جمال نجد وفتنةً حايَليه

Part 8

بعد ما انتهت جلسة البنات، قرروا البنات ينامون مع بعض. راحو للغرفة الكبيرة، وجلسوا على الارض يعدلون فرشهّم ، خلصو وكل وحده جلست  على فراشه وبدت فصلة النوم ،
عذوب وهي تحاول تنام :  كل ما فتحت عيوني ألاقيكم تضحكون وتسولفون يامسلمين ابي انام .
نوره : أصلاً حنا ما نحب النوم، ونحب السهر  ههههههههههههههه .
أخذت العنود مخدة وضربت نوره، وضحكوا مع بعض، وبدوا يسولفون ماقبل النووم قصص عن أيامهم الماضية .
بعد فترة من الضحك،
مُرادي : هي الساعه 1:30 راح الوقت مايمدي ننام خل نناام بسرعه على الاقل نشبع .
العنود : عادي نسهر .
مُرادي : ياحبيبي حنا نقوم من الفجر مافيه سهر وكذا .
العنود : اووف ياربي اجل يالله تصبحون على خير ،
نامو البنات و كانت افضل ليلة للعنود كانت تحس إنها عاشت أفضل ليلة بحياتها. بدأت تتأقلم مع البنات، وتضارب مشاعرها بين السعادة والضيق لانها راحت من الرياض لحياة البساطه لكن فرحت لأنها تعرفت عليهم، وحسّت أنهم حبّوها بسرعة وصاروا كأنهم خواتها، ولا حسّسوها إنها غريبة ،
في حوالي الساعة 7 الفجر، قام الجد والجدة والحريم والرجال الكبار ، 
قامت فاطمه راحت للغرفه وانصدمت من شافت العنود معاهم ، انبسطت انها تعرفت عليهم ، ولعت اللمبات عليهم وتقدمت عندهم تتكلم : يالله يا بنات، قوموا! ما يصير تنامون كذا راح الوقت ! .
مُرادي : ياجده تأخرنا ما نمنا تكفين صحينا الظهر .
العنود: والله تعبنا صدق نبي ننام بس شوي .
فاطمه: بالله ؟ لالالا قومو بسرعه ولا بجيب الماء .
فزّو البنات من جابت طاري الماء وكل وحده يالله تشوف الثانيه من النعاس ،
فاطمه : عقاباً لكن الحين كلكن تقومن وتروحون بوسط المزرعه وتجلسن تسولفن يالله عشان تصحصحن .
عذوب : جده تكفين لا وشلون نسولف نبي نناام تكفين .
فاطمه : اقول حلفتس عليتس هالحين عاد ماعندكن عذر تونا داخلين الشتاء والجو براد .
البنات انجلطو من عقاب جدتهُم فاطمه بس الشكوى لله ، قامو البنات يشيلون فرشهم ويحطونهن على طرف وهم يالله يشوفون من النوم ، قامن يفطرن البنات ويوم خلصو قامو طلعو بيطلعون للمزرعه ينفذون العِقاب هم يمشون شافو خالد جاي تقدمت مُرادي تركُض حضنته بقوووة : يُببببه .
خالد : ارحبي ياهلا ببنتي الحلووه .
مُرادي : الله يبقييك .
خالد : شلونتس محتاجه شيء .
مُرادي : لا والله سلامتك .
خالد : ااذا احتجتي شي تعالي لايردتس شي ويالله انتبهي لنفستس .
ابتسمت مُرادي ومشى وراح سلم على البنات وراح ، كملو البنات طريقهم للمزرعه ،
مُرادي: شرايكن نروح الاسطبل ونركب الخيل عشان نقدر نصحصح .
كلهن اتفقو على الاسطبل الا غاده ، ورجعت
مُرادي : طيب جدتي حلفت مانرجع شبلاتس ؟ .
غاده التفتت وشمقت بعيونها ومشت ،
تنرفزت مُرادي لكن سحبت عليها ،
راحو متجين للخيل و كل وحدة جابت الخيل وركبوا الا عنود
وجلست مُرادي تعلم العنود على خفيف ،
" غاده "
راحت البيت و خذت جوالها بالسر وطلعت المزرعه بعيداً عن اي احد عشان تقدر تدق على وافي ،
دقت وعلى طول رد !
