ရှန်မင်ယင်ဘက်မှ ဖုန်းခေါ်လာသည့်အကြောင်းအရင်းကို မသိသော်ငြား လျိုမောက်၏ရှေ့တွင် မပြောလိုသဖြင့် ရွမ်ယွီ စားသောက်ဆိုင်အပြင်ဘက်ထွက်ပြီးမှ ဖုန်းကိုင်လိုက်သည် ။ " မင်ယင် "
ထိုအချိန်မှာပဲ ရွှီဟွိုက်စုန့်၏ကားက ပါကင်ထိုးနေသည်ကို တွေ့လိုက်သည်။
သို့သော် ရှန်မင်ယင်၏အသံမှာ အရေးကြီးနေပုံရသဖြင့် ရွမ်ယွီ ရွှီဟွိုက်စုန့်အား အာရုံမစိုက်နိုင်တော့ ။ " weiboကို အမြန်ကြည့်ကြည့်လိုက်ဦး "
" ဘာဖြစ်လို့လဲ "
" ချန်ရှီရှီက အဆုံးစီရင်တာကို live လွှင့်နေတယ် ၊ တစ်ချို့တွေက အဲ့ဒါ နင့်ကြောင့်လို့ ပြောနေကြတယ် "
ရွမ်ယွီ၏ဒူးများမှာ ပျော့ခွေသွားကာ လှေကားပေါ်မှ ခြေချော်ကျသွားတော့သည်။ ထိုအချိန်မှာပဲ သူမ၏လက်ကို တစ်စုံတစထယောက်က ဆွဲကိုင်ထားလိုက်လေသည်။
ရွှီဟွိုက်စုန့်က သူမရှေ့၌လာရပ်ကာ မေးလာလေ၏ ။ " ဘာဖြစ်လို့လဲ "
ရွမ်ယွီ မော့ကြည့်လိုက်ကာ ရေရွတ်လိုက်မိသည်။ " ချန်ရှီရှီ အဆုံးစီရင်လို့တဲ့....."
တရားရုံးအဆုံးအဖြတ်ကို တင်လိုက်သည့်နေ့မှာပဲ ချန်ရှီရှီက အဆုံးစီရင်နေခြင်း ဖြစ်လေသည်။
ရွမ်ယွီ တုန်ယင်နေသောလက်များဖြင့် weiboကို ဖွင့်ကြည့်လိုက်သော်လည်း တိုက်ရိုက်ထုတ်လွှင့်မှုမှာ ဖြတ်ချခံလိုက်ရပြီ ဖြစ်သည်။ ချန်ရှီရှီ၏ ဖုန်းကို ခေါ်ကြည့်သော်လည်း ကိုင်မည့်သူ မရှိချေ။
" သူမမိသားစုကို ဆက်သွယ်နိုင်မယ့်သူ တယောက်ယောက် စဉ်းစားကြည့်ပါဦး " ရွှီဟွိုက်စုန့်၏အသံမှာ တည်ငြိမ်လို့နေသည် ။
တစ်ယောက်တော့ ရှိပေသည်။
ရွမ်ယွီ လီရှီးချန်ကို ဖုန်းခေါ်လိုက်သည်။
လီရှီးချန်က ဖုန်းကို ချက်ချင်းကိုင်သည်။ ထို့နောက် မောဟိုက်နေပုံဖြင့် ပြောပြလာလေသည်။ " ဘာဖြစ်တာလဲဆိုတာ ကျွန်တော်သိပြီးပြီ ၊ သူ့အဖေနဲ့လည်း အဆက်အသွယ် ရပြီးပြီ ၊ အခြေအနေကောင်းတယ်ဆိုရင်တော့ ထိပ်တန်းဆေးရုံကို ပို့လိမ့်မယ် "
VOUS LISEZ
ကြမ္မာဖန်သော ပျော်ရွှင်မှု
Roman d'amour[ Myanmar Translation ~ ] Author(s) -Gu Lezhi (顾了之) Associated Names -Ni Shi Chi Lai De Huanxi -You Are My Fateful Happiness -You Are My Belated Happiness -你是迟来的欢喜 Status in COO -74 Chapters (Completed) Original Publisher -jjwxc Disclaimer - I don...
