جمال نجد وفتنةً حايَليه

Part 13

قِراءةُ مُمتعة جميعًا
________

ركب السيّارة نيّاف و كاسر وكان حالة مزرية بالبيت مابين بُكى غادة وتوُجع عذوب من الكف وبكى الامهات وحرفيًا حالتهم لاتُوصف
- بالسيّارة -
نيّاف : المُستشفى ؟
كاسر : رح السوق الشعبي
نيّاف بتعجب غيّر طريقة للسوق الشعبي
نيّاف التفت لجدّه الي كان وجهه حزين من كثر تأنيب الضمير
نيّاف بهدوء : الله يعينك
كاسر التفت عليه : ياربي يانيّاف كسرتها حيّه وشلون ترّجع ثقتها بنا ؟
نيّاف : المفروض صدقتوها وهذا جزاة الظالم ياجدّي حاولو تراضونها البنت عنيدة
كاسر : ماكسرني الا يوم تعزوت بنا وكلنا ضدها وتعزوت بأمها الميته
نيّاف : من حزنها مالقت سند الا امها المتوفيه
كاسر : ركّز ركّز بسواقتك
نيّاف كان يحاول يطلع الي بخاطره وماوده يجرحه لان الي فيه مكفيه وزود هذا مهما كان جدّه ،
وقّف نيّاف والتفت لجده : وش بغيت انا انزل اجيبه ؟
كاسر : لا تسلم انا بنزل اشتري لها ذهب ابيك تساعدني بس
نيّاف انصدم انها بيراضيها بذهب وهو عارفها مايراضيها شي عن كل الي صار  : ابشر
نزّلو لمحل الذهب وبدّو يختارون الاجمل
نيّاف : كم شي بتاخذ ؟
كاسر : باخذ بناجر ( الغوايش الي على اليد ) وباخذ طقم كامل
طلّع لهم المُوظف طقم حلو واعطاهم : شرايكم بهذا ؟
كاسر : شرايك ينيّاف ؟
نيّاف لفّه ويتلمسه يشوفه : والله يجنن فخم
كاسر للمُوظف : عطني هذا الطقم واسوارة ذهب ناعمه وابي اربع بناجر ذهب
قدّم له المُوظف كل الي يبغاه وكان مصدوم نيّاف ولكن كاسر دفع ولا همّه السعر يهون لعيون مُرادي حفيدته لعلّ وعسى ترجع ثقتها فعمانها و جدّها
طلعو من المحل ومُتجهين للمُستشفى
_________
  • المزرعة •
مابين بُكى وحالتهم يُرثى لهم
هيفاء تبكي وتصارخ على فواز الي يضرب بنته بشراسه من صدمته انها هي الي بتطلع مع ولد
هيفاء تسحب ذراع فواز : فك بنتتيي فك بنتيي
فواز : بنتتي هذي موتتها على يدي
فاطمه بصراخ  : فواز خلاص فك البنت بتموت منك!
نوره تبكي من هُول الموقف مابين اهلها يتهاوشون وهي ماتدري وش جابها بين هالعائله فواز وامها الي ماتدري كيف صارت معهم وكلهم نفس العقليه
العنود قربّت وحضنت نوره : خلاص ياحبيبتي مابيصير شي لاتبكي
نوره بأنهيار : وشلوون ما ابكي
فواز بعصبية : اقسم بالله اشوف الي يفك لها الباب بوريه الشغل سمعتو !
طلع وغاده الي تبكي وجاها كميييية حُقد على مُرادي وتحس كل الي صار من وراها رغم انها غلطة غادة وتفكر وش بتسوي
دخلت هيفاء وشافت غاده تعبانه جدًا وركضت لها : غادده يوجعتس شيي
غاده بتعب : كل شيء
هيفاء : حسبي الله على مُرادي حطت كل شي براستس وانتي مالتس شغل
انصدمت غاده تحسب امها تدري ان غاده الي بتطلع اصلًا
غاده بتردد : اي اي
هيفاء : اوريها
دخلت فاطمه : غاده وشلون طلعتي !
هيفاء : ليكون حتى انتي بتحطينها براس بنتي ؟
فاطمه بغضب : شكلتس ماشفتي المقطع الي ورانا نيّاف !
هيفاء بتعجب : اي مقطع !
حصه : مقطع بنتتس وهي بتطلع مع هالولد وانحط كل شيء براس مُرادي !
هيفاء ارتخت ملامحها والتفتت على غاده : صادقين ؟؟
غاده الي حست خلاص نالت جزاها وردت بتردد : يُمه
هيفاء لااراديًا صفقتها كف : وانا بديتك عليهم بالنهايه تسوين كذا ! احرجتييينييي قداام عمامتس ياغااده !!
قامت هيفاء تدور بالغرفه وغاده تبكي وماتدري وش بيكون مصيرهم
غاده : بنتقم من مُرادي
هيفاء بتفكير : قاعده افكر انتظري
——————
  • الرجال •
الشباب جالسين على جنب وهالفتره ماكان موجود الا صقر وهتان وفيصل وسلطان نيّاف و عبدالعزيز غالبًا بالمُستشفى
صقر : ياعيال وش هالفعاليات
سلطان : وش فعالياته
هتان : سمعتو صراخها
فيصل : يخوف والله مدري وشصاير بس على ماضن ان فواز مصفّق احد