وافي : " اهلااً غدددوو "
غاده : " هلابك كيف"
وافي : " شفيك صار لك فتره مادقيتي ؟ ! "
غاده : " والله مشغوله وكذا تعرف آمور الديره "
وافي : " تمام لعد تسحبين علي اشتاق لك مره "
غاده زادها حياء من كلامه
غاده : " من عيوني "
وافي : " انتي إيش ديرتك ؟ "
ترددت غاده بس قررت تجاوب بحكم انها تثق فيه
غادة : " ديرتي حايل وانا من الديره الي بحايل اسمه ........ "
وافي : " شرايك نتقابل ؟ "
انهبلت غاده ماتدري كيف ترده ولو تطلع معه بتندْبح
وافي : " شفيك غاده ردي "
غاده : " صراحة مادري انت متى ودك ؟ "
ابتسم وافي بخُبث : " اليوم او بكرا "
غاده بتوتر : " بشوف تمام "
وقفلت بوجهه وهي مرتبكه وخايفه كيف تطلع معه ! وقررت تقول له السوق ، راحت لعند البنات تقنعهم يودونها السوق ،
كانت الشمس لسه طالعة، والبنات مجتمعين بوسط الاسطبل يسوون سباق كعادتهم. مُرادي، عذوب ونوره  كانوا متحمسات ولا وحدة تبي تخسر ، العنود الي ماتعرف لركوب الخيل واكتفت انها تشجع فقط
عذوب : يالله يا بنات اللي توصل أول للسور هي الفايزة .
مُرادي وهي تضبط غطاها عشان مايطير مع الهواء : مستحيل، هالمرّة الفوز لي اتحداكن تفوزون .
العنود رفعت صوتها بحماس: يالله انطلقو .
البنات بدوا يركضون، وكل وحدة تحاول تتجاوز الثانية. عذوب كانت سابقة، لكن مُرادي تلحقها بخطوات سريعة وتبغى تسبقها نوره الي فرسها بطيئه وكانت ماتركض أول ما وصلوا للسور، الكل وقف يلهث ويضحك ، نوره : خير يابنات الي معاي ماتركض .
البنات : ههههههههههههههههههههههههههه 
عذوب وهي تتنفس بصعوبة: خير يا مُرادي ، دايم افوز واليوم وشصار .
مُرادي: قلت لتس مو؟ النصر دايم معي .
نوره الي كانت تهاوش الفرس الي ماتفهمها ولا ناويه تركض ولا شي
الضحكات تتعالى وكلهم مبسوطين والعنود جتها فكرة:  بنات مو بعد ذا التعب لازم نكافئ أنفسنا؟ شرايكم نروح السوق ودي اشوف السوق عندكم .
انبسطت غاده جداً
عذوب: إيه والله نروح نقول لأمهاتنا يخلونا نروح يارب يوافقن .
راحن البنات لحصة أم نيّاف وأم عذوب، يترجونها تخلّيهم يطلعون للسوق.
دخلو البنات مبنى البيت وشافو شيخه و ترف و حصه جالسين يسولفون
مُرادي : شرايكن نبي نروح السوق شوي، بس نشتري لنا أغراض ونرجع .
حصة : تروحون لحالكن؟ .
عذوب : خلي نيّاف يودينا هو موجود ما عنده شغل وفاضي .
حصة وافقت وقالت إنها بتكلم نيّاف ،،
على طاري نيّاف الا وهو ينادي ، قامت حصه له عشان تقوله عن الموضوع : هلا نيّاف .
نيّاف : ارحبي يُمه شلونتس .
حصه : اهلين طيبه الحمدالله وشبغيت .
نيّاف : بس والله طفشان وجيت اسلم عليتس .
حصه : اجل تعال نبيك تودي البنات للسوق .
نيّاف : ياويل حالي لاتكفين مابي البنات .
عذوب كانت واقفه تتسمع وجت تركض : نيّاف تكفى .
نيّاف : بسم الله من وين طلعت هذي .
ضحكت ومسكت يده تطلبه : تكفى يالله ودينا
حصه : نيّاف مافيه لا انت بتوديهم يالله .
نيّاف صح انه عاجز بس عشان آمه : طيب متى اي وقت
حصه ناظرت لعذوب : متى ودكن؟
عذوب : مدري بسأل البنات
راحت تركض تسألهم
عذوب : متى تبون ؟
مُرادي رفعت ساعته الا الساعه 9:00
نوره : الحين الوقت كويس مفتوحه كل المحلات
اتفقو البنات على هالوقت وراحت تقول له
عذوب : نبي الحين
نيّاف : الحين الحين !
