🥀🔞༺أحــببـتك أنيــسـا فـي إنــتــقامــي༺🔞🥀

𝐏𝐀𝐑𝐓 : 13

🥀🔞༺أحــببـتك أنيــسـا فـي إنــتــقامــي༺🔞🥀
الفـصــل الأول : الحِــصــن الخـطــأ ࿚
بقــلـم : 𝑭𝒂𝒕𝒊𝒎𝒂 𝒁𝒂𝒉𝒓𝒂

هيام (ضحكات) : الصراحة أه حيت مكنعرفكش وعلاش اصلا ادير فيا هاد الخير ؟

أمجد : انا وريتك النية ديالي ألغزالة غا لامابغيتيش وصافي ... و باش نزيدك انا ماغاديش نستقوا على بنت لي لا حول ولا قوة ليها (ختمها ليها بغمزة زعما راك فاهمة..)

هيام بعد تفكير او هضرت فخاطرها وتناقشات مع راسها ... شحال قدها تبقا هاكا تاحد مغيحن فيها اللهم تستغل الفرصة ماحدها جات برجليها لعندها وتعتق راسها من التشرد والشماكرية قالت فخاطرها يا ربحة يا دب•حة ....

هيام (نطقات بقلة حيلة) : وا هو أش غنقوليك أنمشي معاك مي مبغتيتش ندم بشي حاجا من بعد..

أمجد(بإطمئنان) : مغيوقع والو غير يالله..

ومشات باش تهز الحوايج لي خدات ليها فاطمة الزهراء ديهم معاها إيبقاو عندها كتذكار بلي غير البراني او عاونها ... و باش تزيد تحقد على باها ومادار فيها اما مرت باها فهديك بووووحدها عندها ليها حساب خاااص كتسنا غير تخرج من هاد الأزمة وتبالي بيها...

-فبلاصة اخرى فالقصر :

بعد 30دقيقة تقريبا بدات كتفيق كتحل عينها وترجع تسدهم باقا ماوضاحتش ليها الرؤية بعد ... يالله شدات فراسها باغا تنوض وهو إوقف عليها ونطق بصوت حنين...

يعقوب : كيبقيتي شوية؟ نجيب لك شي حاجا؟

فاتي (بصوت مريض) : لا أخويا انا بخير والله سمحليا شطنتك معايا..

يعقوب : يالله نوضي سيري لبيتك ترتاحي..

فاتي (تفكرات السبب علاش طرا ليها هاكا ونطقات بتردد)  : خخويا

يعقوب (عرفها فاش باغا دوي معاه نطق) : شنو

فاتي : عفاك أخويا دير ليا خاطري راه درية نقية وزوينة الله إخليك لاما جيبها لعندي مسكينة معندها تاواحد ..

يعقوب كيشوف فختو لاصقة ليه على هاد خيتي وقرر غيبحت عليها عاد الى كانت مزيانة أيجيبها لدارهم..

يعقوب : واخا شنو سميتها وكنيتها..

فاتي : سميتها هيام أخويا ولكن كنيتها معقلتش عليها (بقات شحال كتذكر حتى نطقت تاني) اه اه سميتها هيام برَّادة وراها كينة فداك الفوريان لي حدا ****

ضار خارج بلاما إجاوبها ... اما هي عرفت غرضها تقضى وناضت غادة لبيتها ترتاح...

-عندهم:

بعدما جمعات حوايجها داها الطموبيل ديالو لي كانت أودي كحلة كتبري وديمارا وزاد مخدم موسيقى كالم باش ترتاح نفسيتو...

وصلو لواحد الموبل كبيير خداو السانسور و طلعو للشقة لي عندو تما ... حل ليها الباب باش دخل مسبقها قدامو و تابعها هو ... مع دخلو كتبان ليها الدار كتبري وبأثات فخم و غالي ... كان على الدخلة ديال الباب صالون او التلفازة وكانابيات زوينين غير الصباغة دالحيوط و الطريقة كيفاش مقاد دكشي كتخلي القلب إتفاجا ... عجبتها الدار بزاف بقات غا كضحك يالله ضارت عندو تنطق وهي تلقاه ساهي فيها وفملامحها البريئة وديك الضحكة الفتانة ديالها..

هيام (نطقات بإحراج) : اححم شكرا بزاف على الدار والله عمري نسا ليك هاد الخير..

أمجد (تبسم ليها وهو تايه فيها) : ماشي مشكل مبغيتش نشوف غزالة بحالك كتكرفص فالزنقة ... عطيني الرقم ديالك لاحتاجيتي شي حاجة صوني عليا ...

عطاتو ليه و مشا فحالو غادي إقضي شغالو خلاها هي كدور فالدار و كتخايل فيها راها ديالها ومزوجة بيه او ولادها كيحنقزو هنا ولهيه ...

التحت عندو فالطموبيل:

ركب و خدا تيليفونو ودوز نمرة ديال واحد من رجالو ودوا معاه :

أمجد (بصرامة نطق) : بغيت 2 رجال إيجيو إحضيو ليا الدار لي كاينة في ***** انا دبا غنسيفط لك تصويرة مابغيت تاحاجة تقيس هاد البنت (وقطع عليه خلاه إتكلف...فالحقيقة هو رجل أعمال ولكن عندو بعض الأعمال الخارقة للقانون ... وديك الدار لي جابها ليه فالحقيقة ديالو قاليها كاريها غا باش تجي معاه تقول هو كرا دبا صافي خاصني نمشي...) ديمارا وزاد مخلي موراه غا العجاج غادي الشركة ...

يتبع...