سلطان : ايه اتوقع شفتو كيف معصب ويصارخ
صقر : بتصير مشاكل
محمد دخل عليهم : قومو ودونا للمُستشفى
سلطان :  ابشر
التفت على العيال وقال : من يخاوي
صقر : انا انا
سلطان : يالله امش
دخل صالح : ناس منكم ياخذون الحريم بسرعه
هتان وفيصل قامو لان مافيه الا هم باقي  وراحو توزعو بالسيارات هتان وفيصل وصقر معاهم الرجال وسلطان و  صقر ماجاء عشان مافيه مكان معهم الحريم والبنات
  • سيارة سلطان •
سلطان : شوي شوي على سيارتي زحمه ماشاءالله
فاطمه : سوق سوق بس
سلطان كان يمشي وسرعته 150
حصه : هد ياسلطان
العنود بكتمه من الزحمه وهذا يسرع قالت بتحلطم : اشبو ذا
ضحكو الي بالسياره من نبرة صوتها وكلمتها
عذوب : ماشاءالله اشبو انتي من الرياض ولا جده
العنود : اشبتس انا عايشه بجده بس  اخر سنتين رحنا الرياض وعشان كذا لهجتي مكس
عذوب بضحك : الله يخلف عليتس ماتنقال اشبتس
حصه : اقصرن حسّكم مازانت لكن السوالف الا الحين
العنود : جوجو
استغربو من كلمتها وقالت نوره : منهي ذي جوجو
العنود : جدتك فاطمه اشبك
انهارو ضحك الي بالسياره من كلامها وكان حتى سلطان يضحك
فاطمه : وشبغيتي يالعنود
العنود : نبغي نمرّ محل ورد نجيب لمُرادي
عذوب : اي صح نبي
فاطمه : وشوله التكاليف
العنود : جوجوو يالله بلييز
فاطمه بطرف عين : وشهي ذي بليز
ضحكو واقنوعها يوقفون عند محل ورد وجت بتنزل عذوب ودق بوري
سلطان : المحل فيه رجال واجد علموني وشتبون واجيب
العنود : انا بنزل اشبكم
الترف بهمس للعنود : العنود اعقلي
سلطان نزل بعد ما اخذ الي يبون وجاب لهم
ووصلو المُستشفى بعد عُنا
• سيارة الرجال •
خالد : فيصل مّر السوق نبي ناخذ اشياء
مرّو السوق واخذ خالد طقم ذهب لايُعلى عليه من جماله واخذ كم هديه وكانو نفس الحكايه محمد وصالح لكن فواز ماجاء جلس بالمزرعه ، اخذو الي يبون
كـ هدايا رضاوه على الي صار
وصلو كلهم ونزلو
خشو غرفة مُرادي وكانت مصدومه من جيتهم
دخل خالد وحضنها وكان سااااكت ولا له وجه يتكلم عقب ظُلمه الكل بلحضة صمت ، مُرادي : هلا بكم
كاسر تقدم وباس يدها : اسف يابنتي اسف
ابتسمت مُرادي بضيق وكانت تككره صوت جدها وملامحه اذا كان متضايق ماتحب تشوفه الا مُبتسم وهذا الي متعوده عليه
الكل قام يسلم عليها بأستثناء غاده وامها نوره انحرجت لكن سكتت ولا تكلمت تقدمو يعطونها الهدايا وجلس كاسر قدامها بصوت مهزوز : اسمعيني يابنتي نبي السماح والله مادرينا وظلمناتس وكسرناتس حيّه انتي اطلبي وابشري باللي يرضيتس
مُرادي ابتسمت بضيق : مسموح ياجدّي لكن والله عقب الي صار النوم ماذقته بالراااحه
خالد : يامُراادي والله اسفين اطلبي الي تبين وآمري وابشري وسمّي
مُرادي كانت تشوف الهدايا وتفكر ماتدري وش تسوي وهي اهم شي كانت تبيهم راضين عليها وودها مايصير بينهم شي وهمها بس يكونون مبسوطين وراضين وكان واضح ملامح التعب على وجوههم ،
مُرادي : تسلمون على الهدايا ماتقصرون
الكل ماييدري هي سامحتهم ولالا
بوسط الصمت كانت مُرادي تتأمل وجييهم وكان واضح الندم بعيونهم وقررت تتكلم باللي بخاطرها : انتم يوم ظلمتوني ابدًا مافكيتو لي مجال اتكلم وعلى اساس اني فعلًا مسويه هالغلط ويااما ترقدت بالمُستشفى ماكان احد واقف معاي  الا اخوي عبدالعزيز ونيّاف من كل عماني وان جيتو جيتو تهاوشوني ويوم طلعت هاوشتوني وانا فاهمه شعوركم ان اذا جاكم كلام كذا طبيعي راح تصدقون الكلام افهمكم وعاد اكيد اني مسامحتكم مهما كان مالي الا انتم ياعمامي لكن اووعدووني ماترجعون تغدرون بي هالغدره وتنخدعون وتظلموني ابحثو وحللو الموضوع من ثم هاوشو لاتروحون بسرعه وتتسرعون عشان مايصير الي صار ومسموحين ياجدّي وعمامي وشكرًا لكل من جاب هديه