🥀🔞༺أحــببـتك أنيــسـا فـي إنــتــقامــي༺🔞🥀

𝐏𝐀𝐑𝐓 : 57

🥀🔞༺أحــببـتك أنيــسـا فـي إنــتــقامــي༺🔞🥀
الفـصــل الأول : الحِــصــن الخـطــأ ࿚
بقــلـم : 𝑭𝒂𝒕𝒊𝒎𝒂 𝒁𝒂𝒉𝒓𝒂

فبلاصة أخرى :

كانت بايتة عندها فاتي كيف العادة بايتة تحفظ فيها وتشرح ليها الماط و الفيزيك حيت كانت دايرة نفس الشعبة لي كانت دايرة هيام فاش كانت فالباك ... فاقو بجوج ناضو دارو الروتين الصباحي ديالهم و بدلو حوايجهم و خرجو الكوزينة باش اوجدو الفطور ...

وجدوه او بداو كيحطو فالطبلة وكيدويو ويضحكو ولاو متقربين من بعضياتهم بزااف وهادشي بالضبط لاحظو يعقوب و أمجد ... أمجد لي قلل من الزيارات ديالو لعند هيام حيت كتكون فاتي مكيبغيش إبرزطهم ...

فاتي (بركو كيفطرو وكل وحدة شادة تيليفونها حتى نطقات) : عرفتي غا جيت لعندك وليت وحدة أخرى ... كون إيشوفني خويا دبا كنفطر او شادة التيليفون كون شقفو ليا على راسي ...

هيام (ضحكات) : اودي انا هاد خوك غا على لي عاودتي ليا وليت نخاف منو ... اصلا راك فاش كتكوني شادة التيليفون و كتاكلي راك كتاكلي مزيان غا هو معرت داير فيها راه واعر البروطوكولات الخاويين ...

فاتي : خويا واخا هاكاك قلبو كبير و كيخاف عليا مني كنت صغيرة ومني ما•تو واليدينا وهو هاز الحمل و المسؤولية كلها على كتافو ... كاع دكشي ديال بابا كان هازو ... ماحيلتو للخدمة لي خاصها تبقا كيكانت ومايديروش فاييت وخاصو يقابلني تانا لي كنت كنمرض بزااف ديما غادي بيا للسبيطارات والاطباء وبرا البلاد ...

هيام (بقات فيها ونطقت بصوت حنين) : وماعاونو تا واحد؟

فاتي : عاونو واحد السيد الله إجازيه بخير هو لي عاونو حتى وقف على رجليه و دخل معاه ولدو ولا صاحب خويا او اصلا ديجا بابا كان كيعلمو كلشي مني كان صغير كان مزيدو بابا لهدشي ...

هيام : اااه الله ارحمهم أحبيبة ...(شهقات فاش تفكرات شي حاجا حتى خلعات فاتي)

فاتي (تخلعت عليها ونطقت) : ناري مالكي اش عندك؟

هيام : نسيت واحد الدرية صاحبتي خديجة مابقيتش سولت عليها من شحال هادي شنو دارت مزال ...

فاتي (زفرت ونطقت) : اعطيك ضربة خلعتيني نسحاب اطرات لك شي حاجا ..

هيام دخلات لبلاصة المكالمات ودوزات نمرة خديجة ... ثواني وجاوباتها من بعدما كانت باركة وشافت تيليفونها لي صونا بسميت صاحبتها لي كتنصحها وكتبغي ليها الخير ...

خديجة : هيام!

هيام : فين أصحيبتي لباس عليك ... باك مك خوتك كلشي بخير؟

خديجة (تنهدات) : مالباس والو اختي انا درت موصيبة ...

هيام : شنو؟

خديجة بدات كتعاود ليها من اللول حتى لفين هي دبا تصدمات هيام من داكشي لي سمعات لسانها بحالا تسرط مقداتش دوي مزال ... شافتها فاتي هاكاك عمرات ليها كاس ديال الما وبركات حداها طالقة تاهي ودنيها كتسمع لشنو كيقولو ...

يتبع غدا..
ها هيام اتبدا تخدم تاني عقلها باش تعطيها باش تخرج راسها😂🤦‍♀️
كون كنتو بلاصة هيام شنو تقدرو تنصحو خديجة؟