاة العشاء الكل اتجه ينام ومُرادي عينها ماتنام من الضيقه
طلعت بعد مانام الكل للمزرعه
•الشباب •
صقر : يالله نامو
فيصل : والله عيني ماتفتح من النوم
سلطان : جدي الحين يجي يتوطانا
نيّاف : خلقه هو معصب وقافله معه والله ان يذبحنا
ضحكو ونامو وكل احد يفكر هالموضوع الغريب الي فجاة طب عليهم
بعد مانام الجميع الا نيّاف الي طلع وواقف نهاية المزرعه يهوجس
ومُرادي طلعت للمزرعه تخفف ضيقتها عينها ماذاقت النووم
انتبهت للدخان وفيه ضوء صغيير ، قربت شافت نيّاف يدخن
قربت : بسم الله
نيّاف درا انها مُرادي : هلا
مُرادي وهي متغطيه : نيّاف ؟
نيّاف : هالله الله
مُرادي بأستغراب  : من متى وانت تدخن !
نيّاف تورط ونسى يخبيه : ابد والله داهمتن ضيقه ودخنت الحين بس ولا انا ابداً ما ادخن
مُرادي : نيّاف جدي قال انه بيزوجني ؟
نيّاف بتردد : عشان يستر على هالمصيبه بس
مُرادي بتنهّد : حاول فييهم يانيّاف والله ان انهد حييلي ضاقت بي والعين من ضيقتها ماتذوق النوم مابقى من دموعي شيء
نيّاف الي قال بينه وبين نفسه
( انتي بوجهي من صواديف الايام
ان ضاقت الدنيا بعينتس تعالي )
التفت لها وطيّح الدخان ودعسه برجوله : ازهلي يامُرادي والله بحاول لين اخر قطره عشان اخليهم يصدقون ومايظلمونتس
مُرادي : الله يسعدك
ابتسم وراحت مُرادي للبيت ونامت على طول ونفس الحاله لنيّاف
•صبح اليوم •
قامو الاغلبيه بإستثناء مُرادي
حصه : خلوها لحد يصحيها
راحو البنات يفطرون وكل وحده على شغلها
ونفس الحكايه العيال
نيّاف كان يسوي القهوه ويسمع عمامه وحده يتناقشون بموضوع مُرادي وكيف يصرفونها من هالمصيبه والفضيحه
نيّاف : ياجدي والله ترا الي صار مهوب نفس الي فاهمينه والله لاتضيعون البنت من يدكم
كاسر : نيّاف اسكت لا اسمع لك حس والله يانيّاف ان تكلمت معنا بالهطاري لاادقك
محمد بطرف عين لنيّاف ومعناها تهديد تنهد نيّاف يكمل القهوه
كاسر : اي واحد يخطب نعطيه
خالد : تم وينه بس
فواز : اخبر بوه شايب يدور له حرمه تسنع بيته
كاسر : منهو ذا
فواز : يبه ماتخبره ؟ جانا مره يخطب
كاسر : اييه الي اسمه عوض !
محمد : اييه صح جانا مره يخطب ورديناه وعلى كلام اهل الديره انه للحين يدور حرمه وكل من خطب منهم يرفضونه
كاسر : تعرفون وين بيته !
خالد : ايه
كاسر : اجل مشينا !
نيّاف يسمع كلامهم ويحس وده يقوم ويعلم بكل شيء رغم انه قال لهم الا ان جده صامل مكذبه
كاسر  ينادي : ياعبدالعزيز  
عبدالعزيز : آمرني
كاسر : امش تعال ودنا نبي نروح لرجال
عبدالعزيز : انادي العيال ولا وش
كاسر : لالا خلهم لايجون
عبدالعزيز استغرب بس وافق وراح وركبو السياره كلهم
وصلو للبيت عوض الي كان ماعنده لا اهل ولا هم يحزنون فقط هو وكان كبير بالعمر فوق الخمسينات ،
عوض : الله حيهم
كاسر : الله يحييّك
قلطهم بالمشب وجلسو يسولفون
كاسر : وشلوونك ياعوض ماتزووجت ؟
عوض : لا والله للحين ادور لي حرمة بس ابد كلهم رافضين
كاسر : ودك للحين بالزواج ؟
عوض : اي والله وإذا منكم ازين بعد
كاسر : تمّ تمّ تمّ
عوض : صادز انت!
