🥀🔞༺أحــببـتك أنيــسـا فـي إنــتــقامــي༺🔞🥀

𝐏𝐀𝐑𝐓 : 63

🥀🔞༺أحــببـتك أنيــسـا فـي إنــتــقامــي༺🔞🥀
الفـصــل الأول : الحِــصــن الخـطــأ ࿚
بقــلـم : 𝑭𝒂𝒕𝒊𝒎𝒂 𝒁𝒂𝒉𝒓𝒂

ومشات فحالها غادة وكتفكر فين ممكن امشيو بغات غا تصالح معاهم هادشي لي باغا ... جبدات تيليفونها كدوز النمرة ديال خوتها ولكن كانو بدلوها ... تفكرات عمتها اقدرو اكونو مشاو لعندها هي ... دوزات الخط لعمتها شوية وهي تجاوبها ...

العمة : ألو شكون معايا؟

خديجة : عمتي انا خديجة

العمة (شدت فراسها ونطقت) : الله يا خديجة و أش درتي الدنيا مقلوبة بسبابك ...

خديجة( بدات كتبكي ونطقات) : عمتي واش دارنا عندك؟

العمة (نكرات) : لا معنديش ... واخر مرة تعيطي عليا سمعتي باباك لاساق ليا الخبار نهاري مطلع فيه الشمس ...

قطعات عليها خلات خديجة كتبكي بحرقة وعلى زهرها و فين وصلها ... بقات غادة الطريق كلها كتبكي حتى وصلات الدار ... دخلات غسلات وجهها وبركات شادة تصويرة ماماها وخوتها وباباها مجموعين و كتبكي بحرقة وتشهق ...

داز الوقت و جا الوقت فاش كيرجع من الخدمة ... دخل الدار لقا الماكلة محطوطة فوق الطبلة ومشا كيقلب عليها فالدار كاملة ... حتى كيلقاها فالحمام تما وسادة عليها ...

سفيان (بدا كيدق ويدوي) : خرجي عندي خلاص ..

خديجة باقة فالحمام وكدوي معاه جاوباتو وهي شاداها التقفقيفة : مالك اسفيان

سفيان : خرجي ولا كدوي معاه خرجي عندي يالله ...

حلات الباب و يالله جات تخرج وهو ادفعها دخلها الحمام وبدا كيقلب فيها ... كان كيقلب على تيليفون كيسحاب ليه دايرة تيليفون بلاخبارو كدوي فيه مع الدراري مي مالقا والو ... بدا كيقلب فداك الحمام اي حاجا قلبها مني مالقا والو شدها من شعرها بالجهد حتى تأوهات ونطق ...

سفيان : معامن كنتي اليوم ها ... فين مشيتي اليوم معامن تشاورتي حتى خرجتي دوي ...

يالله جات دوي وهي تحس بحنكها عواج بديك التصرفيقة لي جاتها من دوك الخباطات ديال ايديه ....
ماكفاهش ديك التصرفيقة وزادها وحدين آخرين حتى رجع ليها وجهها حمر و جهة فمها كدوز بالدم ...

سفيان : عندمن مشيتي علاش متشاورتيش ها انا هنا ماشي راجل ولا كيفاش؟؟

خديجة (كتبكي) : عافاك اسفيان راه مشيت غير لدارنا صافي ورجعت عافاك طلق مني ..

سفيان (بدا كيضرب ليها راسها مع الحيط وكيدوي) : وعلاش لي متشاوريش باش عرفتك انا مشيتي لداركم ها ...

طلق منها خلاها كتبكي فداك الحمام و خرج جاب واحد القنبة باش كيربطو بيها ومشا لعندها شد ليها ايديها من اللور وربطهم ليها مع واحد الحديدة تما فالحمام وخدا الساروت وخرج سد عليها فداك الحمام و طفا الضو لي كان كيتشعل من برا ... خلاها عقلها غيخرج من الخلعة لي شدتها وهي مربوطة هاكاك فداك الظلام و فالحمام ...

يتبع...
اححح او اشنو مزال تابعها معاه🥺💔