🥀🔞༺أحــببـتك أنيــسـا فـي إنــتــقامــي༺🔞🥀

𝐏𝐀𝐑𝐓 : 62

🥀🔞༺أحــببـتك أنيــسـا فـي إنــتــقامــي༺🔞🥀
الفـصــل الأول : الحِــصــن الخـطــأ ࿚
بقــلـم : 𝑭𝒂𝒕𝒊𝒎𝒂 𝒁𝒂𝒉𝒓𝒂

يعقوب( فكرو فشي حاجا ضاراه نطق بحقد) : دقتهم جاية في القريب العاجل ومن أقرب الناس لولدهم ..

يوسف (ضحك عارفو فيمن فكر ونطق) : أضربهم ضربة خايبة على هاد الحساب !!

يعقوب (حك لحيتو ونطق) : كنوجد ليهم مزياان عمرهم مزال إهزو الراس من شحال هادي وانا كنتسنا فداك النهار ..

يوسف (ضرب ليه كتفو مطبطب عليه ونطق بمواساة) : وأنا معاك أخويا فكلشي ...

داز الوقت ودازو معاه أيام و 3 ديال السيمانات بالضبط ...

فاقت مع 12 ديال النهار من مور مافاقت مع 6 دالصباح باش طيب الفطور لسفيان ... ناضت شعرها طالع الفوق و الشوميز ديال النعاس لي لابسة نصها ملبوس او النص لاخر لا المهم فايقة كيف شي جنية ... كريشتها بدات كتبان او بالأحرى بانت ... تفكرات عائلتها وناضت قدات روتينها الصباحي وفطرات و لبسات ناوية تمشي تشوف ماماها وخوتها اما حتى باها راه كاين فالعسكر ...

فطريقها لدارهم كتشوف كلشي كيشوفيها شوفة ناقصة واحتقار ... ماداتهاش فيهم ومشات كملات طريقها حتى وقفات قدام دارهم ... دارهم لي عاشت فيها الحلوة والمرة مع عائلتها لي ماكانتش كتفوتها ... اما دبا هي لي خسرتهم بيديها وبسبب الطيش والمراهقة ديالها ..

مشاات كدق فالباب ديال الدار دقيقة وهي تخرج عندها واحد البنت صغيرة شوية فالسن جهد 7سنين ... استغربات هي مكتعرفهاش عمرها شافتها ...

خديجة (باستغراب) : السلام ...

البنت (بصوت طفولي كتشوفيها ونطقات مجاوباها بابتسامة مبينة سنيناتها لي ناقصين منهم السنينات القداميين) : السلام

خديجة : عافاك واش هادي داركم بنتمن نتي؟

البنت : أه هادي دارنا شكون نتي ؟؟

قبل متجاوبها كانت خرجات مامات البنت مرا في عمر الاربعين كتشوف بنتها معامن داوية حتى شافت خديجة تبسمات ليها ونطقات ...

أم البنت : اش حب الخاطر ألالة؟

خديجة : اححم السلام ... هادي كانت دارنا واش عاد سكنتو؟

ام البنت : اه هادي دبا جاية لشي 3 ديال السيمانات شرينا من عند واحد العسكري باعها لينا ...

خديجة (غرغرو عينيها ونطقت) : او معرفتيش فين تحولو؟؟

ام البنت : الصراحة لا لي عارفة هو كانو مزروبين باش يبيعو صافي وباعو لينا وهزو رحيلهم و مشاو ..

خديجة : صافي شكرا اختي

ومشات فحالها غادة وكتفكر فين ممكن امشيو بغات غا تصالح معاهم هادشي لي باغا ... جبدات تيليفونها كدوز النمرة ديال خوتها ولكن كانو بدلوها ... تفكرات عمتها اقدرو اكونو مشاو لعندها هي ... دوزات الخط لعمتها شوية وهي تجاوبها ...

يتبع..