🥀🔞༺أحــببـتك أنيــسـا فـي إنــتــقامــي༺🔞🥀

𝐏𝐀𝐑𝐓 : 28

🥀🔞༺أحــببـتك أنيــسـا فـي إنــتــقامــي༺🔞🥀
الفـصــل الأول : الحِــصــن الخـطــأ ࿚
بقــلـم : 𝑭𝒂𝒕𝒊𝒎𝒂 𝒁𝒂𝒉𝒓𝒂

داز داك النهار او جا نهار جديد عندها هي لي كانت باركة كتقرا فواحد القصة مي لقات بلي ماواخداش حقها فالتفاعل بدات دير ليها إشهارات وفعلا ديك القصة لقات إقبال كبير....

شوية وهو ابدا اصوني ليها التيليفون كانت خديجة جاوباتها فالبلاصة ...

هيام : ألو!

خديجة : هيام لباس

هيام : بخير ونتي

خديجة(بقلق) : اودي مابخير ما والو..

هيام : علاش شنو عندك؟

خديجة : راني مريضة بزاف غير كنرد او الدوخة واقيلا كليت شي تسمم..

هيام : اااه الله اشافيك أختي سيري دوزي من احسن..

خديجة : انخلي هاد السيمانة تايمشي بابا حيت داير لينا هنا الحجر حابسنا فهاد الدار ..حتى امشي عاد نمشي انا الطبيبة نشوف شنو عندي...

هيام : اه اوا الله اسمعك خبار الخير

خديجة : امين ياربي نخليك ماما كتعيط عليا..

هيام : سلمي عليها بسلامة..

قطعت عليها خديجة مشات عند مها وهيام بقات شحال كتفصل وتخيط راسها وغير استوعبت شنو طاري وهي ضرب فخاضها من داكشي لي جا فبالها مي مبغاتش تخلع خديجة...

هيام : اويييلي عالمسخوطة وتكون حاملة ناااري غيقت•لوها مافيهاااش

دازت ديك السيمانة لي كلها حب عند هيام وأمجد...وخديجة دوزاتها كلها مرض وخوف من تكون حاملة وديما فينما دوي مع سفيان على الخطبة كيبقا يأجل ليها حتى لمن بعد ....

جا النهار لي أيمشي فيه عيسى باش إرجع لخدمتو ...توادع معاهم كلهم ورجع فحالو وبقاو بحدهم فالدار هي ومها ماكانوش خوتها..

كانت باركة فالصالون هي ومها لي كانت كتفرج فالتلفزة وهي شادة تيليفون كتفرج وكدوي مع سفيان فنفس الوقت فاش كيوصلها ميساج من عندو ...

حكمت(طلعت راسها فيها مور ماتفكرت شحال فالشهر ونطقت بشك) : تي شتك باقا ماجاتك الحيضة !!

خديجة (صفارت وكاع الالوان ولاو ليها فوجهها..نطقت بارتباك) : هااا اتكون اتعطلات راك عارفاها كتجيني مخربقة

حكمت( شافت فيها بنص عين) : اوا عالله اكون هاكا ..

وناضت من حداها دخلات لبيتها دارت رونديفو مع الطبيبة تشوف شنو عندها وغتمشي عندها غدا...

•اليوم الموالي:

خديجة مع الصباح فاقت مشات للرونديفو ... بقات كتسنا تاجات نوبتها ودخلات عند نفس الطبيبة لي جات عندها دير ليها الشهادة...

نعستها فوق البياص او بدات كدير خدمتها وكتشوف فالتلفازة كل مرة ... بقات كتشوف فالتلفازة وترجع تشوف فخديجة لي وجها لونو صفر بالخلعة ...

الطبيبة (نطقت مور ماسالات خدمتها) : هبطي حوايجك واجي عندي المكتب..

خديجة دارت لي قالت ليها مشات بركات معاها فالمكتب خلات طبيبة كدوي..

يتبع...
اش بانليكم اش ايكون عندها🙄