تعالت الأصوات وريحة البخور ببيت سلطان
جلست ام حمد و تتقهوى بالحوش وعندها الراديو
جت سلمى : يمُه خوذي عني الهنوف لا والله لا اكفخها
غمضت عيونها ام حمد بتعب وطالعتها وقالت :انتي ماتتعبين وانتي كل شوي مكفختها
سلمى بغضب : يمُه ترا تعبت حتا صحون أكلها ماتغسلها!!
ام حمد جلست تستغفر وكملت تسمع للأخبار دق الباب
وراحت سلمى تفتح : هلا هلا بالزين
الجوهره بإبتسمه : هلا فيك ي عمري
دخلت وجلست تسلم ع ام حمد وقالت لها : هلا بالجوهرة
كيف امك؟
جوهره : الحمدالله بخير ي عمه
دخلت جوهره عند سلمى بالمطبخ وناظرتها بإستغراب
تقدمت لها وقالت : سلمى فيك شي؟!
سلمى : لا بس الكلبه الهنوف ماتغسل مواعينها وانا تعبت
وانا اغسل المواعين ماصدقت اخلص
سكتت الجوهره وسمعتت صوت ام حمد تقول : يالله
انا رايحه امر ع ام الجوهره
سلمى : الله معك
جلسوا البنات بالحوش وجتهم الهنوف تجلس
وقالت لسمى اللي تقهوى الجوهره ونزلت الدله :
صبي لي!!
سلمى : لتس يدي قومي وصبي لنفسك
طلعتها الهنوف وتشمق وصبت لها وقامت وكبت القهوه
الحاره ع يد سلمى صارخت سلمى : وجع وجع ماتشوفين
ي الحوله
هنوف بضحكه : اوبس ماشفتك
طلعتها الجوهره : ليه وين عيونتس؟
الهنوف : تحت
قامت سلمى وهي تكفخ الهنوف سلمى بقهرر
وهي تكفخها اخليك تشوفين ي الحوله
الجوهره قامت تفكهم عن بعض : بس بس ي سلموه
سلمى مكمله تضرب الهنوف :والله مااخليس
جاء حمد ع الأصوات وشاف سلمى تضرب الهنوف
وصارخ عليهم : كسر يكسر يدس يا سلموه
سلمى بعدت وقالت : خذ مرتك لا اعيد تربيتها الحوله
حمد صرخ ع سلمى وقال : سدي حلقس اللي مايتعب من اللعله لا اكفخس
جلست سلمى بغضب وطلعتها الجوهره
وجلست : اقول خليني اتركس شكلني جيت بوقت غلط
طلعتها سلمى : لا تكفين اناا مااصدق احد يجي يسليني
جلست الجوهره وبدت السوالف والضحك وحشهم بالهنوف
..................... _.............
بالعزبه
: ابوي بسوي عشاء كبير ب الديره
حمد : وش المناسبه
مطلق بغضب : انت تعرف ابوي يحب يسوي عشاء
ولا انت متريح ع البراد وانا صاعقني الحر!!
حمد : ترا عادي
قفل الخط بوجه حمد اللي رفع ضغط مطلق
رجع للحلال وهو يختار علشان الذبيحه
دق ع تلفون البيت؛.
............. /........
ببيت سلطان دق الباب وراحت سلمى تفتح ودخلت
نجد جوهره قامت تسلم عليها وجلسوا
سلمى: اقول نجد ليه متأخره؟!
نجد : اوف توي اخلص شغل البيت وربي لا كنت اجي بدري لا خلصت بدري
الجوهره : الحمدالله ع الاقل انا ماعندي احد يعني عادي
مافيه غسيل كثير
سلمى : انا اخلص بسرعه لاكان الزفت الهنوف تطوليني
تحط مواعينهااا الحوله
نجد وهي تضحك : هذي للحين هنا مارحت عند اهلها
سلمى : ماتقدر تروح وحبيب القلب هنا حمد!!