عذوب : ايه
حصه : يالله البسن اجل
راحت عذوب ركض وهي مبسوطه والتفت نيّاف : من يجي
حصه : عذوب و يمكن بيان و مُرادي و نوره والعنود وغاده
نيّاف : اعوذ بالله ماشاءالله
ضحكت حصه وراحت الا شافت فاطمه توّه تنزل المصباح جوالها ، حصه : عسى خير
فاطمه : ابد كل الخير ان شاء الله العبدالله عازمينا توّ دقت علي خديجه عندهم عشاء اليوم
حصه : ماشاءالله الله يقويهم
فاطمه قامت تنادي البنات عشان تعلمهم ، جو كل البنات على مُناداتها
البنات: هلا يااجده
فاطمه : اليوم عزمونا العبدالله كلكن تروحون معانا
انجلطو البنات لانهم عساس يروحون السوق بس لعلّها خيره ردو عليها بموافقه وراحو كل وحده تشوف شغلها ، حصه راحت تقول لنيّاف ان خلاص مايبغون السوق ،
نيّاف : هلا يمه سمّي
حصه : خلاص لاتودّي البنات السوق
نيّاف : الحمدالله الحمدالله
ضحكت حصه وراحت ، نيّاف انتبه بدق الباب راح يفك ، لقى جابر نيّاف : ارحب جااابر
جابر : السلام عليكم ، الله يبقيك
نيّاف رد السلام : آمرني
جابر : ابد يالشيخ اليوم بوه عندنا عشاء علم جدك وعمامك تجون كلكم
نيّاف : عساكُم القوه ابشر على هالخشم
جابر : الله يسلمك يالله فمان الله
ابتسم نيّاف : تقهوى يرجال
جابر : لا تسلم والله جدي يحتريني
نيّاف : الله يستر عليك ابتسمو وراح وسكر الباب نيّاف ،
" البنات "
نوره : حسافة والله كان ودنا نروح
عذوب : والله قهر
العنود : ماعليه عادي خيره
جلسو يسولفون ومُرادي كانت يالله تفتح عينها من النعاس ، وقررت تاخذ قيلوله ، مُرادي : يابنات شكلي بغفّي شوي تعبت ابي اناام ماقدر
ضحكو البنات عليها واخذت البطانيه الخفيفه ونامت على طول ، سكرو اللمبات البنات وطلعو عشان تنام براحة ، فجاة صوت رجال يطق الباب راحت عذوب شافت الا خالد ،
عذوب : اهليين عمي خالد
خالد : هلاابتس شلونتس
عذوب : طيبه الحمدالله
سلم على البنات من بعيد : لاهنتن خلو مُرادي تجي
نوره : مُرادي تو نامت تبي تنام عشان تصحصح للعشاء ،
خالد : اجل خلوها لحد يزعجه ولاتصحونها هي تصحى
هزو روسهم البنات بإيجاب وطلع
غاده ، كانت بالغرفه تدق على وافي ،
" وافي : غاده وشرايك تطلعين معي اليوم ؟"
" غاده ماتدري كيف تقول لا : كيف اطلع معك ! "
" وافي : غاده ترا كل احد يطلع وكذا الا انتي بدويه وكذا ترا الناس تطورت اطلعي معي مافيها شي كلها ساعه وارجعك بيت اهلك ! "
استغربت غاده وصدقتّه ان فعلاً الناس تطلع للان وكذا وقررت توافق
" غاده : خلاص تم متى طيب "
" وافي انبسط وهو ناوي نية شر : ابد تبين بعد صلاة العشاء ؟ "
" غاده بتردد : اوكي "
وقفلو الخط وهي  متردده وخايفه وقررت تطلع وتتعذر لامها انها تعبانه

" مرور زمني "
الساعه •5:00 عصراً •
البنات جهزو وكانو بيمشون وكانت مُرادي للان نايمه ،
دخلت عليهم غاده الي ماتجهزت ولا شي
عذوب : هي شبلاتس انتي بنمشي ورا ماكشختي !
غاده الي تبي تتعذر : تعبانه ماني رايحه بطني يعورني
فاطمه : مُرادي وينه !
