جمال نجد وفتنةً حايَليه

Part 6

قِراءةُ مُمتعه جميعاً

سلموّ ترف وبنتّه العنود على الحريم ، جلسو جنب فاطمه وبدو الحريم يسولفون والعنود ماقامت للبنات مُستحية ،
فاطمه تنادي : مُرادددي
قامت مرادي من عند البنات جايهّ ،
مُرادي : هلا جده .
فاطمه : مشتهيه عنب من المزرعه روحي جيبي لي .
مُرادي : جده حنا فالليّل ظلام .
فاطمه : نهار ليلّ كلها واحد روحي جيبي لي يالله وليلة قمراء فيه ضوء .
قامت مُرادي للغرفه تطلع الكشاّف عشان تطلع للمزرعه ، اخذت الكشاّف وطلعت من ورا باب المطبخ واخذت طرحه احتياطاً لو يطلع احد بوجهها ، وهي تتمشى بين الاشجار وشايله الكعب بيدها وتمشي حافيه ، دعست على  مسمار بالغلط وصرخت صرخه قصيره شوي ، ومن سوء حظها كان مشعل بعيد ببداية المزرعه يدق على صاحبه ، سمع صوت صرخته وراح يشوف إيش مصدر الصرخه ، قرب وشاف مُرادي قاعده تحاول تستوعب المسمار الي رجلها تطلع دم " يُكرم القارئ" ، شاف وجهها وأنهبل عليها ، تنحنح وسمعته مُرادي ، فزّت وتغطت على طول ، مشعل قرب من عنده
ونطق : وشفيها الحلوه تصرخ .
مُرادي برعب وعصبيه : من انت ابعد لا اصرخ وأجمعهم عليك ! .
مشعل قرب شوي : وجهتس ماينفوّت عسل .
مُرادي ودموعه بدت تنزل وصوتها يرجف : من انت وخر لاتقرب !.
مشعل : يلبى الدمووع يااناس .
مُرادي الي بدت تبكي وماكانت تقدر تركض من  المسمارالكبيره  ،
مُرادي : لاتقرب لاتقرب .!
مشعل مسك يدها وبدا يسحبها لعنده ، بنفس اللحظه عطته مُرادي كف طيرّ ملامح وجهه ، عصب مشعل وقربها زياده ، صرخت مُرادي وقاعده تسحب نفسها منه لكن هو اقوى منها ،
" الرجال "
بدو يقلطون العشاء ، نيّاف فك القصادير الي على صحون العشاء شالهم وُمتجه للزِباله " يُكرم القارئ " و سمع صراخ بنت الي هو صراخ مُرادي ، استغرب ونزل القصادير وراح دخل المزرعه وأنجلط من شاف مشعل قاعد يسحب بنت لعنده ، ركض نيّاف وأنهبل من المنظر ، مايدري من هذي البنت طرحتها طايحه على الارض وكاشفه الوجه ، ومشعل قاعد يسحبها
قام نيّاف ونطق : ابببن ابووي صدق ! .
مشعل فز وترك مُرادي على طول وطاحت على الارض ،
والتفت : بسم الله وشتبي .
نيّاف قام وسحبه وعطاه كف : ماتخاف ربك انت !.
مشعل الي حس انه داخ من الكف، ركض نيّاف وشاف مُرادي طايحه تبكي وقام مسك يدها وقومهّا كان وجهها بايّن من ضوء القمر كانت ليلة  قمراء ،
وتكلم : من انتي علميني .!
مُرادي ببكي : مُرادي .
نيّاف بعصبية  : وش سوا بتس مشعل !.
مُرادي وهي تحاول تمسح دموعه : حاول يسحبني لعنده وقاعد يتغزل وعطيتهُ كف ومسك يدي يسحبني لكن جيت انت وتركني .
انجلط نيّاف والتفت لمشعل وراه : افا يامشعل ! تتحرش ببنات عايلتك ؟ وصلت بك ؟ ياحساافة تربية جدي وابوك بك !
مشعل : ماسويت شي اهجد بس .
نيّاف : علي الحرام ان ماعلمتك السناعه ماكون ولد ابوي !.
وقام مشعل رايح للرجال مُتجاهل كلام نيّاف والتفت لمُرادي ونطق : اوريتس والله ماخليتس .
التفت نيّاف له : تعقب وتخسي اوريك يا مشعل .
التفت نيّاف من شاف مُرادي تشاهق وطايحه وشكلها مُتبهذل وتدوّر طرحتها ومالقته ، مد يده ومسك يدها عشان يقومها وهو صاد ، تقشعر جسم مُرادي من مسّك يدها يوقفها انحرجت وقامت وهي تعرُج ،
نيّاف صد وشال شماغه ومدُه لمُرادي ،
ونطق : خُذيه استري نفستس بوه واذا دخلتي نزليه .
مُرادي : ماني راجعه .
نيّاف : شلون ؟ .
مُرادي : جدتي وصتنِ اجيب عنب .
نيّاف : دقيقه اجمّع لتس .
قام نيّاف جمّع عنب وعطاه مُرادي وهو صاد ،
مُرادي : الله يعطيك العافيه ماقصرت شُكرا .
نيّاف : مايحتاج شُكر يامُرادي يالله ادخلي ادخلي لا يشكون وماعليتس مشعل حسابه عندي .
مُرادي : تسلم ، من انت ؟ .
نيّاف : نيّاف ولد محمد .
مُرادي : تكفى يانيّاف لايرجع مشعل ويجيني .
نيّاف : ابشري علي الحرام انه مايجيتس ولا يقرب لتس ماعليتس خّلاف يابنت خالد !.