الجوهره لفت ع نجد وتقول لها الهوشه ونجد تسمع
و انصدمت وقالت : هي هي خيرر هذي رافعه خشمها
الحوله ليه ماتغسل مواعينهااا
سلمى : تقهرررر تجيب لي الجلطه
نجد : انا اكفخهاا لو محتاجه فزعه ابشري بي ي سلموووه
سلمى ابتسمة لها بحُب وقالت : كفووو نجد
نجد : كفوك الطيب
سمعوا تليفون البيت دق راحت سلمى ترد
.......
هلا مطلق
مطلق : سلمى جهزي لي القدور بجيب ذبيحه
سلمى : لمين؟؟
مطلق : ماتعرفين ابوي لازم يسوي
سلمى : اها تمام
..........................
نجد : وش فيه ي سلمووه؟
سلمى : ابوي بيسوي عشاء كبير
الجوهره :تم نجي ونساعدك
سلمى بإبتسمه : تسوين خير ي روحيييي
استأذنوا البنات علشان يجهزون حق العشاء الكبير
اللي بيصير بالديره
..............
هنوف : بسوون عشاء تجين؟!
نجلاء : افا عليش ليه مااجي بجي
هنوف بإبتسمه : كفوو ي الله لا تتأخرين ابي اشوفك اول وحده
نجلاء : ان شاء الله
.............
المغرب ببيت سلطان ابو حمد أصوات الأطفال ولعبهم ورقص الحريم وسوالف البنات بالمطبخ...
نجد : أقول سلمى المرقا نادي امك تذوقها
سلمى : طيب
راحت سلمى تنادي امها و نجد بالمطبخ
دخل مطلق من الباب الخلفي للبيت ودخل ع المطبخ
تنحنح وتغشت نجد بسرعه وقالت : هلا هلا مطلق تبي شي؟
مطلق : وين سلمى!!
.. راحت تنادي امها لجل تذوق المرقا
مطلق رفع حاجبه: مين سواها؟!
نجد : انا
تقدم مطلق يشوف المرقا وكانت مرره لذيذه وابتسم وقال :
يعطيك العافيه حلووه
نجد بإبتسمه : الله يعافيك واجبي
جت نجلاء وكانت لابسه قصير وفاكه شعرها ودخلت عليهم
وقالت : اوبس مطلق
صد مطلق وطلع برا المطبخ ورفعت حاجبها نجد بغضب
وصدت وطلعت برا المطبخ تقدمت نجلاء وشربت مويه وهي معصبه
..........
بالحوش
::تعرفين احد هنا؟!
سلمى : هلا انا بنت صاحب العزومه
ريوف : ماشاءالله
جلست وعندها الجوهره وجتهم نجد وبدوا يسوالفون بحب مع الضيوف نجد : انتي من هنا؟!
ريوف : لا ي عمري انا من المدينه
الجوهره : ماشاءالله
سلمى : اعرفك علينا ي قمر.. انا سلمى وهذي نجد وهذي الجوهره
الجوهره : انا ابوي متوفي الله يرحمه وعندي امي بس واخوي
سعد
نجد بحزن : انا امي وابوي متوفين وعندي جدتي بس الله يحفظها لي
الكل : امين
حضنتها الجوهره
سلمى : انا الحمدالله عند ثلاث اخوان حمد متزوج وحده غثيثه
اسمها الهنوف واخوي مطلق واخوي فيصل وانا ماعندي اخوات بس اعتبر نجد و الجوهره اخواتي
ابتسموا لها بحبُ
وقالت ريوف : انا وحيدة امي وابوي ومتزوجه
الكل انصدام لانو مو مبين
وعيونها بدت تدمع : و متزوجه واحد مايخاف ربه
نجد : كيف يعني!
ريوف بدت تبكي وقالت لهم كل شي والكل انصدام
وورتهم العلامات اللي صارت لها والكل انصدام منها وغطت يدها ع طول وقالت نجد : مفروض تبلغين عنه
ريوف بخوف : لالا تكفون الكلام بينااا لا يطلع والله بيموتني
البنات : لا ماعليك سرك ببير
أنت تقرأ
لو القصايد تجيب اللي على بالي كل القصايد تروح الخاطر عيونهُ
General Fiction"لا يخيب الله املٌ"
