- بعد العشاء في قصر راشد -
كانت جالسه تشرب قهوتها بالحوش وتفكر وش بيصير بكره ، مر يوم وبكره هو موعد العرس ، قعدت تهوجس لين قاطع هواجيسها صوت امل: اشوفك جالسه لوحدك
مي: قاعده اتقهوى طفشت من قعده البيت
جلست امل جنبها وخذت لها فنجال قهوة: شقول عن نفسي انتي اقلها تطلعين لدوامك
مي: على طاري الدوام ، متى تستلمين وثيقه التخرج؟
امل: يوم الاحد
مي: كويس لاني كلمت مديري بالشركه عنك
امل: كيف؟
مي: محامي الشركه قدم استقالته والمدير الحين يدور محامي جديد وانا قلت ان قريبتي شاطره والاولى على دفعتها وقال انك تقدرين تقدمين على المقابله اذا استلمتي وثيقتك
شهقت امل: صدق؟؟ يعني خلاص الحين بصير محاميه ومعك بنفس الشركه
مي: ايييي خلاص بنشتغل مع بعض الحمد لله ومعنى ندو
امل: يوه على طاريها يحليلها والله يوم قابلتها بالسوق معكم كانت لطيفه وواضح على نياتها
مي: اي والله صادقه هي كذا ، بس تدرين فيه شيء شاغل بالي عليها
امل باستغراب: ايش؟
عدلت مي جلستها: ابوها دايم يتصل فيها ويهاوش وبكل مره تداوم تجي ويدها كلها جروح الصدق ماودي اظلمه بس ماقدر احسن نيتي
امل بحزن: لاحول ان شاء الله مايكون يعنفها بس
مي: والله شايله همها والمشكله انها ماتتكلم عن هالموضوع لي
امل: معليه يمكن مع الوقت نعرف قصتها
مي: ياليت
امل: ياخي جدي ما رضى على عاصف وغيث للحين
مي بضحكه: حطهم براسه خلاص مابنشوفهم الا بكره ، بعدين تعالي لايكون اشتقتي له!
امل : لا شدعوه بس شوي شايله همه
مي: اها شايله همه ، وليه ان شاء الله نونو هو
امل: مو كذا بس قبل امس عصب وتهاوش معهم عشاني
مي: والله مين قدك بغى يهد القصر على روسنا عشانك بس
امل بابتسامه: والله استغربت هذا وهو قايل لي ان قلبه مع وحده ثانيه غير حنان الصدق تضايقت
غمزت لها مي: يمكن يقصدك انتي يا غبيه
خجلت امل وضربت كتفها: مستحيل اسكتي
مي: عشتو مستحيه وتقول ما احبه وما اطيقه
ضحكت امل عليها وكملو سوالفهم وسهرتهم بالحوش
- العصر في قصر راشد -
كانو البنات متجمعين بغرفه مي ويتجهزون ، خلصو الميكب باقي بس الفساتين واخر لمسات في الشعر ، دخلت بدور مستعجله
بدور: وحده منكم تنزل تساعدني الضيوف بدو يوصلون وابي وحده تقهويهم معي الخدم مشغولين
ساره: انااا بس انتظري باقي البس فستاني
بدور: يلا عجلي انتظرك تحت
لفت امل لمي: يمه توترت
مي: شقول عن نفسي اف
امل: قومي بسرعه البسي فستانك قبل يدخلون الحريم
مي: طيب
لبست مي فستانها وطلعت على امل وهي ميته توتر لا يكون مو ضابط عليها ، لفت عليها امل وشهقت بصدمه ، ما حست على دموعها الي نزلت على خدها
مي بضيق: يووه لا تبكين خير
تقدمت امل تحضنها وتحاول ما تبكي اكثر
مي: خلاص والله بتبكيني معك وينحاس ميكبنا
ابعد امل تنفخ على وجهها: خلاص خلاص لا للبكاء
ضحكت مي: ايي كذا ، بس شرايك؟
اكل: والله تجنني ما شاء الله لازم نحصنك
مي: حياتيي انتي
دخلت نوره وام عبد الله ووسعو عيونهم من منظر البنات
نوره: يمه ما شاء الله يا حظ عيالي والله!
استحو البنات وتقدمت ام عبد الله تحضن بنتها
نوره: بسم الله عليك يا مي طالعه قمر بالفستان
مي: مشكوره خالتي
ام عبد الله: امل حبيبتي يلا البسي فستانك وانزلي ورانا
امل: منعيوني بس انتبهو لمي لين اجي
نوره: بالحفظ والصوت بنتي
نزلو تحت وامل دخلت غرفتها تلبس
