🥀🔞༺أحــببـتك أنيــسـا فـي إنــتــقامــي༺🔞🥀

𝐏𝐀𝐑𝐓 : 58

🥀🔞༺أحــببـتك أنيــسـا فـي إنــتــقامــي༺🔞🥀
الفـصــل الأول : الحِــصــن الخـطــأ ࿚
بقــلـم : 𝑭𝒂𝒕𝒊𝒎𝒂 𝒁𝒂𝒉𝒓𝒂

خديجة بدات كتعاود ليها من اللول حتى لفين هي دبا تصدمات هيام من داكشي لي سمعات لسانها بحالا تسرط مقداتش دوي مزال ... شافتها فاتي هاكاك عمرات ليها كاس ديال الما وبركات حداها طالقة ودنيها معاهم ...

هيام(خرجات هيام على الصمت ديالها ونطقات) : هادشي كاملو أخديجة وساكتة ديك الساعة عاودي ليا نلقاو ليك حل ماشي تالدبا عاد دويتي!!

خديجة (تنهدت ونطقت) : اودي اش انقولك راه داكشي داز بالزربة غمضي عينك لقيت راسي حاملة ومزوجة وبابا ساخط عليا وخسرت دارنا ...

هيام (بقات كتفكر شحال فهدشي دياالها ونطقت) : تبغي طلقي منو و تجي سكني معايا؟؟

خديجة (برفض) : لا نتي براسك هازك غا داك ولد الناس عاد نزيد انا ... غا خليني غانصبر حتى يفرجها الله ... (حنحنت ونطقت بصوت رقيق حشمانة منها) هيام عافاك بغيت نطلبك لابغيتي ...

هيام (باهتمام) : اه قولي لاكنت قادرة

خديجة : عافاك هو دبا ماخدامش قولي ل أمجد اشوف ليه شي خدمة معاه الله استر عليك غا شيفور ولا شي حاجا غا ميبقاش هنا فالدار وميجيبش ليا ماكلة الحرام ولا الحرام لداري عافاك ...

هيام : اوا لاكانت غا على هادي سيفطي ليا نمرتو نعطيها لأمجد اصوني ليه على الخدمة وديريها فيد الله احبيبة انا معاك فاش ماكان ...

خديجة (بامتنان) : شكرا بزاف تهلاي فراسك انا انمشي دبا..

وقطعات عليها ومشات هي طيب الغدا ناوية تصايب ليه داكشي لي كيعجبو باش تصفي معاه الخواطر ...

فاتي (تسناتها غا سالات ونطقت موجهة كلامها لهيام لي كانت باقا شادة تيليفونها باش دوز المكالمة ل أمجد) : شكون هاد الدرية واش هاديك لي عاودتي ليا عليها؟

هيام : اه هي حملات و عرفو دارهم او دبا راه تزوجت بيه وداها لدار سكنها راسها ...

فاتي (بحزن) : ناري مسكينة كون غير نعاونوها فشي حاجا

هيام (بعد تفكير) : غنعاونوها غا كوني هانية مغندوزهاش ليه ..

استئذنت منها و ناضت دخلات البيت ديالها وصونات على أمجد لي دغيا جاوبها ..

أمجد : الحب ديالي توحشتيني!!

هيام (ضحكات) : اه ... صافا كلشي بخير!!

أمجد : مني سمعت صوتك وانا بخير أحبيبة ...

هيام : اه مزيان الصراحة توحشتك ... (بتردد) أمجد نطلبك ...

أمجد (حيد من يديه دكشي لي كان كيدير وحيد الليكات لي كان لابس وخرج لبرا باش اسمعها على خاطرو ونطق): مرحبا على الراس والعين ..

هيام : عقلتي على ديك صاحبتي لي قلت ليك عليها ياك راه تزوجات بهاداك الدري وماخدامش بغاتو اخدم لاكان خاصك شي شيفور ولا شي حاجا خدمو معاك عافاك ...

أمجد : إن شاء الله دبا نخدمو ... عطيني غير نمرتو نصوني عليه نتلاقا معاه ونتفاهم معاه على كلشي ...

هيام : واخا المهم بلاما دخلني لا انا لا هي ...

أمجد : واخا

هيام : بسلامة انا انمشي تهلا فراسك أحبيبي ... الله اعاونك

قطع عليها ومشا كمل خدمتو وهي سيفطات ليه النمرة لي لقات خديجة سيفطاتها ليها ورجعات عند فاتي مجمعين ...

يتبع...