عذوب : نايمه
فاطمه : كيف نايمه نبي نروح ورا ماصحيتوها
عذوب : عمي خالد قال لحد يصحيها ولا نزعجها
فاطمه : ياربي طيب بنمشي ! روحي صحيها وشوفي تروح ولالا
راحت عذوب فتحت الباب بشويش شافتها غاطه بالنووومه جداً ،
عذوب بهدوء : مُرادي
فزّت مُرادي : بسم الله هلا
عذوب : ترا الساعه خمس العصر تبين تروحين معانا ؟
مُرادي: يمه ورا ماصحيتوني بس روحوا انا الحقُكم
طلعت عذوب وقالت لهم انها بتلحقهم والكل راح ، البيت مافيه الا غاده ومُرادي ،
بينما غاده كانت تتجهز للطلعه ، ومُرادي تو تصحى ، مُرادي استغربت من وجُود غاده : شبلاتس مارحتي ؟
غاده : تعبانه
راحت مُرادي تغسل وجها وتصلي ،
غاده ، اتفقت مع وافي يجيها الساعه 5:15 لإجل تروح معه ،
راحت مُرادي تسخن الغداء عشان تاكل ، وغاده طلعت من ورا تحتري وافي ،
" العزيمه "
كاسر : ولد نيّاف قم تعال
نيّاف : سمّ
كاسر : انا شريت لعبدالله هديه عود باخور ونسيتوه بالمشب روّح جيبه
نيّاف : ابشر
راح نيّاف يشغل السياره ووصل المزرعه نزل للمشب يأخذ العود ، انتبه للسياره وهي جايه وموقفه عند باب السياره راح نيّاف يشوف شوضعه
نيّاف : آمر
وافي : تسلم ، لا مضيّع اعذرني
ابتسم نيّاف وراح وشاف غاده وهي رايحه واستغرب ، غاده الي مليانه توتر ، وكانت تمشي على طرف عشان محد ينتبه لها ،
ركض نيّاف انهبل من شافها بتركب ! ، راح لغاده الي مايدري مين هذي ، نيّاف : على وين ؟ تركبين معه ذا
غاده : لا ذا مندوب باخذ منه طلب
نيّاف : ادخلي انا اجيبه
غاده تورطت : لا انا بجيبه
نزل وافي : غاده يالله راح الوقت
انهبل نيّاف : اقووول شتبي انت !
وافي : شدخلك انت
نيّاف : اقوول خذ سيارتك وتوكل
وافي : اقول اخر من يتكلم يالله ياغاده
غاده تورطت ماتدري إيش تسوي ،
نيّاف : اقول بتطلع ولا والله لاوريك شغلك وغاده ادخلي
طلّع وافي سلاحه وصوّب على نيّاف ،
استغربت مُرادي من الصراخ وطلعت وشافت وافي مصوّب على نيّاف وانهبلت راحت ركض ماعليها الا جْلال وقاعد يطير ، شافها وافي وكان يحسبها غاده انلخم ، اطلق وافي سلاحه على نيّاف وبنفس اللحضه ركضت مُرادي قدام بتسحب السلاح ، ودخلت الطلقه بكتف مُرادي ، الكل بحالة صدمه واقف ومُرادي الي طاحت وكتفها ينزف ، ركب وافي سيارته وانحاش نيّاف كان يحاول يلقط لوحة السياره ، كانو واقفين من هول الصدمه انحنى نيّاف واخذ شماغه ولفّه على كتف مُرادي عشان يوقف النزيف إلتفت على غاده : اركضي هاتي عباته !
غاده راحت ركض جابت عباته وهي مجلوطه وندمانه ومصدومه ،
لبسوها عباتها وهي مُغمى عليها ، على طول على السياره راح ركبّها ومشى بإعلى سرعته ،
وصل المُستشفى وواقف ينادي الدكاتره بصراخ حاله طارئه ، حطوها على السرير وركضو فيها نيّاف الي رجوله معد تشيله ، وعارف انها مُرادي شافها من ذاك الموقف ، واقف ويحتري اي شي خبر من الدكاتره ، ناداه الدكتور لإجل يكتُب اسمها وبياناتها ،
الدكتور : انت تقرب لها ؟
نيّاف : مو وقته هي تحتاج عمليه ؟
الدكتور : لسى ماعرف ننتظر الدكاتره يطلعون
فجاة دخل الدكتور : نحتاج مُتبرعين دم !
نيّاف ركض : انا انا
الدكتور : إيش فصيلة دمك !
نيّاف : A
الدكتور : اييوه يالله بسرعه
راحو يسحبون الدم عشان مُرادي
————————————————
أبتدت اوول العواصف واصغررها 🏃🏼‍♀️ ،
اعذروني جداً قطعت فتره طويله لكن مو بيدي واعذروني وبإذن الله بنرجع نستمر مثل اول وأجمل 💙
زوروني تيك وانستا مُتواجده هناك ،
تيك : jad__1i
انستا : jad__ii1
قِراءةُ مُمتعه ♥️