كاسر : ابد والله تم البنت جتك
تتممو وقالو بكرا بيجي الشيخ
كاسر : عاد نبي عرس محفوف اهلك واهلي لا تكاليف ولا شي
عوض : ابشر تم
تممو الخطبه ورجعو بيتهم وهم يحسون براحه انهم سترو على الفضيحه ، كاسر راح للحريم عشان يعلمهم ويعلم مُرادي خصيصًا على الخطبه : السلام عليكم
ردو السلام الموجودين
كاسر : يامُرادي ترا جاء خطيب ووافقنا وبكرا الشيخ يجي
مُرادي انصدمت ولا كانت الصدمه لها لحالها كان للكل ،
مُرادي : وشلون ؟ خطبة وش ؟ منهو مابيه مابيه ماني متزوجه توي صغيره !
كاسر : عادي هالحريم من هن صغار يعرسن وانتي هذا انتي كبيره '
مُرادي بكت : ياجدي تكفى نخيتك
كاسر صدّ : عشان نستر على فضيحتتس واللي خطبتس عوض من رجال الديره وعمره 50
انجلطت مُرادي والموجودات من فارق العمر وكيف
مُرادي بذهول : جدّي صادق انت ولا وش
كاسر : وشرايتس ؟ اكيد عشان نستر على هالفضيحه
طلع كاسر ومُرادي بين الحريم والبنات منهاره ببكى وتشاهق
لارادياً قالت بشهاق : لو امي هنا والله محد يزوجني وماهو برضاي
حزنو اللي بالمجلس وقامت فاطمه : كاسر تعال
جاء كاسر وكانو واقفين بالغرفه الثانيه : صادز انت ؟ وشلون تزوّج البنت
كاسر بغضب : البنت بتفضحنا وش نقول بعدين بنتنا تطلع مع شباب ؟
فاطمه : طيب تأكدو لاتظلمون البنت
كاسر : المجرم ذا معترف بنفسه انه طالع معاها !
تنهدت فاطمه وطلع كاسر
____________
الليل

نيّاف بعد ماعرف بالخطبه حس انه ضايق ومحزن عليها انها مظلومه وبيزوجونها واحد اكبر منها بعشرين سنه وجدّه كل ماقال له شي قام عليه ومايقدر انه يساعدها الا بالدعاء طرا عليه يكتب لها قصيده تعبيراً انه ماقدر وجدّه والكل ضده
كتب لها بورقه وحطها بمكان بالمزرعه هي دائماً تجيه
كتب
( حاولت أصرخ بالحق وأدافع عنها
لكن ظلموني وصدوا عن حكايتي
قالوا كذّاب، نبي الستر نمنع فضحها
وأنا انكسر حيل ومابيدي حيلتي
حاولت أفهمهم الظلم واشرح معناها
لكن عقولٍ ما سمعت ندايتي )
نزل الورقه وراح ينام
طلعت مُرادي اخر الليل تدعي ربها ينجيها من الي قاعد يصير والظلم
وفعلاً راحت بنفس المكان الي حط فيه نيّاف الورقه جلست مُرادي وعليها شال عشان البرد انتبهت للورقه وفتحتها بإستغراب ابتسمت بحزن يوم عرفت انه نيّاف كاتب بنهاية الورقه اسمه ،
ردت عليه وكتبت
( يا نيّاف، ما ظنّي بربي يخيب
وعدتني، وقلبي بوعودك يطيب
أنا بصبر، والله يفكّ الكفاية
كل عسرة بعدها ألف مرحوم )
نزلت الورقه وجلست تدعي ان ربها يفرجها قبل تتزوجه
_____________________
انتهى البارت ♥️
اعذروني إذا فيه اخطاء آملائيه ، دلعتكم هالاسبوع ب ثلاث بارتات شكلي بستريح شهر 🫢
حياكُم انستا ( jad__ii1 )
تيك ( jad__1i )