🥀🔞༺أحــببـتك أنيــسـا فـي إنــتــقامــي༺🔞🥀

𝐏𝐀𝐑𝐓 : 42

🥀🔞༺أحــببـتك أنيــسـا فـي إنــتــقامــي༺🔞🥀
الفـصــل الأول : الحِــصــن الخـطــأ ࿚
بقــلـم : 𝑭𝒂𝒕𝒊𝒎𝒂 𝒁𝒂𝒉𝒓𝒂

أمجد : صافي تانوصل عندك انا تابعهم من اللور قربنا ...( وقطع عليها وهي رجعات عند هاديك لي كاسرة الدنيا بغواتها ولكن هيهات البلاصة فين هوما لاطير يطير ولا وحش يسير واخا تعيا ترطا مغتصور والو..)

هيام (غوتت حتى خلات مريم تسكت من غواتها وشافت فيها) : هيه سكتينا شوية تقبتي ليا الطبل ديال ودني مالك شكاين ...

مريم (كطلب) : عافاك أهيام أختي الله اخليك عندي ولدي لي هو خوك باقي صغير طلقيني خليني نمشي اخر مرة تشوفي وجهي ارحم ميمتك ...

هيام (ضحكات ضحكة خفيفة وعاودات نطقات باستهزاء) : اوه لالا حشومة انا مكنسواش لي مخلية ولدك بلا ماماه ... نتي فاش كنتي كتمشي تزللي مع الدراري وكتخليه ديك الساعة علاش ماكنتيش كتفكري فيه ولا فراجلك ها ... فاش جريتي عليا قلت لك غندمك مزيان وهانتي دبا عند كلامي او مغنحنش ... كيفما نتي ماحنيتيش فيا النهار اللول لي كنتي تمشي مع الدراري وتخليني انا فالشقا او فاش تجي بحالا مادايرة والو تبداي تآمري فيا ... ها عقلتي ولا نزيد نفكرك ... فاش كنتي كتحرشي داك الرويجل ديالك باش إضر•بني عقلتي ...

مريم (بدات تبكي) : عفاك ميمتك لاماخليني نمشي فحالي عفاك مابقيتش نعاود ...

هيام : اصلا مغتبقايش باش تعاودي ولا تفكري انك تعاودي ...

وسكتات فاش سمعات صوت الطمومبيلات وقفو برا .... ضارت لقات الدري لي كان مصاحب معاها هو نيت لي مصور معاها فبيت النعاس سميتو عبدو ... كان كلو مجندخ بمعنى الكلمة وكان كبر من مريم عندو 38 عام ضعيف شوية او فمو زرق بالكارو لي كيكمي ... ماكايدير والو فحياتو الفلوس لي كيكونو عندو غير من عند مريم لي كتاخدهم لعمران صافي ...

شادينو من دراعو وهو فاشل رجليه مجرجرين ماقادش ايزيد ... داوه ربطوه حداها فالكرسي ... دخل أمجد لي مع بان ليهم  كلشي دار ليه التحية حيت كيتحتارموه بزاف مقامو من مقام الزعيم ..

أمجد(مشا نيشان عند هيام لي كانت كتشوف فيه مشا باسها على راسها ونطق) : كلشي كيف بغيتي ياك ...

هيام (بفرحة) : كلشي هو هاداك او حسن والله شكرا بزااف معرفتش كيفاش نرد ليك هاد الخير ديالك

أمجد (شد ليها حنيكاتها المطبطبين وشاف ليها فعينيها مباشرة ونطق) : هممم اوا صافي انا خليلي أداك القليب ديالك هو و داك الدماغ ديال اينشتاين عندك صافي هادشي لي بغيت انا ألالة هيام (كمل كلامو وبدا كيضحك)

هيام (بدات تاهي كضحك معاه وكتشوفيه هايمة بيه) : مرحبا خودهم انا كلي ديالك أحبيبي..

يتبع...
هيام باقا نية🙂🤌