هزت راسه مُرادي وقامت لفت الشماغ على وجهه عشان تدخل مع الباب الثاني لان صعبه الحريم يشوفونه بوضعها هاذا ، ركضت من الباب عشان الرجال ماينتبهون وركضت نزلت صحن العنب على الارض ودخلت الغرفه وطاحت تبكي ، تمنّت في هذي اللحضه عندها امها عشان تشكي لها من الي صار ماتوقعت يوم من الايام احد يقرب من عنده وولد عمه بعد !  حضنت المخده وجلست تبكي لا ارادياً  نامت من التعب نامت وهي مرعوبه وخايفه وكارهه نفسها والشماغ على راسها ناسيته،
نيّاف قام رايح وشاف مشعل جالس يكلم خويه ولا كانه مسوي شيء وصل نيّاف عنده وعطاه كف بدون تردد قام مشعل و رد الكف وقبعت بينهم اخر شيء مشعل ضعف من تكفيخ نيّاف له و قام وهو معصب ويتوعد ، راح نيّاف للرجال وهو فعلاً مصدوم وكأنه حلم وجلس ،
جاء عبدالعزيز: وينك اختفيت ياولد .
نيّاف الي مايبي يعلمه لانه اخته وممكن يصير بمُرادي شي لو يدري : موجود بس رحت اتمشى بالمزرعه 
" الحريم "
فاطمه التفتت على عذوب : مُرادي وينه صار لي نص ساعه انتظره تجيب العنب .
عذوب : اي والله اختفت دقيقه اروح ادوره ..
قامت عذوب من عند الحريم ودخلت داخل مالقت مُرادي ودخلت الغُرفه لقت مُرادي نايمه وانصدمت من شكلها الي الدموع على وجهها ونايمه بِتعب استغربت عذوب جداً من وضعها ، طلعت بهدوء وسكرت اللمبات و شغلت المُكيف وسكرت الباب بهدوء وهي مصدومه فعلاً ماتدري وش حصل له بالضبط
مشت عذوب وشافت صحن العنب على الارض وخذته وطلعت لجدته ، طلعت الحوش الي كانو فارشين فيه الحريم ،
و مدته لجدته : هذا العنب .
فاطمه : شبلاتس وين مُرادي .
عذوب : نايمه .
فاطمه استغربت : متى نايمه ؟
عذوب : مدري دخلت عليها لقيته نايمه .
هزت راسه فاطمه واخذت العنب وجلست تأكل ،
العنود طول الوقت جالسه عند اُمها ولا قامت للبنات من الحياء ، ولا تقدر تمون عليهم قامو بعد العشاء وراحو لبيتهم مُنهلكين من التعب ،
صالح الي كان بيت مُنفرد عنهم تقريباً لكن الباقي كلهم لهم أجنحه تقريباً وقت النوم بس العيال غالباً مع بعض والبنات كذلك ، وكلهم بِمزرعة وحدة ،
الكل نام على الساعه تقريباً 11:00 من التعب ، وغالباً هذي دايماً نهاية عزايمهم وعادتهم تقريباً بكل الديره كذا تنتهي عزايمهم  ، لكن الوحيد الي ما نام نيّاف الي يفكر بمُرادي ولا راحت من باله نهائياً ومصدوم من حركة مشعل الغريبه ولا توقع 1% مشعل يسوي كذا اصلاً ، حتى لو انه اسوء شخص ماتوصل انه يلمس اصصلاً احد من بنات عائلته ، نام نيّاف وهو في دوامة تفكير
. الفجر الساعه 5:00 الكل راقد الا مُرادي صحت .
صحت مُرادي بدري بحكم انها نايمه بدري وصحصحت بدري ،
قامت تغسل وجهها وتتذكر الموقف وتحس بغثيان ، تجاهلت الموضوع وقامت تصلي الفجر وتدعي على مشعل انه مايرجع له ويسوي نفس الحركه ، صلت واخذت ترتب السجاده وترجعه مكانه ، قامت للمطبخ تسوي لها اكل كـ فطور خفيف على مايصحون البقيه ، فجاة سمعت صوت خطوات جايه للقسم حق الحريم كله ، شافت جدها يمشي ركضت : ههلا وغلا ارحب ياجدي .
كاسر : الله يحييتس هلا وغلا ارحبي يادهر قلبي  .
مُرادي : يابعد حييّ شلونك عساك طيّب .
كاسر : طيب الحمدالله والله اني مشتاق لتس .
مُرادي : عسااه دووم ان شاءالله شرايك اسوي لنا فطور ونجلس بالمزرعه الجو براد من زمان عن الجلسه معاك .
كاسر : ابد تم .
ابتسمت مُرادي وراحت المطبخ تسوي فطور وحطت الشاهي على النار و حطت الاكل الباقي الجبن والزيتون إلى آخره..
راحت المزرعه تفرش الفرشه و تحط المركى ..
كاسر جاء وجلس وهي راحت تجيب الاكل وتحطه ،
جت وجلست وحطت الفطور
كاسر : سلّم هالآيادي بنتي .
مُرادي : عوافي يابعدي
كملو يفطرون ويسولفون من زمان عن بعض بسوالف طويله وكاسر كان مبسوط على انه شديد الا انه يحبها ويغليها غلا من بين احفاده ،
كاسر : عاد لازم تخاوون العنود ماتجلس طول الوقت لحاله وعلميه على المزرعه وخلووكم خويات .
مُرادي : لا ماعليك بنخاويها وكل شي ازهله .
ابتسم وكملو سواليف وهم مبسوطييين جداً .

______________________________
آنتهى البارت شُكرا على قِرائتكُم جميعاً ونلتقي في بارت آخر
واعذرونا على التأخير  ✍🏼♥️
" حياكم تنورني
تيك : jad__1i
انستا : jad_ii1